Контакт

Соопштенија

(Видео) Арсовски: Кумановската фирма – спонзор на СДСМ, добива тендер кај Бирото за јавни набавки

Објавено пред

Капиталните инвестиции во државава се најниски во изминативе 15 години, но затоа нема проблем да се фрлаат милиони евра, пари од граѓаните, во фирмите партиски донатори на СДСМ, обвини ВМРО-ДПМНЕ.

„Државата можеби се задолжува со по 300.000 евра на ден, но затоа пари за луксузирање на функционерите од власта не е проблем да се најдат и да се дадат. Економијата пропаѓа, ама затоа бизнисот на Де Лукс – Ауто од Куманово со набавки на коли за државните институции цвета секојдневно. Вчера беше објавено дека и Бирото за јавни набавки си купува лимузина, токму од фирмата донатор на СДСМ.

Колку навистина чини оваа лимузина, какви карактеристики има и кој е производителот, не се знае. Не се објавува ниту дали имало и други понудувачи и дали е спуштена цената со евентуално јавно наддавање.

Дали е ова причината поради која што Бирото за јавни набавки месеци наназад молчи околу тендерите и договорите во четири очи што ги добива кумановската фирма, која што е воедно и донатор на СДСМ?
Како е можно локален дистрибутер на возила, кој не е генерален увозник да добива толку многу тендери? Дали некој им се јавува на останатите играчи на пазарот и им укажува за нивно добро да не конкурираат или пак да доставуваат понуди кои ќе бидат полоши од понудите на донаторот на СДСМ?
Ова се прашања кои заслужуваат не само одговор, туку и сериозна истрага доколку имаме Јавно обвинителство кое што е ослободено од партиско политичките притисоци од власта. Станува збор за пари на граѓаните, а не пари на Вице Заев или било кој член на картелот во власта.

Јавноста се прашува дали остана институција под контрола на СДСМ која не набави возило од кумановската фирма Де Лукс Ауто, односно фирмата спонзор на СДСМ.

Најнова скандалозна набавка на возило од оваа фирма е направено од страна на Бирото за јавни набавки. Бирото за јавни набавки од Де Лукс Ауто набавило возило во вредност од 1 милион и 695 илјади денари без ДДВ, односно 2 милиони и 100 денари со ДДВ или околу 33 илјади евра. Очигледно се работи за луксузно возило за коешто, внимавајте јавноста сеуште не знае дали имало воопшто втор или трет понудувач.

Оваа фирма која што се јавува како спонзор на СДСМ за неполна година власт на Заев има бизнис од над 1,5 милиони евра, само преку набавки на луксузни возила од страна на државни институции, иако Де Лукс не е ниту генерален увозник туку само обичен дистрибутер. Фирмата спонзор на СДСМ ги доби речиси сите поголеми јавни набавки и тоа, да потсетиме, набавката во 4 очи на 45 возила во МВР со чешката донација од 1 милион евра, набавката од Централен регистар на 11 возила во вредност од 8,3 милиони денари, набавките на возила во Министерството за одбрана, Македонски енергетски ресурси, ЈП Студенчица, Кичево, Општина Куманово и Центар за јавно здравје Куманово.

Од оваа фирма своевремено се набавувани и партиски возила за СДСМ, па оттука се поставува прашањето дали за оваа набавка сега партијата се оддолжува преку државните институции со народни пари?

Дали нема други фирми официјални увозници или дистрибутери во државата штом оваа фирма ги добива најголемите јавни набавки?

Како тоа само оваа локална и релативно мала фирма, во споредба со многу поголеми од неа, дава секојпат најдобри, а понекогаш и единствени понуди за милионски бизниси?

Дали граѓаните со буџетски пари покриваат богатење на криминален картел преку ваквите јавни набавки?

Уште колку непродуктивни трошења ќе направи власта на Заев и СДСМ за да се оддолжи на фирмите кои ја спонзорираа СДСМ наназад годиниве?

Почитувани, ова веќе не е само скандалозно и неморално. Ова веќе има сериозни индиции за криминал и надлежните институции треба да го истражат и ако се потврди треба да реагираат за испумпувањето на народни пари во партиски и приватни џебови.

Секој ден јавноста е сведок на случаи како крвавиот тендер, скандалозните и криминални иновации кои што преку нив се испумпуваат народни пари,а сега и сомнителни набавки на возила. Криминалниот картел зад превезот со референдум, промена на Устав и промена на име, врши безмилосно ограбување на државата и на сопствениот народ. За тоа ќе мора некој да сноси не само политичка, туку и кривична одговорност“ рече Димче Арсовски од ВМРО-ДПМНЕ.

Соопштенија

СДСМ: ВМРО-ДПМНЕ нема да успее со неосновани кривични да го урне концептот „едно општество за сите“

Објавено пред

Залудни се обидите на Мицкоски и ВМРО-ДПМНЕ преку неосновани кривични пријави да го блокираат напредокот на државата, велат од СДСМ како реакција на прес-конференцијата на Игор Јанушев, кој соопшти дека партијата денеска поднесува кривични пријави против претседателот на Собранието, Талат Џафери, Неџбели Ибраими во својство на техничка служба и директорот на Службениот весник, Мартин Костовски, поради сомнение за злоупотреба на службената положба при носењето на Законот за јазиците.

Од владејачката пратија истакнуваат дека антинародното раководство на ВМРО-ДПМНЕ по секоја цена се обидува да шири поделби и омраза и да го поткопува градењето на едно општество за сите.

„Мицкоски и врвот на ВМРО-ДПМНЕ не успееја да ја блокираат интеграцијата во ЕУ и НАТО, а нема ни преку неосновани кривични пријави да успеат да го блокираат градењето на едно општество – концепт кој доби огромна поддршка од мнозинството граѓани. Законот за употреба на јазиците ја регулира употребата на албанскиот јазик кој во Македонија е втор официјален јазик уште со амандманите на Уставот од 2001 година и истиот не влијае на употребата и заштитата на македонскиот јазик“, се наведува во партиската реакција.

Од СДСМ додаваат дека македонскиот јазик е заштитен и обезбеден засекогаш, тој е прв официјален јазик во Македонија, а сега и меѓународно признат и ќе се употребува во најголемите западни сојузи како што се ЕУ и НАТО.

„Објавувањето на Законот во ‘Службен весник на РМ’ со потпис на претседателот на Собранието е единствено поради безобразното прекршување на Уставот од страна на Ѓорѓе Иванов, кој е должен да го потпише Указот за прогласување на законот доколку е донесен по вторпат со потребното мнозинство во Собранието“, стои во соопштението.

Како што велат од СДСМ, граѓаните нема да дозволат нов Груевски или Иванов, кој ќе ги врати назад во темното минато и ќе ги поразат деструктивните црни политки на Мицкоски на какви било избори, кога и да се одржат.

Прикажи повеќе...

Соопштенија

Единствена Македонија: Писмото од Димитров е доказ дека се брише сѐ што е македонско

Објавено пред

Со писмото на македонскиот бугараш Никола Димитров до грчкото Министерство за надворешни работи, во кое пишува дека нема македонска националност, всушност се потврдија стравувањата дека Владата на Заев брише сè што е македонско, вели Единствена Македонија преку соопштение.

„Со писмото Димитров и официјално потврди дека со договорот за промена на името се бришат името, идентитетот, историјата и традицијата на македонскиот народ оти, според писмото, нема македонска етничка група, а ова писмо грчкиот премиер Ципрас го прочита и во грчкиот парламент при гласањето недоверба на неговата влада, која со тенко мнозинство од 151 пратеник од 300-члениот грчки парламент доби доверба токму со писмо доказ од Димитров дека Македонци повеќе не постојат“, вели партијата на Јанко Бачев.

Единствена Македонија вели дека со писмото излегла на виделина големата лага на триото Заев, Димитров и Шекеринска, кои велеле во секоја пригода дека македонскиот идентитет со договорот за промена на името е зајакнат и бетониран.

„Од друга страна, се потврди сето она што во изминатата година го велеше Единствена Македонија дека договорот за промена на името е пишуван според терминологијата на меѓународото право, каде што зборот nationality според меѓународното право означува државјанство, а не означува националност во етничка смисла, не е исто со зборот етнички (ethnicity), а кое вешто го криеше марионетската влада на Заев дека со дговорот се бришат Македонците во национална и етничка смисла“, смета партијата.

Прикажи повеќе...

Соопштенија

ВМРО-ДПМНЕ: Со договорот од Преспа не само што се менува уставното име туку се менува и македонскиот идентитет

Објавено пред

Писмото на Димитров до грчкото Министерство за надворешни работи уште еднаш потврдува дека со договорот од Преспа не само што се менува уставното име туку се менува и македонскиот идентитет, се бришат и јазикот, и историјата и културата. Со други зборови, Заев и Димитров се откажаа од сè што е македонско, обвини ВМРО-ДПМНЕ.

„Законот за јазиците, промената на уставното име, не беше дел од програмата на СДСМ, но беше дел од концесиите на Заев. Македонската држава е заложник на хипотеките на Зоран Заев, хипотеки и концесии дадени со единствена цел доаѓање на власт иако мнозинството македонски граѓани не му ја дадоа довербата.

Црнила надвиснаа над Македонија на денот кога аболираниот Заев седна во премиерската фотелја. Граѓаните осиромашуваат, економијата е пред колапс, давачките кон државата растат, нема нови проекти, здравството и образованието тонат. Македонија е понижена и клекната на колена, се распродаваат државните и националните интереси.

Парите на граѓаните завршуваат во џебовите на високи државни и партиски функционери, се измислуваат државни функции, се исмупмупуваат буџетски пари преку криминални тендери и грантови. Лек за црнилата на Заев е македонскиот граѓанин, кој на следните избори ќе го испрати Заев во политичка пензија.

Прикажи повеќе...

Најново

Истражувања7 часа

(Видео) Турците ем градат кај Стара железничка ем плаќаат казна од 2 милиона денари месечно

Турската компанија „Лимак“, која го гради комплексот со дваесеткатници кај Старата железничка станица, месечно уплаќа по  2 милиони денари во...

Македонија8 часа

(Видео) Димовски: Следува комплициран избор на антикорупциска комисија

Конкурсот за избор на членови на антикорупциската комисија објавен во октомври денеска беше поништен за да може да се објави...

Македонија8 часа

(Видео) Наумовски си ја зголеми платата, а Ѓорче Петров нема пари за ветените базен и градинка

Градоначалникот на општина Ѓорче Петров, Александар Наумовски, годинава ќе зема повисока плата, а планирани се и нови вработувања во Општината во...

Топ10 часа

Каракамишева повикана во полициска станица поради говор на омраза

Професорката Тања Каракамишева била на информативен разговор во полициска станица бидејќи била пријавена за ширење говор на омраза. Таа на...

Македонија11 час

(Видео) Ако не се освести Заев, одиме со Мицкоски, порачаа пазарџиите

„Ако не се сврти кон народот, како што вети Заев, ние ќе се приклучивме кон другите, ќе одиме со Мицкоски“,...

Македонија11 час

(Видео) Кекеновски со иницијатива до Уставниот суд: Се противам на каубојското носење на Законот за јазиците

Професорот Јове Кекеновски поднесе иницијатива за оценка на уставноста на Законот за употреба на јазиците. Според него, власта каубојски и...

Македонија12 часа

Камчев со Јанакиески: „Шефе, со дупоиве што ги обори Центар, шо стана“?

Во кривичниот суд во Скопје се одржа рочиштето за предметот на СЈО ,,Насилство во Општина Центар“. На денешното судење беа...

Македонија13 часа

„Јадеше гулаш во Унгарија, а?” – Јанакиески се пошегува со посетителот на Груевски

Пред почетокот на денешното рочиште на судењето за насилството пред Општина Центар, ексминистерот за транспорт и врски, Миле Јанакиески, го...

Македонија14 часа

Владата: Законот за јазиците не воведува целосна двојазичност

Законот за јазиците ги унапредува правата на сите немнозински заедници и не предвидува нови вработувања. Македонскиот јазик со кирилското писмо...

Свет14 часа

В недела целосно затемнување на Месечината, ќе трае еден час

Месечината, Земјата и Сонцето за време на викендов ќе бидат во иста линија кога се очекува целосно затемнување на Месечината,...

Свет17 часа

Трамп ја откажа делегацијата на Светскиот економски форум во Давос

Претставниците на администрацијата на Трамп нема да отпатуваат на Светскиот економски форум во Давос овој месец, во контекст на делумната...

Свет17 часа

Најмалку еден убиен и еден повреден во пукање во Хјустон

Една жена била застрелана на паркингот на една црква во Хјустон, Тексас во четвртокот, а уште едно лице било рането,...

Македонија1 ден

Оливер Андонов учествуваше во сообраќајка, има повредени

Ексминистерот за внатрешни работи и поранешен директор на ЈП „Јасен”, Оливер Андонов, учествувал во сообраќајна несреќа што се случила попладнево...

Македонија1 ден

(Видео) Мицкоски и коалициските партнери бараат предвремени избори

Претседателот на ВМРО-ДПМНЕ, Христијан Мицкоски, по состанокот со лидерите на политичките партии коишто се дел од коалицијата „За подобра Македонија“, ја...

Македонија1 ден

По скратена постапка донесен Законот за спречување на корупцијата

Со 81 глас „за“, попладнево во Собранието по скратена постапка беше донесен Законот за спречување на корупцијата и судир на...

Регион1 ден

Путин: Последните потези на Приштина предизвикуваат загриженост

Рускиот претседател, Владимир Путин, за време на престојот во Белград изјави дека рускиот став по прашањето за Косово е познат....

Регион1 ден

Грчката влада печати копии од преспанскиот договор за граѓаните

Грчката влада ќе достави до граѓаните десетина илјади копии од преспанскиот договор со цел тие да се информираат во пресрет...

Македонија1 ден

Алатката за потрошените пари на министрите работеше само три месеци

Ја промовираа во март 2018 година, а работеше до мај 2018 година. Алатката за отчетност на трошоците на министрите и...

Македонија1 ден

(Видео) ДУИ очекува СДСМ да си стои на договорот за заеднички кандидат за претседател

Коалциониот партнер на СДСМ, ДУИ, очекува СДСМ да си стои на договреното и на претседателските избори да излезат со консензуален...

Uncategorized1 ден

(Видео) Османи: Двоглавиот орел значи јас сум Албанец, а не порака за голема Албанија

Вицепремиерот Бујар Османи вели дека веќе е почната примената на Законот за употреба на јазиците и дека тој лично денеска...

Досие