Контакт

Соопштенија

ВМРО-ДПМНЕ: СДСМ наместо бесплатно здравство, воведува приватизација или централизација на услугите

Објавено пред

СДСМ го уништи здравствениот систем во Република Македонија, оценува опозициската ВМРО-ДПМНЕ преку соопштение.

„Во изминативе две години откако е СДСМ на власт во здравството владее хаос и секојдневно сме сведоци на скандали и матни тендери. Наместо да го подобри здравството како што ветуваше, СДСМ го урниса. Клиниките се распаѓаат, а пациенти умираат од болести кои се третираат со едноставни терапии. Додека кај нас се јавуваат епидемии на искоренети болести, СДСМ парите за подобрување на здравството ги пренасочува до фирми блиски до функционерите од врхушката на власт“, смета ВМРО-ДПМНЕ.

„СДСМ наместо да воведе бесплатно здравство како што ветуваше, воведува приватизација или централизација на здравствени услуги, што ќе значи дополнителен удар врз џебот на граѓаните, а покрај тоа ќе биде на штета и на голем број здравствени работници.

Таков удар на товар на граѓаните е и матниот и сомнителен тендер за стерилизација, вреден 13.700.000 евра, кој е сличен на тендерот за реагенси кој пропадна и кој беше вреден 35 милиони евра.
СДСМ и Филипче воведуваат монопол на стерилизацијата во здравството и сега наместо секоја здравствена установа посебно да ангажира сервисна компанија за стерилизација, една фирма ќе ги опслужува сите здравствени установи во државата.

Ваквата централизација на стерилизацијата не само што може да ја зголеми цената за стерилизација за над 5 пати, туку на улица може да останат стотици вработени од постоечките служби за стерилизација.
Со ваквите потези на СДСМ многу е веројатно дека здравството наскоро ќе стане привилегија само на богатите, а останатите граѓани нема да може да си ги дозволат ниту основните здравствени услуги. СДСМ уште еднаш покажува дека воопшто не се грижи за здравјето на граѓаните туку единствено што мисли е како побрзо некој од функционерите повеќе ќе се збогати.

Со СДСМ здравството стигна на ниво на клиничка смрт. СДСМ наместо да го подобри здравствениот систем истиот го користи за лично богатење. Граѓаните заслужуваат модерно и ефикасно здравство, а не такво кое секојдневно сè повеќе тоне. Затоа СДСМ и Филипче мора веднаш да си заминат“, додава ВМРО-ДПМНЕ во соопштението.

Соопштенија

ГДУ: Марин ветуваше зеленило, а со мегазгради го задуши Аеродром

Објавено пред

Наместо дрва, никнаа згради. Тоа е единственото што се работи во општина Аеродром. Златко Марин ветуваше зеленило, а со мегаобјектите го задуши Аеродром, велат во соопштение од Граѓанско-демократската унија (ГДУ).

Од партијата истакнуваат оти Марин уверувал дека ќе ја сопре изградбата на десеткатницата кај „Мајчин дом“, но, како што велат, по седнувањето во фотелјата, со негова дозвола е уништена единствената зелена површина што останала по должината на булеварот Јане Сандански.

„Очигледно е дека неговите ветувања што ги даде во времето кога се кандидира беа само празни зборови. Просто човек да се запраша дали ја има прочитано програмата со која го доби мандатот? Бараме Златко Марин да им одговори на граѓаните зошто ќе троши дури 73.000 евра за да ги информира што работел или ќе сработел за нив? Неговиот имиџ не може да го подобри ниту една агенција. Трошењето толку пари за имиџ на градоначалник е срамно и бесмислено“, се наведува во партиското соопштение.

Во него се додава дека 6.000 евра месечно Марин ќе плаќа за агенција да му одредува како да се движи и што да зборува на јавните настапи, па и на социјалните медиуми да го фали колку е добар и колку тој работи.

„Ни фалби, ни „Фејсбук“, ни „Твитер“ не помага. Граѓаните гледаат и знаат и не ве избираа за  да трошите пари на вашиот имиџ и да ја покривате неспособноста, туку да им овозможите поубав живот“, истакнуваат од ГДУ, од каде што порачуваат дека премиерот Заев не смее да молчи за ваквите скандалозни однесувања на неговите, како што велат, неспособни градоначалници.

Прикажи повеќе...

Соопштенија

ДОМ: Законот за Националниот парк Маврово би ја спречил изградбата на хидроелектрани

Објавено пред

Партијата Демократска обнова на Македонија (ДОМ) бара итно да се поканат претставници на Секретаријатот на Бернската конвенција, со чија помош би се доработил постојниот нацрт на законот за прогласување на Националниот парк Маврово.

Од партијата сметаат дека со усвојување на законот ќе се стави крај на понатамошната узурпација на просторот во заштитеното подрачје.

„Потсетуваме дека од 2011 година, кога формално почна постапката, сè уште не е донесен закон за прогласување на Националниот парк Маврово. Нерешениот статус овозможува Владата да излегува во пресрет на иницијативи за изградба на објекти (хидроакумулации, мали хидроелектрани, каменоломи, патишта, туристички зони и слично) во заштитеното подрачје“, се вели во партиското соопштение. во кое се додава дека натамошната изградба на нови објекти во овој национален парк е штетна за заштитата на биолошката разновидност.

Според ДОМ, реализацијата на градби во заштитеното подрачје може да го актуализира спорот со Бернската конвенција, што земјата ја ратификувала уште во 1997 година.

„Секретаријатот на Бернската конвенција отвори спор во 2015 година поради најавите за изградба на акумулациите ‘Бошков Мост’ и ‘Луково Поле’ и на речиси 20 мали хидроелектрани во границите на заштитеното подрачје. Од планираните 20 мали хидроелектрани, 4 се веќе изградени, а за 3 се доделени концесии и изградбата може да почне во секој момент“, стои во соопштението, каде што се истакнува и дека изградбата на мали хидроелектрани во националниот парк е спротивно на Бернската конвенција.

Прикажи повеќе...

Соопштенија

ВМРО-ДПМНЕ: Лагите на Заев не го полнат буџетот на државата

Објавено пред

Економијата во Македонија секој ден тоне сè повеќе откако СДСМ е на власт, велат од ВМРО-ДПМНЕ како реакција на изјавата на Костадин Костадинов од владејачката партија, кој рече дека по 13 години, државата бележи подобрување на кредитниот рејтинг.

Меѓутоа, според опозициската партија, задолжувањето секој ден сè повеќе расте, a реализацијата на капиталните инвестиции за првите четири месеци од годинава е под 10 проценти.

„Со лагите на Зоран Заев не може да се скрие фактот дека во Македонија има над 500.000 граѓани што живеат под прагот на егзистенцијата. Со лагите на Заев буџетот на државата не се полни. Само во последните 5 месеци направија дупка од 3 милијарди денари од несобрани даноци“, се наведува во партиската реакција.

ВМРО-ДПМНЕ исто така порачува дека времето на оваа Влада забрзано истекува, односно доаѓа време на реални проекти, економски прогрес и нова влада.

Прикажи повеќе...

Најново

Македонија11 час

Заев очекува формален почеток на преговорите со ЕУ до крајот на годинава

Задоволни сме од денешниот заклучок на Советот на министри, но тој ќе значи целосен успех во октомври, кога ќе се...

Свет11 час

Трамп на „Твитер“ најави масовни апсења на мигранти

Претседателот на САД, Доналд Трамп, на „Твитер“ најави масовни апсења на мигранти. Иронично за објавата на Трамп е дека големите миграциски...

Топ13 часа

Маж и жена од Тетово сексуално експлоатирале 15-годишно девојче

Жена од Тетово и нејзиниот сосед сексуално експлоатирале 15-годишно девојче. Тие договарале сексуални услуги на интернет и го носеле девојчето...

Македонија14 часа

ЕУ не определи датум за почеток на преговори со Северна Македонија

Министрите за надворешни работи на Европската Унија на Советот за општи работи на Унијата во Луксембург не се согласија околу доделувањето...

Европа15 часа

(Видео) Меркел, поради дехидрација, неконтролирано се тресеше на пречекот на Зеленски

Германската канцеларка, Ангела Меркел, изгледаше како да не ѝ е добро и нејзиното тело неконтролирано се тресеше додека денеска во...

Македонија17 часа

Грујевски наредил опремата за прислушување да се сече на парчиња

Ни беше кажано од Горан Грујевски дека опремата за следење на комуникациите ќе ја исечка на парчиња од 5 сантиметри,...

Македонија18 часа

УБК прислушувала од аероклубот во Центар

Сведокот Сашо Трајковски во продолжението на сведочењето за предметот за масовното прислушување на СЈО – „Таргет – Тврдина“, рече дека,...

Свет18 часа

ОН: Светското население ќе порасне на 9,7 милијарди до 2050 година

Населението во светот старее и иако бројот на жители расте со побавно темпо, сепак се очекува негово зголемување од сегашните...

Регион18 часа

(Видео) Тројно убиство во Белград, жртвите биле мачени и фрлени во септичка јама

Во текот на изминатата ноќ по пријава на граѓани, српската полицијата открила три тела во септичка јама зад шопинг-центар во...

Македонија20 часа

Сведок на СЈО: Знаевме каде и како Мијалков и Грујевски се логираат за да прислушуваат

Сашо Трајковски, инженер во поранешната УБК, сведок на СЈО во предметот „Таргет – Тврдина“, во исказ пред судот рече дека...

Спорт21 час

Мишел Платини уапсен за доделување на СП во 2022 на Катар!

Поранешниот претседател на УЕФА и легенда на францускиот фудбал, Мишел Платини, е уапсен во Нантер, предградие на Париз, поради одлуката...

Свет21 час

(Видео) Во земјотресите во Кина загинаа 12, а повредени се 134 лица

Бројот на загинати во двата силни земјотреса во Кина се искачи на 12, а бројот на повредени на 134. Спасителите...

Свет21 час

(Видео) Четворица повредени, пукотници и стампедо на прослава во Торонто

Четири лица се ранети при пукање на прославата на првата шампионска титула во НБА-лигата на Торонто репторс на плоштадот „Нејтан...

Македонија22 часа

Судир во ЕУ за почетокот на преговорите со Северна Македонија и Албанија

Членките на ЕУ во понеделникот се судрија во однос на почетокот на преговорите за членство на Албанија и Северна Македонија,...

Македонија22 часа

Необезбедена јама демне во школски двор во Хиподром – родителите стравуваат за децата

Необезбедена јама веќе неколку месеци стои без заштитна ограда во дворот на основното училиште „Вера Јоциќ“ во населбата Хиподром (општина...

Hitech1 ден

„Хуавеј“ со загуба од 30 милијади долари

Основачот и директор на „Хуавеј“, Рен Женгфеи, потврди дека приходите на овој телекомуникациски гигант ќе бидат 30 милијарди долари помали...

Крвав четврток2 дена

Пресудата за 27 април е на 1056 страници, адвокатите се жалат на рокот

Пресудата за 27 април кога се случи насилниот упад во Собранието е напишана на 1056 страници и веќе им се...

Македонија2 дена

Поплавени подруми, непроодни улици и затнати шахти од невремето во Куманово

Oпштинa Куманово денес од 14,45 до 15,40 часот ја зафати пороен дожд кој направи проблем за собирање на водата во...

Македонија2 дена

Анкета на „Макфакс“: Шилегов направил најмалку за градот Скопје

Во онлајн-анкетата што ја спроведе истражувачкиот центар на „Макфакс“, на прашањето „Кој градоначалник на Скопје направи најмалку за градот?“, најголем...

Македонија2 дена

(Видео) Жителите на населбата Јака се жалат – живееме во кал и мрак, без јавен превоз

Седум години по почнувањето на изградбата на населбата Јака во Илинден, состојбата е непроменета – очајна, а општинската власт не...

Досие