Македонија
(Видео) Децата без родители до Царовска: Државата, наместо да ни биде мајка, таа нè брка надвор
До кога децата без родители ќе завршуваат на улица, а ќе се удирате в гради дека има закони и дека тие си ги остваруваат своите права?“, праша Суаред Аришиќ од граѓанската организација „5 до 12“ на јавната дебата во Собранието за предлог-законот за социјална заштита. Со емотивен говор тој порача државата да го смени односот кон нив затоа што, како што рече, тие немаат друга мајка, државата им е сé. Тој вели дека со животот води дополнителна битка затоа што, покрај дете без родители, е и лице со попреченост.
„Во законот се вели дека е пропишано домување кога детето ќе го напушти домот. Зошто јас тоа домување не го користам ако е така? Зошто Министерството за труд до ден-денес не одговори на нашото барање да се состави комисија која ќе има надзор над службите што работат со овие лица? Тие деца ги чуваме во т.н. групни домови и по 18 години, ги фрламе на улица. И, повторно имаме проблем бидејќи тоа лице нема услови за живеење и прашувам дали треба да биде криминалец, да краде, да се судри со законот за да преживее. Системот не е поставен како што треба, таму има поставено нетранспарентни луѓе. Други зборуваат во наше име бидејќи таму нема ниту еден претставник од децата без родители. Нека каже министерката колку деца без родители, и тоа со факултетски дипломи, ја напуштија работата. Си заминаа од земјава да си го бараат лебот во странство затоа што дојдоа лица од граѓански организации и напредуваа на работните места, а децата без родители, кои треба да се гордост на оваа држава, беа фрлени во втор план. Ова е жално затоа што јас немам друга мајка, оваа држава ми е сè, но таа ми ги затвора вратите“, рече Аришиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.