Подготовките во новиот трговски центар Diamond Mall, за големото отворање што треба да се случи на 20 октомври 2023 година, се во тек. Diamond Mall е еден од главните делови на мултифункционалниот комплекс „Diamond of Skopje“ на компанијата „Лимак“, лоциран во строгиот центар на главниот град.

„Diamond Mall ќе биде многу повеќе од обичен трговски центар. Нашата цел е тој да прерасне во новата популарна дестинација за сите жители и посетители на главниот град. Нудејќи врвно искуство и уникатно доживување за сите, Diamond Mall ќе даде нова димензија на шопинг искуството, на гастрономските доживувања и на забавата. Diamond Mall е спој на урбана архитектура, на природата и на оригинални содржини кои се прилагодени на потребите на современиот животен стил. Подготвени сме да ги восхитиме посетителите. Затоа, Diamond Mall припаѓа во сосема нова категорија на објекти наречени ‘Лајф центри’ (Life Centar)“, вели Селин Октај, генерална менаџерка на Diamond Mall.

Diamond Mall е составен од три меѓусебно поврзани целини. Првата целина ја сочинуваат 150 продавници со вкупна површина за закуп од 48.000m², кои на купувачите ќе им понудат голем избор на популарни и атрактивни брендови. Втората целина е „Зоната на соништата“ (Dream Zone) каде на едно место се среќаваат забавата и едукацијата, со површина од 7.000m², која ќе понуди едукативни и забавни содржини наменети за различни возрасни групи, од деца од најмала возраст до млади. Со својата величина и концепт што постојано се менува, оваа зона за забава и едукација е поголема од кој било друг ваков простор во земјата и поширокиот регион. Третата целина е специјалниот автентичен простор, именуван како „Гурманска авенија“ (Gourmet Avenue), кој ќе нуди широк гастрономски избор и ќе биде идеално место во кое гастрономските авантуристи ќе можат да го задоволат својот апетит со избор на нови ресторани, кафулиња и барови. Гурманската авенија на своите посетители ќе им овозможи да бидат дел од разновидни случувања од областа на културата и уметноста, додека во пријатна атмосфера уживаат во вкусовите на локалната, интернационалната и современата кујна.

Diamond Mall е изграден според најсовремените архитектонски трендови, градежни техники и стандарди, кои истовремено овозможуваат одлични работни услови за вработените во молот, највисок степен на удобност на посетителите, како и висок степен на енергетска ефикасност и заштита на животната средина. Дизајнот на Diamond Mall е компактен и овозможува лесна навигација на посетителите низ целиот објект и голема прегледност. Молот располага со голем број различни влезови кои овозможуваат лесна пристапност на сите посетители, од било кој дел на централното градско подрачје, независно дали тие доаѓаат со возило, со јавен превоз или пешки.

Вкупната инвестиција во проектот „Diamond of Skopje“ достигна 350 милион евра. Покрај останатите придобивки кои ќе ги донесе Diamond Mall со својата работа е и отворањето на повеќе од 1.000 нови работни места кои ќе овозможат вработување на кадар од најразлични профили поврзани со функционирањето на молот, како и оние што ќе обезбедуваат најразновидни услуги за посетителите.

(ПР текст)

Нов милионски тикет во „Sport Life” – Струмица, со помош на големиот Фибоначи бонус на добивката од 610% .

Ова шесткратно зголемување на добивката, редовниот играч на „Sport Life“ го остварил со уплатени 50 денари, а освоил неверојатни 1.795.145 денари. Дури 1,5 милион денари се од бонусот на добивката, која инаку би изнесувала 300.000 денари.

За милионскиот тикет, нареден со 23 натпревари од изминатиот петок и викендот, најдраматичен бил натпреварот со Фенербахче во неделата. Победничкиот гол на истанбулскиот клуб бил постигнат дури во 80-тата минута по претходен пресврт на резултатот и со тоа била осигурена и милионската добивка на играчот од Струмица.

Фибоначи бонусот е во игра уште една недела, односно до 28 септември, па така сите оние кои редат долга низа на натпревари на тикет, можат да очекуваат нови изненадувања и зголемување на добивката.

Возбудата за лојалните играчи на „Sport Life“ продолжува со новата сезона на Типстер куп натпреварот, при што секој месец ќе се доделуваат 100.000 денари за најмногу погодени тикети во месецот, а тука е и новата „Спортска по твое“ или „Среќна 13-ка“, со која за погодени 13 натпревари на тикет по избор на играчот, ќе бидат доделувани премии од 120.000 денари секој месец, сè до јуни следната година.

Со членството во СЛ клубот, играчите на Sport Life стекнуваат право да учествуваат во новите акции и игри, и да ја зголемат добивката со бонуси и премии.

ПР

Светското екипно првенство за шахисти над 50 годишна возраст во Струга веќе во третото коло го донесе дерби мечот на највисоко рангираната екипа, репрезентацијата на САД, со шахистите на Алкалоид кои се четврти носители на турнирот. Мечот заврши нерешено, 2:2, но самите партии ни оддалеку не беа мирољубиви.

Шахистите на Алкалоид влегоа во мечот со стратегија да се одиграат комплицирани отворања кои водат кон нејасни позиции (освен на првата табла), имајќи предвид дека сениорите сепак веќе не се многу турнирски активни, па може да се игра на картата на изненадување, како и на картата концентрација и физичка кондиција, како и менаџмент на времето.

Така, на првата табла се одигра прифатен Дамин Гамбит, без многу ризикување од двете страни. Дојде до брза промена на фигурите и немаше можност за повеќе од реми за ВМ Кирил Георгиев.

ВМ Трајко Недев со црни фигури извојува ефектна победа над ВМ Јан Елвест! Значајот на оваа победа треба да се гледа и во фактот дека Недев направи вистински подвиг со победата над играч кој бил во состав на репрезентацијата на СССР како Олимписки победници 1988 и во топ 5 играчи во светот на ФИДЕ рејтинг листата 1991 година. Со црни фигури го надигра и го доведе во ситуација да предаде на еден потег пред мат, во само 23 потега, што ретко се случува во велемајсторската практика!

– Интересна партија, многу остра варијанта во Сицилијанска одбрана. Белиот играше во својот препознатлив стил, мошне добро, се до еден момент кога направи лоша стратегиска одлука и се надеваше дека ако ми ја „растури“ рокадата ќе има подобри шанси . Реално, доколку мојот противник одбереше друго продолжение можеше да изедначи, но вака форсирано влезе во полоша позиција и таа погрешна проценка беше пресудна,- оцени ВМ Трајко Недев.

На третата табла ВМ Влатко Богдановски играше сигурно, имаше мала предност во одреден момент, но веројатно процени дека нема да може да реализира повеќе и во вториот дел од партијата настојуваше да избегне додатни компликации,по што партијата заврши со реми.

На четвртата табла, тимската стратегија покажа дека има две острици. Во Каталонско отворање ВМ Звонко Станојоски со црни фигури избра варијанта која водеше во нејасна позиција. По долга борба, расплетот се покажа понеповолен за него. Иако во еден момент, во 29 потег, кога противникот направи груб превид беше возможен комплетен пресврт и црниот да игра за победа, на крајот Станојоски по многу долга борба ја загуби партијата, што донесе изедначување на резултатот.

– Ова е навистина инспиративен резултат за целата екипа, зачинет со маестралната победа на Недев, а дополнително кога знаеме дека и Станојоски имаше шанса за пресврт, навистина можеме да бидеме многу задоволни од прикажаното во овој меч. Одигравме нерешено со репрезентацијата на САД која е една од актуелните шаховски велесили како држава. Се надевам дека ќе успееме да ја сочуваме свежината на играчите на овој турнир што трае 9 кола и дека достојно ќе се презентираме и во другите мечеви,- рече ВМ Драган Јаќимовиќ, капитен на ШК Алкалоид.

По 3. коло, на врвот има само две екипи со максимални 6 бода (првиот тим на Англија и Исланд), кои ќе се сретнат во 4. коло. ШК Алкалоид ќе игра со селекцијата на Италија, која беше поразена од Англија.

На турнирот за играчи над 65 години, селекцијата на македонските ветерани исто така играше со прворангираните носители, но за жал беше поразена од 3:1 и во четвртото коло ќе настојува да продолжи со добрите партии против Косово.

ПР