Контакт

СЈО

Адвокатите на Канческа ги спорат вештачењата на СЈО и ги бараат бомбите 

Објавено пред

Во кривичниот суд денеска почна судењето за првиот предмет на Специјалното јавно обвинителство наречен „Тендери“  поврзан со објект од проектот на претходната власт „Скопје 2014“. Адвокатите на ексминистерката за култура, Елизабета Канческа-Милевска, која е првообвинета за местење тендери за изградба на Музејот на ВМРО, ги спорат вештачењата на СЈО и ги бараат бомбите.

Пред да почне главната расправа адвокатите на одбраната го оспорија вештачењето на СЈО изготвено од ЕОС консталтинг АД РИМ Италија со подружница во Скопје. Тие тврдат дека вештаците немале лиценца кога ги изготвувале вештачењата. Адвокатот Сашко Дуковски тврди дека вештаците барале и нови податоци по изготвувањето на обвинението. Адвокатката Сања Алексиќ побара да ги добијат бомбите како доказ.

Ова е трет случај во кој адвокатите ги оспоруваат вештачењата, по „Траекторија“ и „Тенк“ за истата фирма. Обвинителот Стевчо Донев од СЈО рече дека обвинителниот акт е одобрен и судот ги ценел околностите во однос на бомбите.

„Бевме изненадени кога вештакот испрати известување дека бара повторно податоци од Министерството за култура”, рече Донев. Откако побарале објаснување, добиле одговор дека барањето било за да се потврдат наодите во вештачењето, што според вештакот се покажало дека се исти. Тој до судот достави доказ – фотокопија од лиценцата што му е продолжена од Министерството за правда.

Обвинителот рече дека е беспредметно барањето на адвокатите судот да ја цени надлежноста на Специјалното јавно обвинителство.  „Бомбите во оваа фаза не може да се репродуцираат како докази за утврдување надлежност на обвининителството“, рече Донев. Обвинетите можат во секое време да ги преслушаат бомбите во судот, додаде обвинителот во судот, додавајќи дека ова се предлози за да се одложи почетокот на главната расправа. Следното рочиште е закажано за 13 март, до кога судот треба да одлучи за барањата на адвокатите.

Во предметот „Тендери“ првообвинета е ексминистерката за култура, Елизабета Канческа-Милевска, за местење тендери за изградба на Музејот на ВМРО, односно на Музејот на внатрешната македонска револуционерна организација и Музеј на жртвите на комунистичкиот режим. Второ и третообвинетите се членови на Комисијата за јавни набавки.

Според обвиниението, пред да се објави оглас за доделување договор за јавна набавка и пред да се спроведе постапката, спротивно на Законот за јавните набавки пред да се донесе одлуката за потребата од јавна набавка, Канческа-Милевска преку разговори со генералниот директор на градежното претпријатие „Бетон“ од Штип наложила да се продолжи со работа на Музејот, каде што се изведувале градежни работи по претходно склучен договор за јавна набавка. Ексминистерката наложила да ги изведат и сите работи што произлегувале дополнително и кои не биле опфатени во договорот за јавна набавка и анексите, со што немало да се чекаат дваесетина дена за спроведување на новата јавна набавка. Канческа претходно договорила преку второобвинетата во Комисијата за јавни набавки, кога ќе се објави огласот, договорот да го добие „Бетон“ од Штип.

СЈО тврди дека трите обвинети ја злоупотребиле службената положба и овластувањето. За првите 2 обвинети СЈО бараше притвор, но судот, наместо тоа, им ги одзеде пасошите и им наложи редовно да се јавуваат кај шалтерски службеник. Канческа-Милевска поднесе и барање за заштита на законитоста за судот да ѝ го врати пасошот, но Обвинителството ја упати кон СЈО, кое ја одби и не го достави барањето до Врховниот суд. Предметот ќе го суди Осман Шабани, судијата од одделот за организиран криминал и корупција.

В. Маглешов

Македонија

Грујевски наредил опремата за прислушување да се сече на парчиња

Објавено пред

Ни беше кажано од Горан Грујевски дека опремата за следење на комуникациите ќе ја исечка на парчиња од 5 сантиметри, а потоа ќе ја однесе во друга фирма и ќе ја исече на уште поситни парчиња, рече инженерот во УБК, Сашо Трајковски, во сведочењето на денешното судење за предметот „Таргет – Тврдина“.

Трајковски се присети дека опремата за прислушување на системот „Најс“ била исклучена од системот на 27 март 2015 година по објавата на аферата во јавноста.

„Ја исклучивме ‘Најс’ и ја извадивме од систем-салата во ходникот“, рече Трајковски.

Првото рочиште за предметот „Таргет – Тврдина“ се одржа на 17 јануари 2018 година, а постапката беше закочена неколку месеци поради сослушување на првите двајца сведоци на СЈО, Ѓорѓи Лазаревски и Звонко Костовски.

Обвинението за овој предмет СЈО го поднесе на 30 јуни 2017 година. Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.

Прикажи повеќе...

Македонија

УБК прислушувала од аероклубот во Центар

Објавено пред

Сведокот Сашо Трајковски во продолжението на сведочењето за предметот за масовното прислушување на СЈО – „Таргет – Тврдина“, рече дека, освен во Управата за безбедност и контраразузнавање, имало работни станици на други места во градот поврзани со оптички кабел со системот за следење на комуникациите.

„По налог на началникот Горан Грујевски беше формирана работна станица во просториите на аероклубот спроти гимназијата ‘Јосип Броз Тито’. Се пристапуваше надвор од кругот на МВР. Секој компјутер беше поврзан на ‘Најс’“, рече инженерот во УБК, Трајковски.

Освен таму, работна станица на УБК имало и кај базенот во Аеродром, каде што биле инсталирани компјутери што служеле за маркирање броеви, се присети Трајковски. Тој во сведочењето рече дека имало идеја ваква работна станица да се отвори во објект на полициската станица во Пештани, а чул дека во зградата кај железничката станица има исто таква станица за што реагирале станарите оти немале каде да ги паркираат возилата.

Опремата за прислушување на системите „Вернит“ и „Најс“ и друга опрема за посебни намени од Петтата управа била уништена во „РЖ Услуги“, рече сведокот и сведочеше дека имало за тоа изготвен записник.

Првото рочиште за предметот се одржа на 17 јануари 2018 година, а постапката беше закочена неколку месеци поради сослушување на првите двајца сведоци на СЈО, Ѓорѓи Лазаревски и Звонко Костовски. Обвинението за овој предмет СЈО го подигна на 30 јуни 2017 година. Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.

Прикажи повеќе...

Македонија

Сведок на СЈО: Знаевме каде и како Мијалков и Грујевски се логираат за да прислушуваат

Објавено пред

Сашо Трајковски, инженер во поранешната УБК, сведок на СЈО во предметот „Таргет – Тврдина“, во исказ пред судот рече дека со колегите гледале како ексдиректорот на УБК, Сашо Мијалков, и поранешниот началник на Петтата управа во УБК, Горан Грујевски, од своите компјутери се логираат на системот за следење на комуникациите.

„Се логираа од компјутери што беа поврзани на системот ‘Најс’“, рече сведокот пред судот.

Трајковски на прашање на СЈО рече дека Мијалков и Грујевски се најавувале од четвртата зграда во МВР од првиот кат, каде што бил кабинетот на директорот на тајната полиција, и од третата зграда од првиот кат во т.н. началничка канцеларија за што во системот биле генерирани соодветни букви кои асоцирале кој од каде се логира да следи.

Трајковски, кој е трет сведок на СЈО во постапката, ги појаснуваше значењата на корисничките имиња преку кои се логирале корисниците на овој систем. Тој рече дека броевите што требало да бидат ставени на системот за прислушување биле давани на обично ливче, а во најмалку еден случај за тоа видел писмена наредба, т.е. одобрение од суд.

Сведокот рече дека Мијалков и Грујевски можеле да ги слушаат разговорите и да ги гледаат сите таргети што биле ставени во системот на групата наречена „важно“, но не можеле да маркираат броеви и да ги експортираат податоците.

Првото рочиште за предметот се одржа на 17 јануари 2018 година, а постапката беше закочена неколку месеци поради сослушување на првите двајца сведоци на СЈО, Ѓорѓи Лазаревски и Звонко Костовски.

Обвинението за овој предмет СЈО го подигна на 30 јуни 2017 година. Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.

 

Прикажи повеќе...

Најново

Македонија9 часа

Захариева: Можно е до октомври да биде донесена одлуката за почеток на преговори со ЕУ за Северна Македонија и Албанија

Министерката за надворешни работи на Бугарија, Екатерина Захариева изјави дека е можно до октомври да биде донесена одлуката за почеток...

Топ15 часа

Три години затвор за жената што прегази 13-годишно дете на Илинденска

Основниот кривичен суд денеска ја објави пресудата за предметот со сообраќајната несреќа, која на 18 септември 2015 година се случи...

Топ16 часа

Татко и љубовник сексуално експлоатирале 15-годишно девојче

Основното јавно обвинителство за гонење организиран криминал и корупција поднесе обвинение против пет лица за трговија со дете. Меѓу нив...

Свет16 часа

Тројца Руси и еден Украинeц обвинети за уривањето на малезискиот авион во Украина

Четири мажи се обвинети за убиство при уривањето на авионот на „Малезија ерлајнс“ во источна Украина во 2014 година, при...

Свет17 часа

Кашоги е жртва на намерна, претходно испланирана егзекуција – покажа независната истрага на ОН

Саудискиот новинар Џамал ​​Кашоги е жртва на намерна, претходно испланирана егзекуција, заклучи специјалниот известувач на Обединетите нации, Агнес Каламард, по...

Екологија18 часа

Арктичкиот вечен лед се топи 70 години порано од очекувањата на научниците

Пермафрост или трајно замрзнатата почва во канадскиот дел на Арктикот почнала да се топи 70 години порано од прогнозите на...

Македонија18 часа

Заев: Ниту една земја членка на ЕУ не е против отворањето преговори со Северна Македонија

Ниту една земја членка на Европската Унија не е против отворањето преговори со Северна Македонија, изјави премиерот Зоран Заев на...

Топ19 часа

Откриени злоупотреби со службени возила во општина Велес

Поранешен градоначалник и поранешен претседател на Советот на Општина Велес се обвинети за злоупотреба на службената положба. Според велешкото Обвинителство,...

Свет19 часа

Русија претстави доказ дека терористите се обидуваат да добијат биолошко оружје

Меѓународните терористи се обидуваат да добијат пристап до нуклеарно и биолошко оружје, а и до токсични хемикалии за да ги...

Свет21 час

Во земјотресот во Јапонија повредени 26 лица

Најмалку 26 лица се повредени, од кои едно критично, кога земјотрес со јачина од 6,7 степени го погоди во вторникот...

Свет22 часа

(Видео) Запленети 16,5 тони кокаин во Филаделфија вреден една милијарда долари

Американските власти открија 16,5 тони кокаин во товарен брод „МСЦ Гајан“ во пристаништето во Филаделфија. Станува збор за една од...

Македонија1 ден

Заев очекува формален почеток на преговорите со ЕУ до крајот на годинава

Задоволни сме од денешниот заклучок на Советот на министри, но тој ќе значи целосен успех во октомври, кога ќе се...

Свет1 ден

Трамп на „Твитер“ најави масовни апсења на мигранти

Претседателот на САД, Доналд Трамп, на „Твитер“ најави масовни апсења на мигранти. Иронично за објавата на Трамп е дека големите миграциски...

Топ2 дена

Маж и жена од Тетово сексуално експлоатирале 15-годишно девојче

Жена од Тетово и нејзиниот сосед сексуално експлоатирале 15-годишно девојче. Тие договарале сексуални услуги на интернет и го носеле девојчето...

Македонија2 дена

ЕУ не определи датум за почеток на преговори со Северна Македонија

Министрите за надворешни работи на Европската Унија на Советот за општи работи на Унијата во Луксембург не се согласија околу доделувањето...

Европа2 дена

(Видео) Меркел, поради дехидрација, неконтролирано се тресеше на пречекот на Зеленски

Германската канцеларка, Ангела Меркел, изгледаше како да не ѝ е добро и нејзиното тело неконтролирано се тресеше додека денеска во...

Македонија2 дена

Грујевски наредил опремата за прислушување да се сече на парчиња

Ни беше кажано од Горан Грујевски дека опремата за следење на комуникациите ќе ја исечка на парчиња од 5 сантиметри,...

Македонија2 дена

УБК прислушувала од аероклубот во Центар

Сведокот Сашо Трајковски во продолжението на сведочењето за предметот за масовното прислушување на СЈО – „Таргет – Тврдина“, рече дека,...

Свет2 дена

ОН: Светското население ќе порасне на 9,7 милијарди до 2050 година

Населението во светот старее и иако бројот на жители расте со побавно темпо, сепак се очекува негово зголемување од сегашните...

Регион2 дена

(Видео) Тројно убиство во Белград, жртвите биле мачени и фрлени во септичка јама

Во текот на изминатата ноќ по пријава на граѓани, српската полицијата открила три тела во септичка јама зад шопинг-центар во...

Досие