Соопштенија
Мицкоски: Курбан Бајрам е потсетник дека потребно е заедништво за да се надминат тешките моменти

Лидерот на опозициската партија, Христијан Мицкоски, до верниците од исламска вероисповед упати честитка по повод празникот Курбан Бајрам.
Во неа тој истакнува дека овој празник ги потенцира човечките вредности и учи на солидарност, хуманост и заедништво.
„Република Македонија има вековна традиција на соживот, толеранција и помагање помеѓу различните верски групи. Тоа се вредностите кои ние мора да им ги пренесеме и оставиме на идните генерации, бидејќи само така ќе продолжиме да градиме благосостојба, но и напредок во нашето општество“, пишува Мицкоски во честитката.
Покрај тоа, претседателот на ВМРО-ДПМНЕ додава дека нашата држава се соочува со тешки моменти и предизвици кои, како што вели, сите граѓани подеднакво ги чувствуваат.
„Наместо проекти кои ќе го подобрат животот и стандардот на граѓаните, секојдневно гледаме криминал, корупција, понижување и погазување на достоинството на секој еден граѓанин на Република Македонија“, додава Мицкоски истакнувајќи дека токму затоа неопходна е меѓусебна почит и помош.
„Заеднички и обединети да упатиме порака дека потребно е создавање на праведна држава која подеднакво ќе ги почитува своите граѓани и ќе креира можности за напредок за доброто на нас и на нашите идни генерации“, повикува партискиот лидер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Соопштенија
(Видео) Нелоски: За две години, Заев ги задолжи граѓаните со 914 милиони евра

Во исто време кога СДСМ троши илјадници евра, а можеби и стотина илјади евра на медиумите за партиско рекламирање, истите тие се задолжуваат за само еден ден со нови 300 милиони евра на грбот на граѓаните и на грбот на идните поколенија и нашите деца, обвини Владимир Нелоски од член на ИК на ВМРО-ДПМНЕ.
„Со вчерашното задолжување долгот што Заев им го остава на граѓаните е над 910 милиони евра нето. За само 31 месец, Заев ја задолжи државата со 910 милиони евра, а притоа не направи ништо. Нема проекти, нема инвестиции. Има само криминални тендери и партиски вработувања.
За цели 10 месеци од оваа година, Зоран Заев успеа да реализира само 40 отсто од предвидените капитални инвестиции, а да не правеше ребаланс, со кој се скрати од парите наменети за развојни проекти, тие ќе беа 36 отсто.
Ова е очајно. Не можат да го исполнат ниту она што самите на почетокот на годината си го поставиле во план за реализација. Но, затоа немаат проблем кога треба да се задолжат и да земат нови милиони евра кои ќе може да ги делат на криминални тендери.
Ситуацијата е алармантна, плановите за задолжување и економската политика на СДСМ се катастрофални. Расипништвото мора да запре. На недомаќинското работење мора да му се стави крај. По 12 април следува одговорно трошење на народните пари и домаќинско управување со долгот на државата, кој го враќаат граѓаните, а не некои си политичари“, истакна Нелоски.
Соопштенија
Глас за Македонија: Бугарската академија отворено го негира постоењето на македонскиот јазик

Партијата Глас за Македонија на Солза Грчева најостро реагира на, како што велат од таму, шовинистичките и, пред сè, ненаучни изјави на Бугарската академија на науките, која отворено го негира постоењето на македонскиот јазик.
„Ги потсетуваме дека македонскиот јазик е непобитен лингвистички, историски и културен факт, признат и рамноправен со другите јазици во светот. Тој е конститутивен елемент на македонскиот култура, но и национален идентитет, па со тоа е дел од идентитетот на секој македонски граѓанин. Ги потсетуваме и дека јазичното право е природното и основно човеково право да го зборува, да го проучува и да го заштити сопствениот јазик и јазикот на својата држава. Тој е запишан во ОН, на него се преведени безброј стари дела од светската литература и е предмет на проучување на сериозни научници и лингвисти од целиот свет“, се наведува во соопштението на политичката партија.
Глас за Македонија бара итен прекин на работата на мешовитата комисија составена од експерти од двете земји бидејќи, според нив, таа има цел да ги избрише македонската нација и македонскиот јазик.
„Овој штетен договор, секако, не може да биде основа за добрососедски односи. Напротив, само ги влошува“, сметаат од партијата на Грчева.
Македонија
СДСМ: Со долгот од 400.000 евра за кампањата ВМРО-ДПМНЕ го прекрши Изборниот законик

„ВМРО-ДПМНЕ има долг од речиси 400.000 евра за неплатени обврски за кампањата на Гордана Сиљановска за претседателските избори. Бидејќи сметката за изборната кампања, од која треба да се наплати овој долг е затворена, ВМРО-ДПМНЕ го прекршила членот 71 од Изборниот законик, каде што јасно е наведено дека сите трошоци за кампањата исклучиво треба се покријат од средствата на таа сметка“, соопшти СДСМ.
Според партијата, одговорност за ваквото прекршување на законите мора да има првенствено од овластениот потписник на сметката, односно генералниот секретар на ВМРО-ДПМНЕ.
„Ако навистина е за почитување на законите, како што тврди, Христијан Мицкоски треба веднаш да го повика на одговорност Игор Јанушев, кој е потписник на сметката на ВМРО-ДПМНЕ. Во спротивно Мицкоски ќе покаже дека е ист како својот ментор Никола Груевски, кој сметките за изборни кампањи ги затвораше со долгови од над 3 милиони евра“, се додава во соопштението.
- Забава3 месеци
Дошла на преглед поради постојан замор, а докторите ѝ рекле дека ќе умре за 72 часа
- Култура3 месеци
„Болка и слава“ на Алмодовар го отвора фестивалот „Браќа Манаки“, кинематограферот Алкаине гостин во Битола
- Книги2 месеци
Промоција на „Небо во кафез“ од Д.А. Лори
- Црна хроника2 месеци
Се урна тераса во Скопје – повредени татко и неговите три малолетни деца
- Hitech3 месеци
(Видео) Возач и совозач во „тесла“ спијат додека автомобилот вози со 100 на час
- Култура1 месец
Десет најчести прашања и одговори за програмата „Креативна Европа медиа“ на „Синедејс“
- Свет1 месец
(Видео) Полицаецот кој го уапси синот на Ел Чапо убиен со 150 куршуми
- Македонија3 дена
Јовановски до Камчева: Се сеќавате ли дека подготвувавте посебни вечери за мене