Македонија
Ракометниот камп „Кирил Лазаров“ до 2 јули во Охрид
Во Охрид почна четвртото издание на ракометниот камп „Кирил Лазаров 7“ со традиционален пречек на 150 кампери од страна на капитенот на македонскиот национален тим, Кирил Лазаров. Следните две недели повеќе од 300 момчиња и девојчиња од осум земји ќе се едуцираат, дружат и забавуваат со најдобриот македонски спортист и неговиот тим тренери и предавачи.
„Среќен сум што и оваа година ве гледам во голем број. Меѓу вас има деца што се наши редовни кампери, но гледам и многу нови дечиња. Концептот на овој проект е дека сите ние без оглед на возраста, познавањето на ракометот и местото од каде што доаѓаме сме еднакви и функционираме како семејство. Се надевам дека и оваа година ќе ги поместиме границите на добра организација и дека секое дете од кампот ќе си оди со убави спомени. Се потудивме и оваа година децата да работат со најдобрите македонски тренери, со тренери од странство и со предавачи признаени во своите области“, рече Лазаров.
Покрај ракометот, кој ќе биде застапен со двојна програма во текот на денот, нашите кампери ќе имаат можност да учат пливање со лиценцирани едукатори, предавање за здрава исхрана со проф. д-р Ванчо Поп Петровски и спортска психологија со проф. д-р Ленче Алексовска. Во двете смени наш гостин ќе биде четирикратниот олимпиец Лазар Поповски, кој со својот тим ќе им овозможи на најмладите тренинг по кајак, а веќе традиционално едно попладне е резервирано за прошетка со брод и запознавање со убавините на Охрид.
И оваа година ракометниот камп „Кирил Лазаров 7“ ќе се реализира во комплексот „Аквалина“ на брегот на прекрасното Охридско Езеро од 20 јуни до 2 јули.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.