Македонија
УБК следела најмалку 4.300 телефониски броеви, прислушувањето продолжило и во 2016 година
Десет лица вработени во Управата за безбедност и контраразузнавање, во период од 2008 до 2016 година, незаконски прислушувале околу 4.300 телефонски броеви за кои немало судска наредба и уште 1.500 кои биле прислушувани надвор од периодот одреден за следење со судска наредба.
Како што објави Специјалното јавно обвинителство во петок на прес-конференција, биле следени телефонските броеви на новинарите Борјан Јовановски, Мери Јордановска, Горан Михајловски, но и на лицата обвинети во случајот „Пуч“, лидерот на СДСМ Зоран Заев, поранешниот разузнавач, Зоран Верушевски, неговата сопруга Соња Верушевска и службеникот од Општина Струмица, Бранко Палифров.
Со незаконското следење телефонските комуникации од 2008 до 2015 ниту им се почитувани приватноста на прислушуваните, ниту е гарантирна тајноста на податоците, иако државата според Уставот има задача да ги заштити од незаконско прислушување нејзините граѓани, појасни специјалната јавна обвинителка Катица Јанева.
Се злоупотребувале системите за следење на комуникациите од Управата за безбедност и контраразузнавање од службените лица кои работеле таму, а се платени од Буџет.
Десет лица вработени во УБК од највисоките структури до пониски позиции кои како соизвршители извршиле злоупотреба за службената положба.
„Постои основано сомнение дека осомничените лица на штета на средства од државата со злоупотреба на системите за прислушување потешко ги оштетиле правата и слободите на граѓаните“, рече обвинителката Фатиме Фетаи.
Појасни дека најмалку 4.286 телефонски броеви биле незаконски прислушувани за кои воопшто не биле издадени судски наредби, а дополнително 1.541 телефонски број за кои во одреден период имало судска наредба за следење, но биле прислушувани и вон таа рамка, што значи вкупно најмалку 5.827 телефонски броеви. Можеби таа бројка се чини мала споредено со изјавите на Зоран Заев кога ги објави прислушуваните материјали, но треба да се има предвид дека на тој начин се прислушувале и други кои не биле основен таргет, но се јавиле на некои од тие телефони.
Предмет на истражување на СЈО биле работењето на системите за следење на комуникациите во УБК од 2008 до 2015 година, при што во тој период во употреба биле три различни системи, а во однос на тоа кој систем бил во употреба биле прислушувани различни случаи.
Тројца од обвинетите спротивно на законските прописи давале нареби да се внесуваат броеви во системите за кои немало судски наредби, а внесувале и сами.
Првоосомничениот кој бил на раководна позиција иако немал законско право издавал наредби за лица од блиското окружување, но и приватни лица, како и лица од политичката и бизнис, но и новинарската фела.
Второосомничениот, раководител на оддел УБК, заедно со првоосомничениот и самостојно спротивно на закон за следење на комуникација го организирале процесот на незаконско прислушување.
Освен што давал наредби за телефонски броеви и самиот внесувал телефонски броеви за кои не биле издадени судски наредби и слушал разговори. Третоосомничената како раководител на сектор по насоки на второосомничениот проследувала телефонски броеви кои требало да бидат внесени во системите со налог до кој краен корисник да ја следи таа телефонска комуникација, а најчесто тоа биле прво и второосомничниот.
Двајца од останатите осомничени ги внесувале телефонските броеви во системот, останатите осомничени транскрибирале разговори за прво и второосомничениот.
Ова го забележало лице вработено во УБК, кој потоа прибавил дел од аудиозаписите од незаконските прислушувања и транскрипти, ги предавал на друго лице, а преку трето лице на лидерот на една политичка парија, кој, пак, ги предаде во СЈО.
„Една од последиците е потешката повреда на правата на лицата чии комуникации се следени без судска наредба, од кои дел веќе побарале отштета“, појасни Фетаи.
Таа ги наброи новинарот Борјан Јовановски, Мери Јордановска и Горан Михајловски прислушувани од 2013 до 2015 година
„Ова ќе има импликации врз предметот „Пуч“, рече Фетаи, во кој осомничени се Зоран Верушевски, Соња Верушевска, Бранко Палифров и Зоран Заев.
Во рамки на предистражната постапка произлегло дека дел од обвинетите биле незаконски следени пред издавање на судски наредби, па така Зоран Верушевски незаконски е прислушуван 600 дена пред судска наредба, Соња Верушевска 816 денови, Бранко Палифров 90 дена пред судска наредба, а Зоран Заев 1.150 денови од кои најголем дел пред судска наредба и околу година по судската наредба на едниот телефон, а на другиот број 400 денови.
По објавувањето на `бомбите` од страна на опозицијата, прислушувани разговори на високи функционери, тие беа обвинети за „шпионажа“ и „насилство спрема државни функционери“. Заев во рамки на случајот „Пуч“ е обвинет дека го уценувал Груевски со снимките од прислушуваните разговори и барал да бидат одржани избори.
Незаконското следење на телефонските комуникации е вршено со злоупотреба на системите во УБК, со тоа што уништените системи ја отежнале истрагата, појасни Фетаи.
Постои сомнение дека незаконското следење продолжило и по обелоденувањето на „бомбите“, а според системот користен до 31.12.2015 произлегува дека биле следени 138 телефонски броеви. „Доказите покажуваат дека процесот на злоупотреба продолжил и во 2016 година“, рече Фетаи.
„Уништувањето на двата системи кои биле во употреба од 2008 до 2015 значително го отежна истражувањето, но тоа се истражува во рамки на предметот „Тврдина“, додаде Фетаи.
Најави и дека се води предистражна постапка за уништувањето на архивираните материјали, но бидејќи е предистражната постапка тајна, не изнесе повеќе детали.
Обвинителката Ленче Ристовска, одговарајќи на новинарско прашање, рече дека не поседуваат докажи дека незаконското прислушување било вршено од странски служби и жолти комбиња. /крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“
Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните парламентарни избори.
Потпретседателот на ВМРО-ДПМНЕ, Тимчо Муцунски, кој ги соопшти имињата, листите ги опиша како победнички и изрази надеж дека ќе добијат мнозинска поддршка од граѓаните.
„Ова се победнички пратенички листи, а при нивното составување се водеше сметка за гласот на народот, нивните барања и потреби. Носителите на овие победнички листи се: Во првата изборна единица е лидерот на ВМРО-ДПМНЕ Христијан Мицкоски каде очекуваме огромна поддршка и огромна победа; Втората изборна е мојот колега и пријател Владо Мисајловски; Третата изборна единица е Драган Ковачки; Четвртата изборна единица е потпретседателот Александар Николоски; Петата изборна единица генералниот секретар на ВМРО-ДПМНЕ Ѓорѓија Сајкоски. Шестата изборна единица каде очекуваме исто така убедлива доминација во однос на СДС е Дафина Стојановска“, рече Муцунски.
Како што додаде, станува збор за луѓе со кредибилитет, искусни и енергични.
„Тоа се луѓе кои и требаат на Македонија, луѓе кои ќе се борат за решенија, за решавање на проблемите. Имаме тешка задача пред нас да ја кренеме Македонија и да ја вратиме надежта. Само заедно ќе успееме“, рече Муцунски.
Во продолжение листите во целост:
ИЕ 1
1. Христијан Мицкоски
2. Гордана Кочовска Димитриевска
3. Коалиција
4. Синиша Стојановски
5. Бети Стаменковска
6. Тони Јаревски
7. Иван Живковски
8. Љупчо Пренџов
9. Марија Митева
10. Иванка Василевска
11. Коалиција
12. Велика Стојкова Серафимовска
13. Сергеј Попов
14. Јане Мицески
15. Бисера Златеска
16. Катерина Димитровска
17. Игор Никовски
18. Мартин Стојановски
19. Александра Николовска
20. Тодор Коневски
ИЕ 2
1. Владо Мисајловски
2. Жаклина Пешевска
3. Коалиција
4. Бобан Николовски
5. Бојан Стојановски
6. Каролина Насковска
7. Зоран Коцевски
8. Бране Петрушевски
9. Дијана Илиевска
10. Емилија Ангелова
11. Коалиција
12. Ерџан Демири
13. Весна Додевска
14. Зоран Бајовски
15. Ивица Димковски
16. Дени Милевски
17. Габи Калкова
18. Никола Стојковски
19. Мартина Ристовска
20. Валентина Петровска
ИЕ 3
1. Драган Ковачки
2. Никола Мицевски
3. Рашела Мизрахи
4. Игор Здравковски
5. Коалиција
6. Благица Ласовска
7. Миле Лефков
8. Даниела Христова
9. Марија Петрушевска
10. Душко Иванов
11. Александар Јамалов
12. Драгана Бојковска
13. Емил Спасовски
14. Драгана Арсова
15. Столе Кракутовски
16. Љупчо Спиров
17. Гордана Барбашка
18. Јорданчо Костадинов
19. Мартин Ефремовски
20. Анкица Анакиева
ИЕ 4
1. Александар Николоски
2. Антонијо Милошоски
3. Ели Панова
4. Дејан Проданоски
5. Зоран Јованчев
6. Ангелинка Петкова
7. Петар Ристески
8. Златко Пенков
9. Моника Ристеска
10. Јулија Тушева
11. Жан Дрвошанов
12. Петар Марков
13. Билјана Кузмановска
14. Весна Ѓорѓиева
15. Мито Андонов
16. Јадранка Поцкова
17. Наталија Димитриева
18. Гоце Дединец
19. Сашо Граороски
20. Никола Златески
ИЕ5
1. Ѓорѓија Сајкоски
2.Олга Лозановска
3.Сашо Донев
4. Пеце Милевски
5. Јован Јаулески
6. Лидија Петковска
7. Мевмед Џафери
8.Кире Божиновски
9. Силвана Ангелевска
10. Грација Бакрачевска
11. Лазе Јакимовски
12. Ѓорѓи Влајкиновски
13. Благица Крстеска
14. Никола Дранговски
15. Леон Мерсовски
16. Менче Марковска Андреева
17. Билјана Стефановска
18. Жанета Петреска
19. Мартин Иваноски
20. Ѓорѓи Шопоски
ИЕ 6
1. Дафина Стојаноска
2. Александар Велјановски
3. Валентина Марчевска
4. Коалиција
5. Верица Апостоловска
6. Ванчо Милевски
7. Алишериф Синани
8. Анета Ќироска
9. Анита Бошкоска Јованоска
10. Мишо Маринковски
11. Бране Стојчевски
12. Верица Тофиловска
13. Ивана Савеска
14. Даниела Апостоловска
15. Деан Трпески
16. Марина Петровска
17. Горан Зафировски
18. Тања Сибиновска
19. Лилјана Спиревска
20. Александра Спироска
Македонија
Села оди во коалиција со Ахмети
На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со Европскиот фронт – коалицијата предводена од ДУИ.
Зијадин Села изјави дека одлуката била донесена едногласно, односно само еден делегат бил против, а четворица воздржани.
Очекуваат да добијат најмалку пет пратенички мандати.
„Европскиот фронт ќе биде апсолутен победник на изборите. Алијансата ќе има минимум парламентарна група“, рече Села.
Алијансата се подели на две крила, кога партискиот лидер Арбен Таравари објави дека партијата на претстојните парламентарни избори ќе настапи заедно со опозицискиот блок на Албанците – Беса, Алтернатива и Демократско движење, додека Села објави дека ќе одат на избори самостојно. Потоа следеа одделни партиски конгреси, а во судот веќе се води спор.
Македонија
ДУИ во коалиција со Унијата на Ромите
По потпишувањето на коалицијата за Европскиот фронт со ДПA на Мендух Тачи, Народното движење на Скендер Реџепи Зејд, ДЕП на Аријан Хоџа и Демократска партија на Турците (ТДП), претседателот на Демократската унија за интеграција, Али Ахмети одржа конференција за медиумите, каде што беше потпишан коалицискиот договор со Фатма Османоска, претседател на партијата Унија на ромите.
Претседателот на Демократската унија за интеграција , Али Ахмети ја истакна важноста на коалицијата помеѓу двете заедници, онаа на Ромите и Албанците и силата што ќе ја има Европскиот фронт во борбата против дискриминацијата и маргинализацијата на секоја заедница.
„Општина Шуто Оризари е единствената општина во Европа на ромската заедница и тоа е навистина за радување и за поддршка во сите сфери на животот. Почитувана претседателка на партијата, на средба со градоначалникот на општината, му реков, почитуван градоначалнче, немавте претставници за време на Охридскиот договор, јас ги претставував сите заедници кои немаа претставници таму, Роми, Турци, Власи, Бошњаци како и Трајковски чија евангелиска вера не ја признаваа. Г-ѓо претседателке, нема потреба да поставувате барања, ја имате нашата поддршка, јас доаѓам од народ кој бил дискриминиран, надгласуван и маргинализиран, затоа сите заедно ќе се бориме против дискриминацијата и маргинализацијата. Ромската заедница рамноправна со сите на истиот фронт. Сакам да му честитам на градоначалникот на Шуто Оризари за работата и соработката, кој оствари извонредна соработка со Албанците и советниците кои работат заедно, бидејќи градоначалникот е тој што доближува. Зборувам со голема одговорност, ќе не испробате и ќе видите какви партнери сме. Не само со зборови, туку и со дела. Ќе бидеме заедно на нашето патување, ќе ја направиме нашата земја членка на ЕУ, во нашата земја мора да владее правото, во нашата земја мора да владее вистинска демократија, а ние, Европскиот фронт, сме тие кои ќе ги градиме овие вредности. Вака како што сме заедно, на 24-ти април, да извојуваме убедлива победа и на 8-ми мај, неспорна победа. ДУИ ќе го направи невозможното, во овој мандат мора да има пратеничка Ромка, и таа ќе биде Фатма. Честитки, здравје и успех! Без дилеми, Европскиот фронт е победник на овие избори“, рече Ахмети.
Претседателката на Партијата на Унијата на Ромите, Фатма Османоска, рече дека денес единствен начин ромската заедница да најде поддршка и потпора е да се приклучи на еден единствен фронт каков што е Европскиот фронт.
„Почитуван премиере, почитуван господине Ахмети, почитувани сопартијци, советници и граѓани. Во кој фронт да се вклучи нашата партија, ако не во Европскиот фронт? Кого да избереме ако не оние со кои имаме иста визија. Ни рекоа, немате политичка сила, немате образован кадар, немате партија. Сега сме тука пред вратата на Европа, за да влеземе во ЕУ како рамноправни. Овој сојуз ќе ни даде можност да бидеме рамноправни. Како претседател, а и како партија гарантираме дека оваа соработка ќе успее“, рече Османовска.
Исто така, за важноста на Фронтот зборуваше и градоначалникот на општина Шуто Оризари, Курто Дудуш, кој истакна дека со овој фронт Ромите ќе почнат да го живеат сонот кој требаше одамна пред многу години, додавајќи дека фронтот ќе добие повеќе од 20 пратенички мандати.
„Ова што се случува во наше време, жалам што претходните ромски политичари не ја сфатија оваа можност, за да го искористат Рамковниот договор како што денес браќата Албанци ја искористија да бидат рамноправен народ со Македонците, но велам дека никогаш не е доцна. Оваа коалиција ќе донесе голема победа со плус 20 пратеници“, изјави градоначалникот на општина Шуто Оризари, Курто Дудуш.