Контакт

Соопштенија

(Видео) Арсовски: Кумановската фирма – спонзор на СДСМ, добива тендер кај Бирото за јавни набавки

Објавено пред

Капиталните инвестиции во државава се најниски во изминативе 15 години, но затоа нема проблем да се фрлаат милиони евра, пари од граѓаните, во фирмите партиски донатори на СДСМ, обвини ВМРО-ДПМНЕ.

„Државата можеби се задолжува со по 300.000 евра на ден, но затоа пари за луксузирање на функционерите од власта не е проблем да се најдат и да се дадат. Економијата пропаѓа, ама затоа бизнисот на Де Лукс – Ауто од Куманово со набавки на коли за државните институции цвета секојдневно. Вчера беше објавено дека и Бирото за јавни набавки си купува лимузина, токму од фирмата донатор на СДСМ.

Колку навистина чини оваа лимузина, какви карактеристики има и кој е производителот, не се знае. Не се објавува ниту дали имало и други понудувачи и дали е спуштена цената со евентуално јавно наддавање.

Дали е ова причината поради која што Бирото за јавни набавки месеци наназад молчи околу тендерите и договорите во четири очи што ги добива кумановската фирма, која што е воедно и донатор на СДСМ?
Како е можно локален дистрибутер на возила, кој не е генерален увозник да добива толку многу тендери? Дали некој им се јавува на останатите играчи на пазарот и им укажува за нивно добро да не конкурираат или пак да доставуваат понуди кои ќе бидат полоши од понудите на донаторот на СДСМ?
Ова се прашања кои заслужуваат не само одговор, туку и сериозна истрага доколку имаме Јавно обвинителство кое што е ослободено од партиско политичките притисоци од власта. Станува збор за пари на граѓаните, а не пари на Вице Заев или било кој член на картелот во власта.

Јавноста се прашува дали остана институција под контрола на СДСМ која не набави возило од кумановската фирма Де Лукс Ауто, односно фирмата спонзор на СДСМ.

Најнова скандалозна набавка на возило од оваа фирма е направено од страна на Бирото за јавни набавки. Бирото за јавни набавки од Де Лукс Ауто набавило возило во вредност од 1 милион и 695 илјади денари без ДДВ, односно 2 милиони и 100 денари со ДДВ или околу 33 илјади евра. Очигледно се работи за луксузно возило за коешто, внимавајте јавноста сеуште не знае дали имало воопшто втор или трет понудувач.

Оваа фирма која што се јавува како спонзор на СДСМ за неполна година власт на Заев има бизнис од над 1,5 милиони евра, само преку набавки на луксузни возила од страна на државни институции, иако Де Лукс не е ниту генерален увозник туку само обичен дистрибутер. Фирмата спонзор на СДСМ ги доби речиси сите поголеми јавни набавки и тоа, да потсетиме, набавката во 4 очи на 45 возила во МВР со чешката донација од 1 милион евра, набавката од Централен регистар на 11 возила во вредност од 8,3 милиони денари, набавките на возила во Министерството за одбрана, Македонски енергетски ресурси, ЈП Студенчица, Кичево, Општина Куманово и Центар за јавно здравје Куманово.

Од оваа фирма своевремено се набавувани и партиски возила за СДСМ, па оттука се поставува прашањето дали за оваа набавка сега партијата се оддолжува преку државните институции со народни пари?

Дали нема други фирми официјални увозници или дистрибутери во државата штом оваа фирма ги добива најголемите јавни набавки?

Како тоа само оваа локална и релативно мала фирма, во споредба со многу поголеми од неа, дава секојпат најдобри, а понекогаш и единствени понуди за милионски бизниси?

Дали граѓаните со буџетски пари покриваат богатење на криминален картел преку ваквите јавни набавки?

Уште колку непродуктивни трошења ќе направи власта на Заев и СДСМ за да се оддолжи на фирмите кои ја спонзорираа СДСМ наназад годиниве?

Почитувани, ова веќе не е само скандалозно и неморално. Ова веќе има сериозни индиции за криминал и надлежните институции треба да го истражат и ако се потврди треба да реагираат за испумпувањето на народни пари во партиски и приватни џебови.

Секој ден јавноста е сведок на случаи како крвавиот тендер, скандалозните и криминални иновации кои што преку нив се испумпуваат народни пари,а сега и сомнителни набавки на возила. Криминалниот картел зад превезот со референдум, промена на Устав и промена на име, врши безмилосно ограбување на државата и на сопствениот народ. За тоа ќе мора некој да сноси не само политичка, туку и кривична одговорност“ рече Димче Арсовски од ВМРО-ДПМНЕ.

Соопштенија

Демократскиот сојуз: Изборите поминаа во скандинавски стил

Објавено пред

Демократскиот сојуз оценува дека изборите во првиот изборен круг за претседател на државата поминаа во мирна и демократска атмосфера, без инциденти или друг вид нерегуларности.

„Денес, победија граѓаните и денес е ден на демократијата. ДИК и другите изборни органи и тела, како и државните институции, особено МВР, одговорија на поставените задачи и заслужуваат признание. Обврска на сите партии и државни институции, невладините организации, медиумите и граѓаните, е на ист начин да дејствуваат и во вториот изборен круг, но неопходно е масовно излегување и гласање сè со цел да избереме претседател со висок легитимитет“, се вели во соопштението.

Прикажи повеќе...

Соопштенија

СДСМ: Трендот на раст на платите продолжува, економските политики даваат реални резултати

Објавено пред

Успешните економски политики на Владата предводена од СДСМ продолжуваат да даваат реални, позитивни резултати во економијата, соопшти владејачката партија.

„Според официјалните податоци од Државниот завод за статистика, просечната нето-плата исплатена во февруари 2019 изнесува 24.192 денара, односно поголема е 4,5 отсто во споредба со истиот месец во 2018 година.

Трендот на зголемувањето на платите продолжува и во иднина, и тоа во сите сектори, а со тоа се овозможува повеќе пари да остануваат за граѓаните, повеќе пари во секое семејство.

Овие податоци се потврда за дел од успешноста на економските политики и реформи на Владата предводена од СДСМ, кои ја стабилизираа економијата и ѝ дадоа позитивен раст.

Со интеграцијата на земјата во НАТО и почнувањето преговори за членство во ЕУ се очекува уште поголемо зголемување на инвестициите, отворање нови фондови, со тоа и зголемување на конкурентноста на македонската економија“, се наведува во партиското соопштение.

Прикажи повеќе...

Избори 2019

Единствена Македонија ги повика граѓаните да не излегуваат да гласаат

Објавено пред

Сведоци сме дека во тридецецениската плурална историја на Македонија не ѝ оди добро и менувањето на власта на претседателите на СДСМ и ВМРО-ДПМНЕ не менува ништо. Сè повеќе Македонци се свесни за оваа ситуација и се обидуваат да најдат излез од оваа лоша состојба, истакна лидерот на Единствена Македонија, Јанко Бачев.

„Затоа, македонскиот народ и поголем дел од граѓаните на Република Македонија, сега со право се прашуваат што на овие избори – да се излезе или да не се излезе на гласање? Денешната моја изјава е токму во оваа насока, да го пренесам одговорот на Единствена Македонија на ова многу битно прашање.

Ставот на Единствена Македонија е да не се излегува на гласање. Еве ги причините:

Познато е дека Единствена Македонија го поддржа кандидатот на „Македонија блокира“.
Познато е дека ДИК по налог на своите странски газди спречи да се соберат потребните потписи преку многубројни фалсификати и неотворање на подрачните канцеларии на ДИК и неотворање на дипломатско-конзуларните претставништва во странство поради што, околу 17.000 гласачи што ги имавме во нашите интерни списоци беа спречени да се потпишат. Тоа е веќе историја! За ова поднесовме и кривична пријава до ЈО.

По ова страшно злосторство од ДИК по налог на нивните странски ментори, Единствена Македонија како партија што секогаш е на првата линија во борбата за националните интереси, поаѓајќи од сопствената одговорност, не може да стои настрана во ови тешки моменти за државата дотолку повеќе како партија мора да го кажеме нашиот став за ова прашање!

А опциите се или да го поддржиме Пендаровски, или да ја поддржиме Силјановска, или да повикаме на неизлегување на изборите.

За Единствена Македонија, нема дилема. Во услови кога Единствена Македонија и македонскиот народ се силно вознемирени што нема македонски кандидат на изборите за одбрана на највисоките национални и државни интереси, одговорот дојде сам по себе.
Нашиот одговор е: Ги повикуваме македонскиот народ и поголемиот дел од граѓаните да не излегуваат на изборите.

Ние во Единствена Македонија сме свесни дека со бојкотот не се решава стратешкиот интерес на Македонија за поништување на актите на марионетската власт за бришење на сè што е македонско.
Меѓутоа, доколку бојкотот успее, се отвора патот за политичка криза и распишување парламентарни избори. А токму по следните парламентарни избори, било да се редовни или вонредни, може да го осигуриме стратешкиот интерес на татковината.

Единствена надеж за Македонија е доколку по следните парламентарни избори, дојде народна власт, прво, со определба да го поништи договорт за промена на името со Грција како спротивен на домашното и меѓународното право и, второ, да дојде народна власт за која светот е поширок и не завршува во Брисел.

Само така Македонија ќе го оствари својот базичен интерес за држава на македонскиот народ со гарантирана положба на малцинствата според меѓународното право и држава што има меѓународно правно признатото право да го носи името Република Македонија.

Ние во Единствена Македонија сме целосно спремни да бидеме предводници на тој процес.
Затоа, народот нема право на грешка на наредните парламентарни избори. А најголемата грешка би била ако продолжи македонската трагедија со воспоставениот двопартизам на СДСМ и ВМРО-ДПМНЕ.
За крај, во мое лично име и во името на партијата Единствена Македонија, ве повикувам, браќа Македонци и сестри Македонки и сите граѓани на Република Македонија, да не излегувате в недела на претседателските избори и на тој начин да не се добие потребниот цензус, изборите да бидат неуспешни, со што го отвораме патот да ја вратиме Република Македонија на илинденските и асномските принципи. Ние во Единствена Македонија сме целосно спремни да бидеме предводници на тој процес“, порача Бачев.

Прикажи повеќе...

Најново

Избори 20197 часа

Зекири: Горчлива победа, граѓаните знаат да наградат, а и да казнат

Пратеникот од СДСМ Мухамед Зекири, по завршување на првиот круг од претседателските избори на кои во тесно водство е кандидатот...

Избори 20199 часа

Дерковски: Силјановска освои 309.799, Пендаровски – 310.751 и Река – 75.519 гласа

Претседателот на Државната изборна комисија, Оливер Дерковски, соопшти дека се обработени 96,92 отсто од гласовите, при што гласале 41,92 отсто...

Избори 20199 часа

Пендаровски: Едвај чекам да се фатам за работа од позиција шеф на државата

Претседателскиот кандидат Стево Пендаровски во своето обраќање во медиумскиот центар оцени дека првиот круг од претседателските избори минал во демократски...

Избори 20199 часа

Заев прогласи победа на Стево Пендаровски

Лидерот на СДСМ, Зоран Заев, прогласи победа на Стево Пендаровски во првиот круг од претседателските избори. Тој рече дека од 98,28...

Избори 20199 часа

Мицкоски: Ја победивме хотел-коалицијата

„Победивме, но целосно не ги поразивме“, рече лидерот на ВМРО-ДПМНЕ, Христијан Мицкоски, на прес-конференцијата по првиот круг од претседателските избори....

Избори 20199 часа

Силјановска: Ако на моите се додадат гласовите на Река, приказната е јасна

Не сум човек што потонува во триумфализам, знам дека допрва следува битката, но мислам дека ако ние добивме толкав број...

Избори 201910 часа

Адеми: Максимално сме фокусирани за победа во вториот круг

Портпаролот на изборниот штаб на ДУИ, Арбер Адеми, не сакаше да го коментира резултатот од изборите во однос на албанското...

Избори 201912 часа

Јанушев: Водиме во голем број места

„Радувај се Македонијо, правдата доаѓа. ВМРО-ДПМНЕ победува. Гордана ќе биде“, со овие зборови генералниот скеретар на партијата, Игор Јанушев, ја...

Избори 201912 часа

(Видео) Бајрами: До ОЈО и МВР нема пристигнато никаква пријава за случајот во Студеничани

Претседателот на Комисијата за следење изборни нерегуларности при Јавното обвинителство на РСМ, обвинителот Џелал Бајрами, по затворањето на гласачките места...

Избори 201913 часа

МВР: Гласач под дејство на алкохол оштетил кутија, четворица ги фотографирале ливчињата

Во текот на изборниот ден регистрирани се четири фотографирања на гласачки ливчиња, а сторителите се приведени. Гласач во Новаци, пак, под...

Избори 201913 часа

Претседателските избори со најмал одѕив досега

Според податоците од досегашните изборни процеси, неизбежен е впечатокот дека опаѓа одѕивот на македонските граѓани во првиот круг од претседателските...

Избори 201913 часа

Одѕивот до 18.30 часот 39,71 проценти

Државната изборна комисија (ДИК) соопшти дека одѕивот на првиот круг од претседателските избори до 18.30 часот изнесува 39,71 проценти, односно...

Свет18 часа

(Видео) Уапсени седум лица за терористичките напади во Шри Ланка, бројот на жртви се искачи на 200

Уапсени се седум лица, осомничени за бомбашките напади на неколку локации во земјата. Зад нападите би можела да стои локална...

Топ20 часа

Полицаец загина, а четири лица се повредени откако кумановец со ,,мерцедес” направил две сообраќајни несреќи

На 21.04.2019 во 00.45 часот на регионален пат Куманово – Свети Николе во близина на крстосница со населбата Ајдучка Чешма,...

Избори 201920 часа

Едно лице приведено во Аеродром, го фотографирало гласачкото ливче

Едно лице е приведено во Скопје за време на гласањето на претседателските избори, бидејќи го фотографирало гласачкото ливче, потврдуваат од...

Регион23 часа

Двајца загинати во авионска несреќа во Бугарија

Пилотот и патник на мал приватен авион вчера загинаа во Бугарија, кога воздухопловот се урнал во јужниот дел на земјата....

Свет23 часа

(Видео) Експлозии за католички Велигден во Шри Ланка, најмалку 50 мртви

Најмалку 50 лица загинаа, а повеќе од 200 се повредени во Шри Ланка во повеќе експлозии на неколку локации, вклучувајќи...

Избори 201924 часа

Изборите ќе ги следат 3.094 домашни и 419 странски набљудувачи

Гласањето за претседателските избори денеска и на 5 мај ќе го следат 3.094 се домашни набљудувачи, а 419 од странство....

Избори 20191 ден

Граѓаните бираат претседател на државата

На 3.480 избирачки места денеска 1.808.131 граѓани со право на глас по шести пат ќе бираат претседател на државата. Гласачите...

Свет1 ден

Поглед во внатрешноста на аеродромот во Сингапур – домот на највисокиот водопад во светот

По четиригодишна изградба и огромен медиумски интерес, долгоочекуваниот аеродром ,,скапоцениот камен” Чанги во Сингапур е официјално отворен. Аеродромот се протега...

Досие