Контакт

Соопштенија

(Видео) Арсовски: Нема никаква разврска за скандалот во Фондот за иновации, во кој беше вмешана половина Влада

Објавено пред

Однародената и криминална власт безмилосно ја ограбува државата, а картелот на единствениот аболиран политичар во Европа, Зоран Заев, продолжува да се богати на грбот на граѓаните, рече денеска портпаролот на ВМРО-ДПМНЕ, Димче Арсовски, во обраќање пред седиштето на владејачкиот СДСМ.

Како што рече тој, државата тоне по сите основи, а посебно по прашањата на владеење на правото и правната држава.

„Поминаа 4 месеци од скандалот во Фондот за иновации, во кој беше замешана половина Влада, а сè уште нема никаков епилог од надлежните институции кои треба да ги проверат сериозните наводи за криминал и корупција што беа изнесени од наша страна и од страна на медиумите во јавноста. Очигледно заинтересираноста на Основното јавно обвинителство и полицијата за овој случај била колку да им се замачкаат очите на граѓаните. Четири месеци по отворањето на случајот и наводното упаѓање на полицијата во Фондот за иновации, сè уште нема никаков резултат и епилог“, истакна Арсовски.

Како што рече, таму каде што се работи за функционери на СДСМ, постои селективност на секој чекор.

„До каде е истрагата за евентуални сторени кривични дела од постапката за јавниот повик за финансирање проекти во рамките на третиот столб од планот за економски раст – прв инвестициски бран? Има ли за Основното јавно обвинителство основа за кривично гонење, доделувањето грант над 100.000 евра на фирмата во сопственост на вицепремиерот Кочо Анѓушев, кој е втор човек на Зоран Заев? Има ли за Основното јавно обвинителство нешто сомнително во доделувањето грантови на фирмите на пратеникот Хари Локвенец, на снаата на Цветанка Ласкова и на други блиски луѓе до СДСМ? Дали за Основното јавно обвинителство е доволно тоа што евентуалниот криминал бил спречен само од бурната реакција на граѓаните и јавноста водени од максимата – „Ако крадецот биде фатен, фатен. Ако не, доволно е само да не биде гонет“, јавно запраша портпаролот на опозициската партија.

Арсовски додаде дека ако Основното јавно обвинителство не се охрабри сега и не се произнесе, ќе се произнесе во некој следен состав и со некој нов јавен обвинител, кој, како што рече, многу бргу ќе работи ослободен од канџите на криминалниот картел на власт.

Соопштенија

Заев се сретна со претседателот на италијанската антикорупциска управа

Објавено пред

Претседателот на Владата, Зоран Заев, заедно со директорот на Управата за финансиска полиција, Арафат Муареми, вечерва, се сретна со претседателот на италијанската Национална антикорупциска управа, Рафаеле Кантоне, придружуван од своите соработници и амбасадорот на Република Италија, Карло Ромео.

Од Владата информираат дека на средбата била изразена поддршка за постигнатиот договор со Грција, кој бил оценет како голем и значаен чекор кон успешното остварување на напорите на Република Северна Македонија за европска и евро-атлантска интеграција.
Исто така, била истакната посветеноста на Владата за продолжување на реформите во правосудниот систем, јавната администрација, безбедносно-разузнавачките служби и борбата против организираниот криминал и корупцијата.

„На средбата со највисокиот претставник на италијанската Национална антикорупциска управа позитивно беше оценето донесувањето на Законот за спречување на корупцијата и судирот на интереси, како и транспарентниот избор и именувањето на членовите на Државната комисија за спречување на корупцијата (ДКСК) во Северна Македонија. Двете делегации се согласија дека Северна Македонија и Италија ги поврзува искрено пријателство и соработка, со интенција и поддршка да се продлабочуваат и конкретизираат и идните чекори што двете земји ќе ги преземаат во областа на борбата против корупцијата, размената на заеднички искуства, идеи, практики и мерки и во други области“, велат од Владата за средбата.

Во таа насока е и утрешната конференција „Институционални реформи за борба против корупција, најдобри практики спрема европскиот модел – италијанскиот пример“, што ја организираат Мисијата на ОБСЕ и италијанската амбасада во Скопје, а на која ќе учествува и ќе говори премиерот Заев. На конференцијата учесниците ќе имаат можност да се запознаат со италијанската пракса за борба против корупцијата, а ќе се дискутира и за независните надлежни органи одговорни за антикорупција, важните реформи и перспективи за интеграција на земјата во Европската Унија, соопшти владината прес-служба/

Прикажи повеќе...

Соопштенија

ВМРО-ДПМНЕ: Платите растат само за роднините на функционерите, вработени во администрација

Објавено пред

Ако СДСМ продолжи со ова темпо да ги вработува ќерките, синовите, мајките, браќата, тетките, стрините и останатите роднини на високи позиции во државната администрација, просечната плата веројатно ќе продолжи да расте, но право пропорционално со тоа ќе осиромашуваат граѓаните и државата, велат од ВМРО-ДПМНЕ како реакција на изјавата на Костадин Костадинов, кој кажа дека растот на платите во 2018 е највисок во последните 9 години.

Од опозициската партија сметаат дека платите во државата растат само за роднините на функционерите од власта, а за сите други паѓаат.

„Трошоците за живот од месец во месец се сè повисоки, а граѓаните тоа го чувствуваат по нивниот џеб. Над 500 илјади граѓани живеат на прагот на сиромаштија и едвај врзуваат крај со крај, а власта ништо не презема“, се вели во партиската реакција.

Од ВМРО-ДПМНЕ додаваат дека државата оди кон дното, а власта само во последната година задолжила нови речиси половина милијарда евра, пари кои, како што велат, ќе треба да ги враќаат идните генерации.

Прикажи повеќе...

Соопштенија

(Видео) Костадинов: Растот на платите во 2018 е највисок во последните 9 години

Објавено пред

Платите растат, сè повеќе пари завршуваат кај граѓаните, кај работниците, во семејствата. Во 2018 година забележан е најголем раст на просечната плата во последните девет години, порача портпаролот на СДСМ, Костадин Костадинов.

„Просечната нето-плата во декември 2018 година изнесувала 25.784 денари, што е зголемување за над 8 проценти во однос на декември во 2017 година. Само за една година просечната плата е поголема за речиси две илјади денари! Реалните економски политики на Владата предводена од СДСМ даваат реални, видливи резултати.
Ако во 2017 година растот на платите се базираше на подигнувањето на минималната плата, во 2018 година воочлив е ефектот на зголемување на продуктивноста на фирмите, новите и добро платени работни места“, изјави Костадинов.

Тој додаде дека оваа година продолжуваат зголемувањата на платите во сите сектори. Повеќе средства се одвоени за активните мерки за вработување, за поддршката за домашните и странски инвестиции.

Овие мерки и реални економски политики, според Костадинов, се добра основа за натамошен раст на платите, со крајна цел просечната плата до крајот на мандатот да изнесува 500 евра.

„Пред граѓаните презедовме одговорност да испорачаме сериозни резултати во економијата, реформите и интеграциите. Тоа го остваруваме, време е граѓаните да ги почувствуваат очекуваните резултати“, нагласи тој.

Напредокот во евроинтеграциите, членството во НАТО и започнувањето на преговорите со ЕУ, вели Костадинов, дополнително ќе ги интензивира овие позитивни текови, сè повеќе пари ќе завршуваат кај граѓаните.

Прикажи повеќе...

Најново

Македонија8 минути

Котевски: Ќе поднесам оставка, зборот на премиерот е последен

Директорот на истражниот затвор во Шуто Оризари, Ѓоко Котевски, ќе го послуша премиерот кој од него побара оставка по вчерашниот...

Македонија17 минути

Емотивни говори и обвинувања на расправата за имунитетот на Вељаноски

Емотивни говори, дофрлувања и обвинувања ja одбележуваат распрвата за имунитетот на Трајко Вељаноски во рамки на Комисијата за деловнички и...

Македонија34 минути

Мртва девојка пронајдена во скопско Волково

Утрово во скопско Волково е пронајдено безживотно тело на девојка чиј идентитет засега е непознат. Според неофицијални информации, на телото...

Македонија53 минути

Новини во системот „Мој термин“, се воведуваат два нови упати, „итен 24“ и „упат без термин“

Министерството за здравство и Управата за електронско здравство воведуваат новини во националниот систем Мојтермин со цел, како што велат од...

Македонија53 минути

Заев побара оставка од директорот на затворот во Шуто Оризари

Премиерот Зоран Заев побара оставка од директорот на затворот во Шуто Оризари, Ѓоко Котевски, по вчерашните вербални и физички напади...

Македонија2 часа

Момче почина од сепса по операција на хемороиди

Синоќа младо момче почина откако било донесено на скопските клиники каде што докторите констактирале дека има сепса. Според извори од...

Европа2 часа

Хаос на автопат во Италија: Повеќе од 80 возила учествуваа во верижен судир

Повеќе од 80 возила учествуваа во верижен судир во северна Италија, при што едно лице загина, а вкупно 37 се...

Македонија3 часа

ВМРО-ДПМНЕ: Тепани луѓе во притвор, како да живееме во Северна Кореја

Вчерашниот ден ќе остане запаметен како црн ден за демократијата во Република Македонија. Власта го допре дното. Претепувањето на Миле...

Македонија3 часа

СДСМ по инцидентите во затворот: Не успеа насилничкото сценарио на Мицкоски и Груевски

Не успеа насилничкото сценарио на Мицкоски и Груевски, институциите и граѓаните нема да им дозволат да ја втурнат државата во...

Македонија3 часа

Попладне локални врнежи од дожд, на планините снег

Уште во текот на претпладнето облачноста насекаде ќе се зголеми, а во попладневните часови ќе има локални слаби врнежи од...

Македонија13 часа

Архитектите лути, барат итна заштита на ГТЦ без зелениот покрив и на Владата без барок

Зелениот покрив на Градскиот трговски центар иницираше низа барања на Асоцијацијата на архитекти на Македонија (ААМ) до Владата. Архитектите денес...

Македонија15 часа

(Видео) Костов: Јанакиески нема повреди, во затворот ќе биде под надзор на доктор

Директорот на болницата „8 Септември“, Христијан Костов, изјави дека кај ексминистерот Миле Јанакиески не биле евидентирани никакви повреди по инцидентот...

Македонија16 часа

Братот и сопругот на Мира Стојчевска се откажаа од вработувањето и унапредувањето, синот останува во ЕЛЕМ

Пратеничката Мира Стојчевска, по една недела молк за вработувањето на синот и братот и за унапредување на сопругот, се огласи...

Македонија17 часа

(Видео) Мицкоски по посетата на Јанакиески: Не ме пуштија да го видам, го чуваат 50-ина полицајци

Претседателот на ВМРО-ДПМНЕ, Христијан Мицкоски, пред болницата „8 Септември“, каде што попладнево беше пренесен ексминистерот Миле Јанакиески, рече дека денешниот...

Македонија18 часа

Силјановска: Не можев да се пријавам на конкурс на СДСМ бидејќи не се согласувам со овие политики

Две недели по распишувањето на претседателските избори, а во исчекување на кандидатот со кој ќе влезе во изборна трка владејачкото...

Македонија18 часа

Годинава речиси секој ден исчезнува по еден човек

Пронајденото мртво тело на 35-годишниот Горан Атанасовски од Скопје, кој вчера беше пријавен за исчезнат, ја вознемири јавноста. Коментарите во...

Македонија19 часа

(Видео) Заев: Не верувам дека роднините на функционерите се вработени незаконски

Премиерот Зоран Заев, по завршувањето на средбата со претседателот на Беса, Биљал Касами, одговарајќи на новинарско прашање за новите скандали...

Македонија19 часа

Комисијата утре ќе расправа за имунитетот на Вељаноски

За утре е закажана седницата на Комисијата за деловнички и мандатно-имунитетни прашања, на која теба да се разгледа барањето за...

Македонија20 часа

(Видео) Заев: Изјавата на Мицкоски е забегана работа, ќе се консултирам дали да го тужам

Премиерот Заев најави дека ќе разговара со својот адвокатски тим дали да поведе тужба против Мицкоски во однос на вчерашната...

Топ20 часа

Исчезнатиот Атанасовски пронајден мртов

Денеска околу 13 часот е пронајдено безживотно машко тело во Нерези, на патот кон вила „Веранда“, потврдуваат од МВР. Неофицијално,...

Досие