Македонија
Тодоров: Докторите кои доцнат на закажаните прегледи ќе бидат казнети
Вкупно 162 доктори во септември три пати или повеќе пати месечно задоцниле подолго од еден час на првиот закажан преглед во денот, информираше во вторник министерот за здравство, Никола Тодоров, врз основа на анализа на податоците од системот МојТермин.
Тодоров најави дека податоците ќе ги достави до сите директори на јавните здравствени установи со барање во рок од три дена да отпочнат прекршочни постапки за дисциплинска неуредност за секој од докторите.
Министерот на прес конференција детално ја презентираше фактичката состојба со доцнењето на вкупно 162 доктори.
„Од аспект на специјалности, најмногу доцнења има кај докторите од следните специјалности: психијатрија (22 доктори од горенаведените 162), акушерство и гинекологија (15), интерна медицина (14), офталмологија (14), ортопедија (11), педијатрија (11). Од друга страна, здравствени установи со најмногу доктори кои доцнат се: Општите болници во Дебар и Струмица и Универзитетската клиника за неврохирургија“, рече Тодоров.
Тој додаде дека специјалист по трансфузиона медицина од Крива Паланка е лидер со бројот на задоцнувања во месец септември. Од вкупно 20 дена во амбуланта, задоцнил со преглед повеќе од еден час во 15 дена.
Од друга страна, Тодоров, ги издвои докторите во Градската општа болница „8 Септември“ и Клиничката болница во Тетово, каде помалку од 5% од нив задоцниле со прегледување на пациентите според закажаните термини.
„Со доцнењето на првиот закажан преглед во денот (повеќе од еден час), автоматски се поместуваат сите останати закажани термини во текот на денот, а тоа негативно се одразува и врз пациентите кои се оставени да чекаат и врз ефикасноста на работа на докторот. Покрај тоа, треба да се има предвид дека пациентите многу често земаат отсуство од работното место за да отидат на закажаниот преглед, така што со доцнењето на докторот може да го надминат ограниченото време. Генерално, оваа појава предизвикува девалвација на системот и токму затоа имаме обврска да преземаме мерки да ја спречиме“, истакна Тодоров.
Министерот им се обрати јавно на сите доктори што доцнат на закажните прегледи:
„Замислете да се најдете на шалтер на некоја банка, да дојдете точно во времето кога е декларирано дека шалтерот отвора, да бидете прв во редот и да чекате еден час и повеќе. Дали во ваква ситуација нема гласно да реагирате и негодувате, дали нема да го побарате шефот или дури и директорот за да му го изразите незадоволството и дали ако ова ви се случи три пати во ист месец нема да ја промените банката“.
Банката може да ја промените, додаде, но пациентот не множе сам да си ја промени болеста.
Тодоров ги повика пациентите доколку се најдат во ваква ситуација директно да одат кај директорот на здравствената установа и да побарат докторот веднаш да биде повикан и укорен.
„Директорот мора да ве прими, тоа му е законска обврска, но и директна наредба од мене како министер да го сослуша секој граѓанин или пациент “, истакна министерот.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.
Македонија
ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови
„Владата на ВМРО-ДПМНЕ ќе спроведе ограничување на маржите на лековите и проширување на позитивната листа за бесплатни лекови“, велат од ВМРО-ДПМНЕ.
„Идната влада ќе имплементира модел за намалување на цените и ограничување на маржите на лековите и медицинската опрема. Народот не смее да го преплаќа лекот.
Ќе се спроведе ревидирање и модернизирање на позитивната листа на лекови со вклучување на најголем дел од основните лекарства кои граѓаните ги користат.
Лековите мора да се издаваат согласно потребите на пациентот, со персонализирана и индивидуализирана терапија. ВМРО-ДПМНЕ има за цел да го крене здравството на сосема ново ниво“, соопшти ВМРО-ДПМНЕ.
Македонија
Апасиев: Дали е вистина дека директорот на велешката болница забранил да им се дава инфузија на деца со температура 40 – за да заштеди
„Дали е вистина дека директорот на велешката Болница – Зоран Арсовски од СДС забранил да им се дава инфузија на Детското одделение, на деца со температура 40 – за да заштеди“, прашува претседателот на партијата Левица, Димитар Апасиев преку социјалните мрежи.
„И дали е вистина дека за операција на жолчка, во истава болница, докторите отворено си бараат мито од пациентите – од 500 евра ‘по тарифа’“, додава Апасиев.