СДСМ: Мицкоски и врвот на ВМРО-ДПМНЕ се остаток од режимот

Мицкоски и врвот на ВМРО-ДПМНЕ се остаток од режимот и затоа го бранат криминалот на Груевски, никој не е над законите, правда мора да има има, реагираат од СДСМ на прес-конеференцијата на Наум Стоилковски од ВМРО-ДПМНЕ, кој обвини дека правосудниот систем работи по системот Заев – живи луѓе ќе јадеме.

„Антизападното раководство на ВМРО-ДПМНЕ и пионот Мицкоски се остаток на темното минато на режимот и затоа се посветени на одбрана на криминалот на Груевски. Колку и да не му се допаѓа тоа на антидржавното раководство на ВМРО-ДПМНЕ, предводено од пионот Мицкоски, во Македонија, конечно, функционираат правото и правната држава, судството е ослободено од политички притисоци и законите важат за сите еднакво. Македонија денес е правна држава и секој за кој низ судска постапка се докажало дека го прекршил законот и за тоа постои и правосилна судска пресуда мора да понесе одговорност. Правда мора да има“, велат од СДСМ.