Македонија
Тодоров: Клиниката за онкологија без листа на чекање за зрачна терапија
На Универзитетската клиника за радиотерапија и онкологија целосно е анулирана листата на чекање за зрачна терапија, истакна министерот за здравство Никола Тодоров при денешната посета на Клиниката каде се во ек градежни работи за подобрување на условите за работа.
„Како Министерство фокус имамвме на оваа здравствена установа затоа што станува збор за пациенти кои се во исклучително тешка здравствна состојба и долгото чекање дополнително ја комплицираше и усложнуваше нивната состојба. Комплетното анулирање на листите се овозможи со работа во две смени и со третман на 50 и повеќе пацинети дневно како резултат на нова и подобрена организација на Килинката“, изјави Тодоров.
Тој посочи дека во јануари 2014 година времето на чекање беше околу 3,5 месеци за зрачна терапија, а денес е од еден до три дена, колку што е потребно за подготовка на пациентите за терапијата.
„Постојните три акцелератори кои ги имаме со добрата организација на Клиниката овозможија сериозно намалување на времето на чекање. Веќе е пристигнат и ставен во употреба апарат за имунолошки анализи од најновата генерација, еден од најдобрите во светот во овој момент, кој има огромен капацитет и во целост ги задоволува потребите. Исто така, набавивме и нов акцелератор во вредност од 1,7 милиони евра кој треба да пристигне на крајот на годинава или на почеток на наредната. За негово инсталирање Клиниката треба да направи дополнителна инвестиција за изградба на нов бункер“, рече Тодоров.
Прецизира дека изработката на проектот е во завршна фаза, ќе следи објава на тендер за градежните работи во износ од околу 25 милиони денари по што ќе биде инсталиран четвртиот по ред акцелератор во Клиниката за радиотерапија и онкологија.
„На оваа клиника започна и имплементацијата на нова стручна метода за локализација на тумори што е побезбедна за пациентите и која првично беше пробана во 2011 година. Потоа се направија дополнители обуки, беше набавена дополнителна опрема во вредност од околу 2,5 милиони денари и беа испратени лекари на обука во Брисел преку Меѓународната агенција за атомска енергија“, рече Тодоров.
Истакна дека наместо постојните девет амбуланти во Клиниката сега има 18 со што значително се забрза протокот на пациенти.
Директорот на Клиниката Милан Ристески истакна дека покрај анулирањето на листата на чекање го зголемиле и квалитетот на испораката на радио-терапијата и додаде дека идејата им е 25 отсто од пациентите да се префрлат на новата понапредна техника која овозможува подобро зачувување на нивното здравје.
„Ако порано верификација на позиција правевме само еднаш за време на третманот, сега кај сите пациенти обавезно правиме проверка еднаш неделно, а кај покомплицираните секојдневно“, рече Ристевски./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.