Контакт

Соопштенија

Националниот младински совет бара ревизија на повикот што го објави Агенцијата за млади и спорт

Објавено пред

Националниот младински совет на Македонија изразува загриженост во однос на објавениот оглас за финансиска поддршка на здруженија и фондации, објавен на 1 ноември од страна на Агенцијата за млади и спорт.

Оттука сметаат дека објавениот повик не е доволно промовиран, а младинските организации не се информирани за можноста за финансиска поддршка.

„Дадениот рок од осум дена, од кои само пет се работни, е прекраток за организациите да може да се информираат за повикот и да ја подготват неопходната документација. Ваквата практика на Агенцијата за млади и спорт е загрижувачка и не остава простор за широко информирање на младинските организации и организациите за млади.

Го изразуваме и нашето длабоко разочарување поради неприфаќањето ниту една препорака дадена на консултативните средби во однос на конкретниот повик. Прашуваме зошто Агенцијата за млади и спорт прави консултативни средби со младински организации кога нивните препораки не ги зема предвид? Дали консултациите се само декларативно покажување отвореност и соработка или Агенцијата за млади и спорт навистина се стреми да работи со и во интерес на младите и младинските организации?

Поради ова, итно бараме да се направи ревизија на објавениот повик, така што ќе се земат предвид дадените препораки, објавениот повик ќе биде промовиран во јавноста и ќе се продолжи рокот за доставување апликации.
Покрај тоа, би сакале да дадеме препорака за идните повици Агенцијата за млади и спорт да има изработено временска рамка, односно календар кој предвремено би најавувал кога би имало отворени повици за грантирање младински организации со однапред утврден рок, со цел организациите да имаат доволно време за подготовка.
НМСМ се залага за отворено и достапно финансирање на младинските организации, пред сè, оперативни грантови за една или повеќе години.

На тој начин младинските организации ќе може поактивно да работат со младите и ќе мотивираат младинско учество преку целата година“, велат од Националниот младински совет преку соопштение.

Соопштенија

(Видео) Митева: Дистанцирањето на Пендаровски од народот зборува повеќе од било кој говор

Објавено пред

За прв пат годинава на прославата за Илинден, на Мечкин камен во Крушево, претседателот на државата нема да има свое обраќање. Смета дека на народот му е доста од разединување, но вели „Сакам да ја деескалирам вообичаената атмосфера на Мечкин Камен, која често е проследена со навреди кои повеќе разединуваат отколку што обединуваат“ рече Марија Митева, портпарол на ВМРО-ДПМНЕ.

„ Не, оваа вообичаена атмосфера се случува последниве неколку години и многу добро знаете зошто е тоа така. Илинден се славеше гордо, достоинствено, со многу народ и со љубов. Вашето дистанцирање од народот многу повеќе зборува од било кој говор. Илинден – големиот македонски национален празник, кој се одбележува на 2 август има посебно значење за историјата на македонскиот народ. Илинденското востание означувало нова фаза од развојот на македонското национално и ослободително движење.

Овој 2 Август, на овој Ден на републиката, на денот кој не испирира и обединува претседателот на државата нема да одржи говор на манифестацијата. После 30 годишна традиција ќе гледаме нов концепт. Наместо да започне претпладне, ќе започне попладне, наместо говор кој ќе биде составен од минатото, сегашноста и иднината ќе имаме молк, ќе се читаат пораки и нема да се слушне визија за Република Македонија.

Со достоиенствено прославување на двата Илиндена, 1903 и Првото заседание на АСНОМ, ја прославуваме и љубовта кон татковината. На овој празник треба да се поклонуваме на славното дело на револуцијата и на поставувањето на темелите на современата македонска држава.

Почитувани граѓани, идеалите на двата Илиндена се се уште живи, ќе го славиме Илинден достоинствено, согласно македонската традиција! ВМРО-ДПМНЕ ќе обединува со говор и со дела“ порача Митева.

Прикажи повеќе...

Соопштенија

Демократски сојуз: Да се повлечат измените на изборниот законик

Објавено пред

Демократскиот сојуз на седницата на собраниската Комисија за политички систем ќе предложи амандмани на предлог-измените на Изборниот законик. Но, поради тоа што од партијата сметаат дека поради монополот што го имаат предлагачите на законот, во парламентот нема услови за коригирање на текстот,  бараат да се повлечат измените на Изборниот законик.

„Демократскиот сојуз предлага процентот на потребни потписи од вкупниот број на запишани гласачи како услов за кандидирање независни листи на советници и градоначалници да биде 0,3 отсто, потоа целосно бришење на одредбите за отворени листи и прагот од 3 отсто за пласман во горниот дел на листата, платениот рекламен простор да се дели подеднакво на сите партии, а да се предвиди и време за независни листи и кандидати“, се наведува во соопштението.

ДС предлага да не се лимитира пристапот до социјалните мрежи и интернет-порталите и целосно да се исфрлат ограничувањата за платено политичко рекламирање.

„Во предлог-измените на Изборниот законик има решенија кои ќе предизвикаат конфузија на претстојните локални избори, многу неважечки ливчиња, како и целосно некредибилен изборен процес. Демократскиот сојуз смета дека не се обезбедени услови за фер, демократски и слободни избори. Со измените се фаворизираат само четирите партии (ВМРО-ДПМНЕ, СДСМ, ДУИ и Алијансата на Албанците), предлагачи на законот“, сметаат од ДС.

Прикажи повеќе...

Соопштенија

Измените на изборните правила се брутален напад врз демократијата, смета Демократскиот сојуз

Објавено пред

Демократскиот сојуз оценува дека предлог измените на Изборниот законик доставени до Собранието по скратена постапка, се спротивни на демократските стандарди и правила и со нив загрозени се темелните Уставни вредности.

Иако како главна причина за промени на изборните правила се наведуваат препораките на ОБСЕ и ОДИХР, со самиот факт дека измените на Изборниот законик се носат два месеца пред одржувањето на локалните избори, флагрантно се кршат токму препораките на ОБСЕ и ОДИХР за забрана за измени на изборните правила шест месеци пред избори, забележуваат од оваа партија.

Демократскиот сојуз потсетува дека промената на изборните правила во демократските земји вообичаено е процес кој вклучува широка јавна расправа, со учество на експерти, невладини организации и најширок можен консензус на политичките партии. Во случајов четирите најголеми парламентарни партии од власта и од опозицијата, од македонскиот и од албанскиот табор, на средби затворени за јавноста се договориле да скројат измени на изборните правила кои сериозно ја ограничуваат можноста на граѓаните за избор на најдобрите кандидати и оневозможуваат рамноправен политички натпревар и учество на изборите на помалите политички партии, вонпарламентарните партии и граѓанските листи.

Од партијата сметаат дека предложениот цензус од 3 отсто гласови од запишаните избирачи кои треба да ги освои еден кандидат за да може да биде избран независно од местото на кандидатската листа, е срамна опструкција на идејата за отворени листи.

„Доколку се усвои овој предлог, тоа директно ќе го спречи изборот на подобрите и поквалитетни кандидати за советници, што всушност е и смислата на концептот за отворени листи. Ваквиот предлог исто така е насочен да ја зацврсти партиската диктатура кај доминантните политички партии и да ги елиминира кандидатите од помалите политички партии кои настапуваат во коалиција со поголемите“, потенцираат од оваа партија.

Демократскиот сојуз смета дека е скандалозен и предлогот за определување цензус од 2 отсто собрани потписи од запишаните избирачи како услов за пријавување на независни кандидатски листи, што има за цел да ги елиминира граѓанските листи и да обезбеди чист терен за големите политички партии од власта и опозицијата.

На тој начин, според нив, се уништува благородната демократска идеја граѓаните директно да учествуваат во кроењето на општинските совети и креирањето политики на локално ниво.

Демократскиот сојуз исто така оценува дека предлогот за поделба на медиумското време во изборната кампања – од вкупно 9 минути платена политичка програма на 1 час емитувана програма на ТВ и радио – предлог измените предвидуваат 4 минути за парламентарните партии од власта, 4 минути за оние од опозицијата и само 1 минута вкупно за сите други помали парламентарни и вонпарламентарни партии, е натамошен жесток удар врз можноста за рамноправно политичко претставување пред граѓаните што, пак, е услов за одржување фер и демократски избори.

„Со предлог измените се ограничува и можноста помалите политички партии да трошат и сопствени пари за политичко рекламирање на социјалните мрежи.
Од вкупно 8000 евра колку што предвидува законот за дневно трошење пари на сите партии за рекламни објави на социјалните мрежи, четирите големи партии заедно може да потрошат 7200 евра, а сите други помали партии 800 евра вкупно!“, реагира партијата на Трајанов.

Поради сето ова, Демократскиот сојуз ги повикува најголемите партии од власта и опозицијата односно пратениците предлагачи веднаш да ги повлечат предлог измените на Изборниот законик од парламентарна процедура, локалните избори да се организираат со стариот закон, а по изборите да се отвори јавна расправа и да се усвојат измени на изборните правила со најширок партиски и граѓански консензус.

„Инаку многу е дискутабилна улогатата на министерот за правда кој се шета низ Парламентот во улога на “РЕВИЗОР”,инаку подготвувач и неформален предлагач на законот“, забележуваат од Демократскиот сојуз.

Прикажи повеќе...

Најново

Македонија2 часа

„Водовод“ и „Комунална хигиена“ испратија цистерни за гаснење на пожарот во Кочани

ЈП Водовод и канализација – Скопје и ЈП Комунална Хигиена – Скопје на барање и во координација со Град Скопје...

Македонија2 часа

Пендаровски: Хеликоптерите не можат да летаат ноќе

Претседателот на државата Стево Пендаровски вечерва на Фејсбук напиша дека хеликоптерите на армијата немаат технички можности за ноќно летање. „...

Македонија3 часа

Десетина луѓе во Кочани побарале лекарска помош

Кочанчани очајно се борат со огнената стихија, која проголта куќи и други објекти. Според информациите, десетина граѓани побарале помош, откако...

Македонија4 часа

15 пожарникари и 3 возила од Скопје ќе помагаат во гаснењето на пожарот во Кочани

Градоначалникот на Скопје Петре Шилегов вели дека во моментов 3 екипи од Противпожарната бригада на Град Скопје (15 пожарникари и...

Македонија5 часа

(Видео) Пожар се шири во Кочани, жителите во паника бараат помош

Огромен пожар се шири во кочанско Белско маало и местото викано Драчевник. Зафатени се шуми, но и бандери. Жителите бараат...

Спорт7 часа

Полска ѝ даде азил на белоруската атлетичарка

Драматичниот случај на белоруската атлетичарка Кристина Циманускаја најверојатно е пред решение откако Полска и понуди хуманитарна виза, односно и одобри...

Македонија10 часа

Во Македонија 54 нови случаи на коронавирус, почина едно лице

Во последните 24 часа во Македонија се потврдени 54 нови случаи на коронавирус, а едно лице почина, соопшти Министерството за...

Топ11 час

Товарен воз удри во мигрант кај Неготино

Товарен воз удри во мигрант кај Неготино. Според информациите на полицијата, мигрантот со тешки повреди е пренесен во болница. Несреќата...

Македонија12 часа

(Видео) Заев: Да престанеме да се биеме в гради за тоа кој е поголем патриот

Да престанеме да се биеме в гради за тоа кој е поголем патриот заради партиските интереси и заради повеќе гласови...

Македонија12 часа

(Видео) Мицкоски: Илинден обедини генерации Македонци за слобода

Илинден обедини генерации Македонци за слобода, испраќам апел за обединување против Заев и рушење на најлошата власт до сега, рече...

Свет13 часа

(Видео) Туристи во Бодрум со чамци бегаат од пожарите, Ердоган призна дека земјата нема канадери

На југот на Турција, како и на други места во Средоземното Море, со денови беснеат огромни пожари. По петдневните пожари...

Свет14 часа

(Видео) Еден починат и 600 уапсени на протестот во Берлин против корона-мерките

Полицијата во Берлин објави дека 49-годишен маж починал откако полицијата го уапсила за време на протестот против мерките во борбата...

Македонија1 ден

Земјотрес почувствуван во Скопје

Земјотрес е почувствуван вечерва во Скопје. „Сеизмолошката опсерваторија при Природно-математичкиот факултет во Скопје вечерва во 23 часот и 07 минути,...

Спорт1 ден

Надал: Ѓоковиќ може до гренд слемот оваа година

Рафаел Надал се подготвува за својот прв настап на Сити опен во Вашингтон, каде што ќе стави крај на подолгата...

Македонија1 ден

Заев: Очекувам на „Отворен Балкан“ наскоро да се приклучат и Приштина, Сараево и Подгорица

Балканот повеќе не е темпирана бомба, туку симбол на пријателство, а регионалната иницијатива „Отворен Балкан” создава многу можности за подобар...

Спорт1 ден

(Видео) Скандал во Токио – белоруска олимпијка не сака да се врати дома, бара азил

Белоруската спринтерка Кристина Тимановскаја го повика Меѓународниот олимписки комитет (МОК) да се вклучи во нејзиниот случај. Таа изјави дека била...

Македонија1 ден

Во Македонија 72 нови случаи на коронавирус, нема починати

Во последните 24 часа во Македонија се потврдени 72 нови случаи на коронавирус, нема починати, соопшти Министерството за здравство. Направени е...

Регион1 ден

Четиригодишно девојче починало откако со часови било затворено во автомобил во БиХ

Четиригодишно девојче е пронајдено мртво во автомобил во двор на семејна куќа во БиХ. Според медиумите, причината за смртта била...

Македонија1 ден

Пендаровски непријатно изненаден од квалификацијата на Мицкоски за утрешното чествување на Илинден

Претседателот Пендаровски е крајно непријатно изненаден од квалификацијата на Мицкоски, според која, утрешното чествување на најголемиот македонски празник – Илинден,...

Македонија1 ден

(Видео) Мицкоски: Нема да бидеме дел од циркускиот церемонијал на Пендаровски

Делегација на ВМРО-ДПМНЕ нема да биде дел од циркускиот церемонијал предводен од претседателот Стево Пендаровски, рече денеска претседателот на ВМРО-ДПМНЕ...

Досие