Контакт

Соопштенија

СДСМ: ВМРО-ДПМНЕ создаде и остави огромни долгови, сега економијата се движи во добар правец

Објавено пред

Нема поголемо лицемерство од тоа ВМРО-ДПМНЕ, партијата што јавниот долг за неколку години го зголеми двојно и создаде колапс во економијата, денес да зборува за економија и задолжувања, порача СДСМ.

„За разлика од расипничкото владеење на ВМРО-ДПМНЕ кога парите од скапите и неконтролирани задолжувања се трошеа за криминални тендери, барок и споменици, денес преку одговорните политики на Владата долгот е стабилизиран и ставен под контрола, а економијата оди во нагорна линија.

Фреквенцијата на задолжувања е намалена, намалени се и каматните стапки и одговорно се сервисираат долговите направени токму од ВМРО-ДПМНЕ.

Со домаќинските и одговорни политики на Владата предводена од СДСМ, денес имаме раст на минималната плата на 12.507 денари, со тенденција за нејзино покачување на 13.000 денари. Раст на просечната плата за 4,5 отсто повеќе во споредба со 2018 година со крајна цел таа до крајот на 2020 година да изнесува 500 евра или 30.000 денари.

2018 е година на рекорден износ на странски инвестиции од 624,5 милиони евра. Во првиот квартал од 2019 забележан е и раст на извозот од 7,7 отсто и раст на индустриското производство од 8,8 отсто.

Сите овие параметри потврдуваат дека економијата се движи во добар правец, а земјата бележи економски раст  и напредок.

Владата предводена од СДСМ останува посветена на мерките што обезбедуваат интензивирање на економскиот раст, нови работни места и подобар животен стандард за сите граѓани“, додаваат од владејачката партија.

Соопштенија

Грчева: Уценетите „бизнисмени“ да не се прикажуваат како жртви, а украдените пари да се вратат во буџетот

Објавено пред

Најновата мега афера со рекет во кој се вклучени медиумски тајкуни, јавни личности, пратеници од владејачкото мнозинство, а постојат индиции дека СЈО е институцијата која ги давала материјалите за остварување на сопствена корист, е дефинитивно дното кое го достигна оваа власт. Никакви одбрани од новинари блиски до власта, кои сега Заев го прават борец против корупцијата, веќе не фаќаат корен. Јавноста едноставно е свесна дека корупцијата е длабоко навлезена во највисоките ешалони на власта, порача Солза Грчева.

„Ваквото СЈО, на чие чело до вчера беше Катица Јанева, за која постојат сомневања дека е директен учесник во рекетот на ‘бизнисмени’, е сосема компромитирано и како такво не смее повеќе да фрла прашина дека работи на исправање на неправдата. Тоа обвинителство се зафаќаше со неважни предмети, делеше притвори од ракав и со леснотија ги укинуваше на одбрани луѓе. Впрочем, тоа е истото обвинителство кое молчеше кога пред очите им се случуваше непотизам во самата институција. Се вработуваа внуци, пријатели, синови и ќерки на ‘наши луѓе’. Предметите и материјалите мораат да бидат веднаш предадени во редовното ЈО.

Предупредуваме, сега одеднаш и преку ноќ, уценетите ‘бизнисмени’ да не се прикажуваат како жртви. Да, тие биле жртви на рекет, но постапките против нивните незаконски активности мораат да продолжат. Украдените пари, ако тоа се докаже, мораат да завршат во буџетот“, истакна Грчева.

Глас за Македонија бара итно воспоставување на правна држава, а сите инволвирани во овој случај неселективно да завршат со судски пресуди. За ваква мега афера, додаде Грчева, најсоодветно е целата Влада да си даде оставка и да се распишат итно предвремени парламентарни избори.

За ова што сега им се случува, не постојат олеснителни околности. Точно поради овој висок тип корупција, ЕУ нема да ни додели датум за преговори. Од Европска Македонија, остана само Искрадена Македонија!, оценува Грчева.

Прикажи повеќе...

Соопштенија

НСДП: Недозволиво е за клучни политички теми да се одлучува на затворени средби на партиски лидери

Објавено пред

Во однос на најавената и одложена лидерска средба на најголемите политичи партии во земјата, Нова социјалдемократска партија (НСДП) смета дека продолжувањето на праксата за клучните политички теми да се разговара и одлучува на затворени средби на партиски лидери, надвор од институциите на системот и далеку од очите на јавноста не е во духот на европските вредности.

„Ако се земат предвид и темите што беа најавени, како што се судбината на СЈО, Изборниот законик и пописот, а кои имаат суштествено значење за понатамошните евроинтегративни процеси на земјата и оценките на Брисел за капацитетот на институциите на системот, тогаш одржувањето ваков тип средби е своевидно политичко харакири пред портите на ЕУ“, се наведува во партиското соопштение.

Од НСДП го коментираат и однесувањето на Христијан Мицковски како претседател на најголемата опозициска партија.

„Тој останува длабоко во сенка на своите ментори, кои десет години ја пустошеа државата и го доведоа во прашање кредибилитетот на институциите. Не смее да се дозволи, поради неговото отсуство од Собранието, да се задоволува желбата политичките процеси да се дефинираат и водат надвор од законодавниот дом и на тој начин да се руинира кредибилитетот на државата и нејзините капацитети да се справува со проблемите пред кои се исправени граѓаните“, сметаат од партијата.

На крајот, од таму апелираат до лидерите на најголемите политички партии да покажат политичка зрелост и да ја напуштат воспоставената пракса за теми од национален интерес да разговараат и одлучувааат на средби што немаат заснованост на темелните политички принципи содржани во Уставот на државата.

Прикажи повеќе...

Соопштенија

(Видео) Манасиевски: Јанева за неполни четири години има земено приближно 150.000 евра

Објавено пред

Катица Јанева за неполни четири години од раководењето со СЈО има земено приближно 150.000 евра од парите на граѓаните како плата, рече Валентин Манасиевски од ВМРО-ДПМНЕ.

„Повеќето од граѓаните толку пари немаат видено за целиот свој живот, но и тоа е малку за ликови како Јанева, па истите тие се инволвирани во рекетарски скандали со функционери и јавни личности од СДСМ. Катица Јанева исчезна. Ни за 150.000 евра не чувствува одговорност пред медиумите и граѓаните. Си отворила боледување, а се пишува дека заминала од Македонија“, рече тој.

Тој ѝ остави чанта со лажни пари на Јанева пред вратата на СЈО.

„За нејзино што побрзо враќање и оздравување, во име на граѓаните, на Катица Јанева ѝ оставаме чанта од Луј Витон. Не е баш оригинал какви што си купува нејзиниот пријател Боки 13, но се наоѓа на пазарите во Македонија. Прочитавме дека нејзините драги лица ги обожаваат овие чанти, а особено кога се наполнети со милиони евра. Се надеваме дека таа ќе побрза да дојде да си го подигне подарокот. Патем, чантата не тежи многу и во неа нема пари, туку само парчиња безвредна хартија со ликови на оние за кои се зборува дека се вмешани во рекетот“, рече тој.

Прикажи повеќе...

Најново

Регион11 час

(Видео) Косовскиот премиер Харадинај поднесе оставка

Косовскиот премиер Рамуш Харадинај поднесе неотповиклива оставка на местото претседател на Владата на Косово, откако беше повикан да даде исказ...

Македонија12 часа

Мицкоски на состанок со Беса: „Ја договоривме заедничката борба против актуелната власт“

Претседателот на ВМРО-ДПМНЕ, Христијан Мицкоски, заедно со генералниот секретар Игор Јанушев оствари средба со претседателот на Движењето Беса, Биљал Касами,...

Македонија13 часа

(Видео) За премиерот Заев, Кики и Фрики не постојат

Кики и Фрики за мене не постојат, објавете ги со име за да може да ве тужат, рече премиерот Заев...

Македонија13 часа

Власта предлага СЈО да се интегрира во Обвинителството за гонење организиран криминал и да го води Русковска

Владата ќе достави нов предлог-закон за Јавното обвинителство според кој специјалното јавно обвинителство ќе се интегрира во Обвинителството за гонење...

Македонија13 часа

(Видео) Просветниот инспекторат има 7 дена да одлучи за дисциплинската мерка за инспекторот Илиевски

Дисциплинската комисија му предложи на директорот на Држaвниот просветен инспекторат да одлучи во рок од 7 дена дали ќе го...

Македонија16 часа

Градоначалникот на Струга се откажа од ингеренциите за издавање дозволи за градба

Градоначалникот на општина Струга, Рамиз Мерко, ѝ ги отстапи на Владата ингеренциите во делот на издавање дозволи за градба, легализација...

Македонија17 часа

Владата: Откажана лидерската средба, не прифаќаме ултиматуми од Мицкоски

Лидерската средба што беше планирана за денеска, дефинитивно, нема да се одржи. Од Владата велат дека причината за откажување на...

Македонија17 часа

Новинарите избркани од зградата на Државниот просветен инспекторат

Половина час по почнувањето на седницата на дисциплинската комисија во Државниот просветен инспекторат, на која се расправа за постапката на...

Македонија19 часа

Северна Македонија и Јужна Кореја воспоставија дипломатски односи

Јужна Кореја официјално воспостави дипломатски односи со Северна Македонија, објави Министерството за надворешни работи во Сеул, пренесе новинската агенција „Јонхап“....

Свет19 часа

Осомничениот го запалил студиото за анимација во Кјото зашто му украле идеја

Четириесет и едногодишниот маж, кој е осомничен дека го подметнал пожарот во студиото за анимација во Кјото, Јапонија, во кој...

Спорт20 часа

Кога Вимблдон зависи од деца

Тие се во сенка, иако стојат на сонце. Тие се незабележливи, иако ги гледате на ТВ екранот како ви претрчуваат....

Македонија1 ден

Николовски по состанокот на СДСМ: Последните настани покажаа одлучна борба против криминалот и корупцијата

Заврши состанокот на Централниот одбор на СДСМ на кој во проширен состав, во присуство на повеќе градоначалници, министри, заменици и...

Свет1 ден

Во Мароко изречени смртни казни за убиството на скандинавските туристки, обезглавени во име на Исламска држава

Судот за борба против тероризам во мароканскиот главен град, Рабат, изрече смртни казни за три лица поради убиството на две...

Свет1 ден

Хаос во поплавените области во Индија, тигри влегуваат во семејни домови

Најмалку 40 села во северниот дел на Бангладеш се поплавени откако синоќа од коритото се излеа една од најголемите реки...

Топ1 ден

Тетовец со „голф“ влетал во десетмина пешаци, еден од нив тешко повреден

На локалниот пат село Горно Орашје – Тетово, во попладневните часови на 17 јули се случил посериозен сообраќаен инцидент во...

Регион2 дена

Дојавата за бомба на аеродромот во Белград е лажна

Министерството за внатрешни работи на Србија потврди дека дојавата за бомба во авионот на „Луфтханза“ на аеродромот „Никола Тесла“ во...

Македонија2 дена

Активистката Моника Ристеска осудена на една година затвор

Активистката за легализирање на марихуаната, Моника Ристеска, е осудена на една година затвор. Таа е осудена за неовластено производство и...

Македонија2 дена

ЗНМ: Случајот со „1ТВ“ е последен аларм за итни медиумски реформи

Последните случувања со приведувањето на Бојан Јовановски, менаџер во кабелската телевизија „1ТВ“, отвора сомнеж за сериозна злоупотреба на медиумите на...

Свет2 дена

(Видео) Бројот на жртви во пожарот во студиото за анимација во Јапонија се искачи на 23

Бројот на жртви во подметнатиот пожар во познатото јапонско студио за анимација во Кјото порасна на 23, објави Би-би-си. Постои...

Македонија2 дена

Панчевски: Утрово ме избркаа како партал од канцеларија

Поранешниот претседател на кривичниот суд, Владимир Панчевски, објави на „Фејсбук“ дека утринава бил, како што наведува, избркан како партал од...

Досие