Македонија
Во Македонија не може да се открие корупција во финансирањето на политичките партии
Со методологијата според која работи Државниот завод за ревизија не може може да се откријат таканаречените скриени пари за коишто се зборува во текот на изборните кампањи, а Државната комисја за спречување корупција, Јавното обвинителство и полицијата работат според нивните извештаи.
Ова го тврди Тања Таневска од Државниот завод за ревизија, која учествува на конференцијата „Напредни методи за мониторинг на финансирањето на политичките партии и изборните кампањи“. „Методологијата на ревизијата е таква, согласно стандардите, ние мораме во текот на ревизијата да постапиме врз основа на анализа на документите што ќе ни бидат приложени. Заради тоа, досега, во нашите ревизорски извештаи, односно ревизорите не напишале дека е откриен криминал. Не сум сигурна дека со нашата ревизорска методологија може да се откријат таканаречените скриени пари за коишто навистина се зборува во текот на изборните кампањи. Зборувам од аспект дека методологијата на ревизорите не претставува истражна постапка. Верувам дека во некоја истражна постапка тоа може да се открие, но онака како што ние работиме и што е мандат и мисија на врховна ревизорска институција, не сум сигурна, ниту сум убедена дека можеме да го добиеме тој резултат што се очекува“, вели Таневска.Сепак, смета дека методлогијата не треба да се менува затоа што таа е исклучиво изработена согласно ревизорски стандарди коишто се применуваат на меѓународно ниво и она што македонскиот Државен завод за ревизија го работи е на ниво на високоразвиените западни врховни ревизорски институции. Од друга страна, пак, Државната комисија за спречување корупција досега за сите оние што се учесници во изборните кампањи, а кои не доставиле финансиски извештаи покренала постапки пред надлежните судови и тие се процусираат, а дел се завршени и со казни.„Најголем дел од проблемот што се јавува е недоставувањето на извештаите за финансирањето на изборните кампањи, но мора да кажам дека најголемите партии тоа секогаш го почитуваат. Се јавува проблем кај помалите политички партии , кај оние самостојни листи на учесници во локалните избори, коишто и не се доволно запознаени со законските прописи за доставување на извештаите за финансирање на нивните кампањи. Потоа се спроведуваат оние санкции кои се предвидени со законот. За сите оние што се учесници во изборните кампањи кои не доставиле финансиски извештаи ДКСК покренува постапки пред надлежните судови и тие се процусираат. Добар дел се веќе процесуирани, а добар дел се завршени и со казни“, вели Игор Тантуровски, претседател на ДКСК.Појасни дека испитувањето за тоа дали и каде не направена корпуцијата, му припаѓа на ма Државниот завод за ревизија, кој испитува како одело финансирањето, од каде доаѓале приливите на тие средства, а ДКСК потоа ги користи ревизорските извештаи кои ги добива и врз основа на нив потоа спроведува свои постапки и покренува постапки пред надлежните судови.Како што појасни Таневска, пак, согласно закон, ревизорските извештаи ги испраќаат во јавното обвинителство, а потоа тоа, по службена должност ги испраќа до Министерството за внатрешни работи за да се преземе таа истражна постапка. „Ние ги даваме препораките од она што е наод и потоа треба да се преземат мерки, меѓутоа повторувам , од досегашните ревизорски извештаи не станало збор за криминални дејствија којшто ги откриле ревизорите“, вели Таневска.Поранешниот министер за внатрешни работи и претседател на партијата Обединети за Македонија, Љубе Бошкоски, годинава беше пуштен од затвор откако одлежа пет години за случајот „Кампања“, односно за нелагално финансирање на кампањата за изборите во 2011 година.Бошкоски беше уапсен во еден скопски ресторан, како земал 100.000 евра, пари наменети за нелегално финансирање на капмањата.Специјалното јавно обвинителство отвори случај за апсењето на Бошкоски под името „Тортура“ и за ова осомничен е поранешниот директор на Управата за безбедност и контраразунзнавање, Сашо Мијалков и командирот на „Алфите“, Ивица Антевски-Пуки за мачење и сурово постапување заради политичка одмазда./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ванковска: Преспанскиот и Бугарскиот договор се колонизаторски договори
Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека кога политичарите говорат за прашањата за Преспа и другите договори, тоа е само губење време и одвлекување на вниманието од реалните проблеми на земјата, сиромаштијата, невработеноста, корупцијата и сл..
„Точно е! Мнозинството граѓани едвај врзуваат крај со крај, очајни се од непостоење здравствен или образовен систем, сакаат развој а не вртење кон минатото.
Она што овие млади (а инаку умни) луѓе уште не го научиле е дека геополитиката (која ни ја наметнаа) е тесно поврзана со геоекономијата. Би очекувала својот критички ум да го свртат кон, на пример, поврзаноста на нашата колонијална положба со Преспа и Митилинеос. Или дури и со Бехтел и Енка… и уште многу ситни и не толку ситни зделки на македонските компрадорски елити кои нѐ продадоа како на сточен пазар, ни ги одзедоа и идентитетот и достоинството, ама и ги наполнија своите џебови врз база на бајките за ЕУ интеграција со смена на името и уставот.
It’s all about geopolitics, stupid!“, пишува Ванковска.
Според неа, Преспа и Бугарскиот договор не се само национални, идентитетски прашања, туку и класни и социоекономски. Ние, додава таа, сме во класично ропство, а принудени да аплаудираме на колонизаторите кои не се тука за наше добро, туку за свои интереси.
Македонија
ВМРО-ДПМНЕ: Идната наша влада ќе изгради нов објект за Клиничкиот центар во Скопје и ќе ја доизгради Клиничката болница во Штип
Идната влада на ВМРО-ДПМНЕ ќе изгради нов објект за Клиничкиот центар во Скопје и ќе ја доизгради Клиничката болница во Штип, велат од ВМРО-ДПМНЕ.
„Главен фокус на идната влада во здравството ќе биде укинување на дуализмот. Ќе се спроведе спојување на клиниките во еден интегриран Универзитетски Клинички центар „Мајка Тереза“. Интегриран Клинички центар во Скопје ќе значи подобри услуги за пациентите и намалување на трошоците при јавните набавки, кои ќе бидат вршени централизирано. Владата предводена од ВМРО-ДПМНЕ ќе го заокружи целиот процес со Клиничкиот центар во Скопје со изградба на нов објект“, дополнуваат од ВМРО-ДПМНЕ.
Како што велат, истовремено владата ќе биде силно фокусирана и на довршување со градбата на Клиничката болница во Штип.
„По изградбата на Клиничката болница истата ќе биде опремена со најсовремена опрема и истата ќе се доекипира со соодветен медицински кадар. Владата на ВМРО-ДПМНЕ ќе го има здравјето на граѓаните на прво место, затоа континуирано ќе вложуваме во здравството. Време е да ја вратиме државата на народот“, завршуваат од ВМРО-ДПМНЕ.
Македонија
Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, велат од ВМРО-ДПМНЕ
Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, кои е вклучен во кампањата на Стево Пендаровски и СДС, велат од ВМРО-ДПМНЕ.
„Како и секогаш Пендаровски, Ковачевски и СДС кога се фатени во скандал или криминал се служат само со навреди, лаги и манипулации наместо да дадат конкретни одговори на релевантни прашања поврзани со скандалот. Повеќе од десетина дена, откако признаа дека се среќавале со контроверзниот израелски консултат Еисин, нема одговор како тој е ангажиран во нивната кампања, како го исплаќаат и дали тој е ангажиран за црна кампања, кампања на поделби и етикетирања. Јавноста заслужува одговори како овој балкански мешетар СДС и Ковачевски го исплаќаат, бидејќи во ниту еден извештај за финансиско работење неговиот ангажман не е заведен, и дали истиот е плаќан со црни пари, кеш на рака, од криминалните тендери на власта, пари украдени од граѓаните“, дополнуваат од ВМРО-ДПМНЕ.
Како што посочуваат, од СДС треба да одговорат, дали покрај ангажирањето на Еисин, во Македонија се дојдени и две други лица, кои се локална поддршка на консултантот на Еисин, кои се сместени во центарот на Скопје во еден хотел и веќе активно работат на црната кампања на СДС за претстоините избори.
„Ги повикуваме надлежните институции веднаш да се одважат и да се ангажираат за расчистување на овој скандал, да го откријат финансирањето на консултантот и вклучувањето на странски државјани во кампањата за изборите. Време е за промени. Следува одговорност за секој сторен криминал, за секој скандал и за секое крадење на народни пари“, завршуваат од ВМРО-ДПМНЕ.