Македонија
Вељаноски: Севкупниот развој и членството во ЕУ и НАТО се најголемиот предизвик
Имаме обврска Македонија да им ја предадеме на следните генерации уште поразвиена, уште посигурна и уште постабилна, а најголем предизвик останува вкупниот државен развој, а приоритети членство во НАТО и во ЕУ, рече претседателот на Собранието, Трајко Вељаноски, на свечената академија во пресрет на празникот 8-ми Септември – Денот на независноста на Република Македонија
На свечената акедемија по повод 23 години од одржувањето на референдумот на кој со огромно мнозинство граѓаните се изјаснија Република Македонија да истапи од поранешната СФРЈ и да стане самостојна и суверена дрќжава, која се одржа во неделата навечер во Македонскиот народен театар, присуствуваа и претседателот Ѓорге Иванов и премиерот Никола Груевски, пратеници и министри од првиот состав на Собранието, дипломатскиот кор во Република Македонија, како и бројни јавни личности.Вељноски во својот говор повика и на соработка и единство меѓу политичките субјекти во земјата, на натамошното јакнење на довербата меѓу етничките заедници и меѓуверската толеранција.„Никогаш не престанавме да веруваме и да се бориме за нашето заедничко подобро утре под сонцето на слободата. Таквата упорност, пожртвуваност, национална одговорност и вера ја доведоа Македонија таму каде што е денес. Нашата татковина 23 години чекори по патот на независноста. Нашите граѓани 23 години ја живеат слободата и успешно се носат со одговорноста која доаѓа со независноста“, рече Вељаноски.„Огромна благодарност и до сите други македонски синови и ќерки кои овие 23 години во македонски униформи ги чуваа македонските граници и македонската земја внатре во Македонија кога беше потребно или надвор од неа како дел од мисиите на нашите нато сојузници“, рече првиот парламентарец. Осми септември, како што рече Вељаноски, е најголемиот симбол и на искрениот дијалог, соработка и разбирање меѓу различните политички партии. Затоа, според него овој датум „треба да биде денот на кој треба да го славиме и да го поттикнуваме нашето единство и соработка“.„Осми септември не е празник само на поддржувачите на една или на друга партија. Осми септември е празник на сите наши партии. Осми септември е најголемиот политички успех, како на ВМРО-ДПМНЕ, така и на СДСМ. Оваа вредност на овој голем ден мораме постојано да ја акцентираме. Како што пред 23 години македонските политичари од сите политички партии застанаа еден до друг на плоштадот во Скопје да ја обнародат и да ја прослават независноста, така ние денес имаме обврска кон тоа дело и кон тие луѓе да бидеме единствени и сплотени“, порача Вељаноски.Тој истакна дека 8-ми Септември, како ден на македонската независност подеднакво се однесува на сите, независно од тоа каков јазик говора или на кој бог му се молат, како и дека мора уште повеќе да се јакне довербата и разбирањето меѓу етничките заедници.„Членството на Македонија во НАТО е нашиот најголем приоритет. Во овој историски период, тоа е целта над сите цели. Тоа е задачата над сите наши задачи. Со силна вера и посветеност, стоиме рамо до рамо со нашите западни сојузници. Непоколебливо даваме свој придонес во афирмацијата на вредностите во кои веруваме. Со силна вера и посветеност, продолжуваме стрпливо да го чекаме денот кога македонското знаме ќе се развиори пред седиштето на НАТО во Бриесл“, рече Вељаноски.Според него следнито голем приоритет на Македонија е полноправното ченство во Европската унија.„Нашиот нов 8-ми Септември, новиот македонски Илинден, ќе биде денот кога Република Македонија ќе се интегрира во Европската унија. На патот до полноправното членство, остваривме голем напредок. Продолжуваме со иста посветеност да работиме на остварување на големата цел на граѓаните на Република Македонија. Во изминатите години, како држава направивме огромни исчекори. Различните влади водени од различни политички партии, трпеливо и посветено го пишуваа македонското европско досие. И денес го правиме истото. Продолжуваме да ја реформираме Македонија согласно европските стандарди. Продолжуваме да ја градиме Македонија согласно насоките од нашите европски пријатели. Продолжуваме да го менуваме македонското општество и прилики согласно европските рецепти. Европската унија е најдобриот проект за Македонија. Интеграцијата во ЕУ е најдобриот рецепт за модернизација на македонското општество“, рече Вељаноски.Сепак, за претседателот на Собранието, најголем предизвик и натаму продолжува да биде севкупниот развој на земјата. „Изминатите две децении покажавме дека имаме сила да ја сочуваме и да ја надградиме оваа придобивка. Покажавме дека знаеме како да ја градиме Македонија. Покажавме дека знаеме како да го чуваме наследството и вредностите на основачите на македонската држава. Покажавме дека имаме сила натамошно да ги зацврстиме темелите на Македонија. Имаме обврска оваа наша земја да им ја предадеме на следните генерации уште поразвиена, уште посигурна и уште постабилна“, потенцираше Вељаноски./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите ги смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.