Македонија
Заев очекува разумност при прегласувањето во Теарце
Лидерот на СДСМ, Зоран Заев, очекува граѓаните да излезат да гласаат за она кое што за нив е најважно секако во нивната определба и нивниот глас ќе биде испочитуван како и да го дадат, осврнувајќи се на прегласувањето во едно избирачко место во Теарце, што се случи о прифаѓањето на приговорот од оваа партија до Државната изборна комисија и Управен суд.
„Очекувам да покажат разумност и трезвеност во однесувањето, посебно заради тоа што се однесува на едно избирачко место. Македонија ќе се цени и по тоа избирачко место, како што ќе се цени по остатокот близу 3.500 избирачки места. Важно е изборниот процес да заврши регуларно и кредибилно. Сите знаат дека тоа е првиот чекор којшто Македонија мора да го направи и ништо помалку од тоа не смееме да си дозволиме“, рече Заев.
Појаснувајќи го отстапувањето од градоначалничката функција, што вчера го најави, тој во петок рече дела советничката Катерина Кузмановска станала пратеник, а била заменик-градоначалник од редот на советниците. „Вчера само објавив дека друг ќе ја врши функцијата заменик градоначалник и реков дека ова е последна моја седница на Советот на општина Струмица оваа година“, рече Заев.
На прашањето кога ќе се формира новиот Парламент, Заев вели дека верува дека ДИК е таа којашто ги толкува работите, а секако и сегашниот претседател на Собранието, Трајко Велјаноски. „Според нас и правните сектори, тоа значи 20 дена од денот на изборите треба да се конституира Собранието. Ако тоа не се случи на повик на сегашниот претседател на Собранието, на 21-от ден Собранието треба само да се конституира“, појасни Заев.
Лидерот на СДСМ, рече дека оставрил средба и со претседателот Бранко Црвенковски и со многу луѓе во целиот овој период и верува дека секоја мудрост е добредојдена заради тоа што важни се и огромни очекувањата на граѓаните во периодот којшто претстои.
„Ние сме убедени дека режим и диктатура завршија во Македонија. Апсолутно логичноста на одлуките коишто следат во Македонија се нешто коешто воопшто не треба да не изненади. Цело време ние укажуваме дека треба да бидат следени процедурите и почитувани државните институции, Државната изборна комисија и Управниот суд, иако апелиравме дека евентуална промена на севкупниот број на мандати не влијае на тоа кој ќе ја формира Владата. Сепак заради вистината и фактите, процесот треба да заврши демократски, регуларно и кредибилно“, рече Заев.
Сепак, додаде дека очекува да завршат сите процеси за да почнат разговари со партнери.
На прашањето дали доколку Али Ахмети лидерот на ДУИ го повика и него на утрешната средба со лидерите на албанските партии, како претставник на 70.000 граѓани Албанци ќе прифати, Заев вели дека е отворен за соработка.
„Токму тоа апелираме баш кај албанските партии. Нивно придружување кон Груевски, како што реков, ќе значи поддршка на режим и диктатура. Нивно одважување кон реформите и демократските процеси коишто доаѓаат за Македонија е вистинскиот чекор којшто треба да го направат. Отворени сме, без разлика на кој повик, без разлика на која било од албанските партии којашто има пратенички места“, додаде Заев./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Потребен ни е професионален кадар на соодветни безбедносни позиции
Денес во хотел „Хилтон“ (DoubleTree by Hilton Skopje) се одржа втората трибина од циклусот за претставување на клучните точки од програмата „Македонија повторно горда“ на тема „Национална безбедност“ на кандидатката за претседателка на Македонија професор д-р Гордана Сиљановска-Давкова.
Учесници беа проф. д-р. Тимчо Муцунски, Наќе Чулев поранешен министер за внатрешни работи, Анастасија Илиеска поранешен државен секретар во МВР, Емил Димитриев, поранешен премиер на Република Македонија.
– Како ќе бидеме ние Европска држава ако сме постојано во кризна состојба. Нас не дефинираа како држава која е цикличен, постојан хибриден режим, партизирана нефункционална заради врхушката на ДУИ и СДСМ. Мора да ни се случи game change и во безбедносниот сектор, зошто станавме пропадната држава. Еднаш треба да создадеме систем без оглед кој е на власт. Професионалниот кадар да биде на соодветни позиции. Да продолжиме да ги исполнуваме стандардите на НАТО, рече претседателската кандидатска Силјановска-Давкова.
Македонија
Николоски: Идната Влада на ВМРО-ДПМНЕ ќе донесе закон за забрана на увоз на тутун, за да се откупи македонскиот по повисоки и пристојни цени
Александар Николоски, потпретседател на ВМРО-ДПМНЕ и носител на изборна единица 4 денес заедно со кандидати и идни пратеници во новото македонско Собрание од општините Конче и Радовиш, беше во посета на капитални инфраструктурни проекти во општина Конче. Според Николовски, работата на градоначалникот покажува дека и во малите средини во Македонија може да се работи успешно и убаво доколку се има волја и доколку се работи чесно.
– Можам да кажам дека после изборите ќе има огромна поддршка за општина Конче со цел да се реализираат проектите кои што се од витално значење за сите оние кои што живеат овде. Тука е секако и поддршката на земјоделието каде што можеби и најбитната работа поврзана со земјоделието е тутунот кој што се одгледува најмногу во општина Конче. Планираме да го донесеме законот за тутун кој што два пати го поднесувавме во Собранието, но досегашното мнозинство на СДСМ и ДУИ го блокираше. А, причината зошто го блокираше е затоа што имаа бизнис интереси. Имено, со тој закон ќе се забрани увоз на тутун во Македонија со цел да целокупниот македонски тутун, македонското злато да се откупува по повисоки и пристојни цени, како би можеле сите земјоделци пристојно да живеат. Така што тоа е она наше основно ветување односно тутунот, рече Николоски.
Тој вети и зголемувањата на субвенциите за тутун, воведување на само три класи, а не како досега што има шест или седум класи зависно од откупувачите.
– Во делот на земјоделието планираме возобновување на сите водоснабдителни системи како и изградба на нови и комплетно нов систем на субвенции кој што ќе го врати достоинството на македонскиот земјоделец. А, тука ќе работиме интензивно и на она што е желба на жителите и на Конче и на општина Радовиш а тоа е носење на една поголема странска инвестиција која што треба да отвори нови и добро платени работни места за жителите на целиот овој крај, рече Николоски во Конче.
Тој повика граѓаните масово да излезат и на претседателските и на парламентарните избори оти тоа е клучно. Како што рече Николовски, со масовна излезност ќе може да се спречи оваа влада на СДСМ и на ДУИ, а двете политички партии да одат во опозиција и конечно да се удри во чело на криминалот и корупцијата во Македонија, да се воведе функционален систем на владеење на правото и Македонија економски да се развива.
Македонија
Пендаровски: Прифаќам дебата со сите противкандидати
Кандидатот за претседател Стево Пендаровски ја прифати поканата на националниот јавен сервис за учество на дебата со сите противкандидати во претседателската трка, информираат од неговата кампања.
„Решив да ја прифатам поканата за заедничка дебата на националниот јавен сервис – Македонска радио телевизија, со оглед на тоа дека сите мои противкандидати ја прифатиле поканата да учествуваат во дебатата.
Дополнително, информирам дека останувам на претходно изнесениот став дека е потребно да се расветли случајот во кој имаше јавно изнесени индиции дека јавниот сервис бил користен за изработка на лажни анкети и дебати за рејтингот на политичките партии и кандидатите за претседатели, а со тоа и фабрикување на јавното мислење.
Останувајќи доследен на принципот на транспарентноста за мојата работа и како претседател и како кандидат за претседател во тековната кампања, ја информирам јавноста за овие прашања за кои имаше интерес изминатите денови“ изјави Пендаровски.