Македонија
Teledoc конечно во Македонија
Европската водечка телездравствена услуга конечно и кај нас! Телемедицинско решение што ги решава трите најголеми проблеми во здравството: во секое време, од секое место, 24/7/365 на ваше располагање, консултација и советување за здравствени проблеми и нема повеќе чекање за медицинско внимание.
Тeledoc е фантастичен производ и одличен начин за преземање контрола на вашата здравствена заштита.
Тeledoc е европска водечка телездравствена услуга. Кога не се чувствувате добро, или имате прашања поврзани со вашето здравје, можете да добиете квалитетна нега од најразлични лиценцирани здравствени работници. Наоѓањето на лекар, медицинското досие, управувањето со здравствените ризици и одржувањете на здравјето се вообичаени предизвици ширум светот. Нашите виртуелни здравствени услуги им овозможуваат на членовите да имаат пристап до широк спектар на експертиза и да добијат основни упатства за подобро навигирање и решавање на нивните здравствени потреби.
Лекарите на Теledoc се достапни во секое време, ден и ноќ.
Имајте лекарска нега 24 часа на ден, 365 дена во годината. Барањата можат да се прават преку веб или мобилна апликација. Изберете време што е најдобро за вас, а Теledoc пребарувајќи ја својата мрежа ќе ве поврзе со лиценциран доктор.
Искусните професионалци на Теledoc се способни да советуваат за многу здравствени проблеми.
Виртуелната грижа како прва точка за пристап до здравствениот систем ги подобрува крајните резултати и нема дополнителни трошоци. За само 499 денари месечно, 2.499 денари годишно, или членарина за целото семејство за 4.899 денари годишно може да ја користите оваа здравствена платформа која е изградена врз принципите на одговорност, интегритет и квалитет.
TELEDOC- најдобар начин за превентивна грижа за вашето здравје!
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Едукативен мото настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото настан од отворен карактер „Сите возиме, но некои знаат“.
На присутните од страна на лиценцирани инструктори, ќе им биде презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Низ дружење со претставници и членови од мото клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење на електрични превозни средства“, велат од општина Кисела Вода.
Македонија
Ќе се основа Медицински факултет во Битола, усвоени се законските измени
Со усвоениот Закон предложен од пратениците на СДСМ основаме Медицински факултет во Битола, изјави пратеничката Жаклина Лазаревска.
Медицинскиот факултет ќе биде во состав на Универзитетот ,,Св. Климент Охридски” – Битола а ќе ги има отсеците за општа медицина, стоматологија, фармација и Висока медицинска школа.
Како што објави Лазаревска, наставните бази на Факултетот ќе бидат Клиничката болница Битола, Специјалната болница за кардиолошки заболувања „Свети Стефан“ Охрид, Специјалната болница за ортопедија и трауматологија „Свети Еразмо“ Охрид , Специјалната болница за нефрологија Струга и болницата со проширена дејност во Прилеп.
„Обезбедуваме висок степен на образование и обука за студенти кои ке станат идни лекари, со потребни знаења и вештини. Со основањето на Медицинскиот факултет Битола ќе го утврди своето место како регионален образовен центар и ќе даде можност на средношколците од градот и околните населени места, да студираат во своето место. Значително ќе допринесе во создавањето на нов стручен кадар, подобрување на здравствениот систем и одржување на високи стандарди за образованието, етиката и праксата во областа на медицината“, изјави Лазаревска.
Како што рече, ова ќе влијае на зголемување на квалитетот на здравствени услуги преку обучени и компетентни лекари за подобрување на здравјето на населението.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.