Македонија
Мицкоски од Бутел: Ќе покажеме дека Македонија може да биде една од најдобрите држави на Балканот
Претседателот на ВМРО-ДПМНЕ при денешното свое обраќање пред граѓаните во Бутел се заблагодари за сè што граѓаните изминатите години правеа за Македонија и за ВМРО-ДПМНЕ.
„Имаше моменти кога се радувавме на победите, но знам дека имаше моменти кога достоинствено ги прифаќавте поразите и тагувавме, но сите она што нас нè обединуваше беа љубовта кон Македонија, визијата, желбата и сонот каква држава сакаме да имаме и каква држава сакаме да им оставиме на нашите наследници. И, тоа е онаа вечна дилема што може нашиот политички противник нема да нè разбере бидејќи ние ја немаме истата таа желба, таа љубов кон татковината, кон Македонија. Ние не сме подготвени како нив да ја распарчуваат, срамат, омаловажуваат и пљачкаат сопствената држава, туку ние сме достоинствени и горди Македонци што си ја сакаат татковината и кои се подготвени за татковината да ја жртвуваат и последната капка пот за да може таа да успее таква каква што ние сонуваме да биде“ , истакна Мицкоски.
При своето обраќање претседателот Мицкоски ги повика сите граѓани масовно да излезат на 15 јули и да го заокружат бројот 14, поточно да заокружат за иднината на Македонија онаква каква што сакаат да биде затоа што можеби ќе нема шанса за поправен овој пат. Тој потенцира дека ова не се обични избори, ова не се избори помеѓу политички партии, ова се избори на визија, на стратегија што треба да обедини Македонци, Турци, Албанци, Власи, Бошњаци, односно буквално сите да ги обедини против оние што ја пљачкаат и ја направија Република Македонија држава на криминалци, држава полна со корупција.
„Многумина од вас беа брутално избркани од работа затоа што биле поддржувачи на ВМРО-ДПМНЕ. Свесен сум за таа мака бидејќи таа е наша заедничка судбина и мака. Но, сите ние треба да се обединиме и да застанеме еден до друг. Ние сме се обединувале многупати во историјата досега и сме победувале многу помногуброен и многу моќен противник од ова раководство на СДСМ и Зоран Заев. Кога јас му требав на мојот народ, на мојата држава, тогаш бев одлучен и храбар и се спротиставив на предизвикот затоа што верував во она што беше големо, а тоа беше сонот за онаа Македонија каква што сакаме да биде“, рече Мицкоски.
Лидерот на ВМРО-ДПМНЕ посочи дека ќе дојдат политичките противници во Бутел и ќе зборуваат дека можат, но не направија ништо.
„Можеа да направат горда и достоинствена држава, можеа ако навистина работеа и ‘Гугл’ и ‘Фејсбук’ и оној гигант во автомобилската индустрија да го донесат, можеа навистина да донесат 30.000 плата. Можеа во овие три години да направат достоинствен живот за пензионерите. Можеа ветената поликлиника овде во Бутел барем да ја почнат, ако ништо повеќе. Можеа да ги вратат оние деца што сакаа да ги претстават како жртва на претходната влада, па така бесрамно редеа обувки пред Владата. Можеа да постигнат многу работи, но, за жал, не успееја“, потсети тој.
Мицкоски на граѓаните им порача дека Заев единствено нешто што донесе е само немир во душите на сите граѓани што живеат во Македонија. Според него, ова е суровата вистина и спотовите на ВМРО-ДПММНЕ сакаат да го покажат тоа, односно да ги покажат Владата на СДСМ и Заев и нејзиниот неуспех.
„Јас сакам да покажам и докажам во овој 4-годишен мандат дека можело поинаку да се работи, дека можело и чесно и честито да се работи, а Македонија да биде најдобрата држава на Балканот. Тоа е нашата цел, нашата визија и тоа е она за што вреди да се бориш. Проектот ‘Обнова’, кој е создаден на 360 страни и во него може да се најдат проектите на ВМРО-ДПМНЕ за наредните години, како што се предвидени 25 отсто повисока просечна плата, минимум 20 отсто поголеми пензии, најмалку 640 милиони евра субвенции, ќе биде заштитено националното достоинство, ќе најдете дека за Гоце Делчев не се преговара, тој е Македонец и уште многу други работи“, додаде Мицкоски од Бутел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таткото на Вања ќе оди во куќен притвор, Врховниот суд му ја уважи жалбата
Врховниот суд ја уважи жалбата на таткото на убиената Вања Ѓорчевска. Со тоа укинат му е притворот и определени се мерка куќен притвор и мерка на претпазливост.
„Врховниот суд ја извести јавноста дека по одржаната јавна седница, Советот за казниви дела донесе решение со кое жалбата на обвинетиот А. Ѓ., изјавена преку неговиот бранител Владимир Туфегџиќ, адвокат од Скопје, ја уважи, a решението на Апелационен суд Скопје, КСЖ-320/24 од 2.4.2024 година, го преиначи на начин што определената мерка притвор против обвинетиот А. Ѓ. ја укина и за обвинетиот определи мерка куќен притвор и мерка на претпазливост“, велат од Врховниот суд.
Претходно денес, бранителот на осомничениот Ѓорчевски, адвокатот Владимир Туфегџиќ, на седницата рече дека решението со кое е продолжена мерката притвор е донесено без доволно образложенија во кои не се наведува ниеден доказ со кој се докажува зошто овој човек би требало да остане во притвор. Дополни дека осомничениот не може да се даде во бегство затоа што важноста на патната исправа му истекла и дека тој активно учествува во истрагата.
Ѓорѓиевски истакна дека е обвинуван за некои работи, кои и ден-денес не ги разбира.
„Бев прикажуван екстремно спротивно од она што сум како родител и татко. Сакам и јас да знам што точно се случува затоа што и јас водев истрага, знам парченца од тие делови. Би сакал да го дочекам моментот кога ќе го дознам идентитетот на тие луѓе, сите се еднакво криви“, рече тој.
Четиринаесетгодишната Вања Ѓорчевска, која беше пријавена за исчезната на 27 ноември, беше пронајдена мртва на 3 декември. За делата грабнување и убиство на свиреп начин првообвинет е Љубомир Палевски-Палчо за кого се чека екстрадиција од Турција. Таткото е осомничен дека помагал во грабнувањето.
Македонија
Висок функционер од НАТО се сретна со Џафери: „Вие сте ценета членка во алијансата“
Џафери – Лапсли: Северна Македонија е ценета членка на алијансата, која посветено ги развива одбранбените капацитети
Техничкиот премиер Талат Џафери вчера попладне се сретна со помошникот на генералниот секретар на НАТО за одбранбена политика и планирање, Ангус Лапсли, во рамките на неговата посета на Скопје.
Џафери му посака срдечно добредојде на помошникот на генералниот секретар Лапсли и воедно го потврди придонесот на Северна Македонија во НАТО, кој во континуитет се зацврстува. Достигнувањето на 2,05 % од БДП во буџетот на одбраната, од кои 30 % се за модернизација на Армијата, се силен индикатор за тој придонес.
Воедно, со учеството во колективната безбедност преку мултинационалните сили на алијансата во Романија, во Бугарија и во Латвија, како и во мисијата на НАТО во Косово, КФОР и во операцијата на ЕУ во Босна и Херцеговина, АЛТЕА, земјата дополнително се позиционира и како еден од столбовите на регионалната стабилност.
На средбата двете делегации имаа можност да разговараат за самитот на НАТО во Вашингтон во духот на 75-годишнината на алијансата, како и за актуелните одбранбени планови имајќи ја предвид глобалната безбедносна состојба во Европа и светот.
Воедно, двете делегации ја потврдија и поддршката што земјите членки, вклучително и Северна Македонија, ја даваат за Украина.
Од страна на помошникот на генералниот секретар Лапсли беше истакнато дека Северна Македонија е ценета членка во алијансата имајќи го предвид целокупниот придонес што досега го има дадено. Алијансата е пообединета и посилна од кога било во својата историја, а со зачленувањето на Финска и Шведска, НАТО станува гарант на безбедноста на над 1 милијарда граѓани од демократскиот свет.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.