Парламентарното мнозинство усвои важни закони од 32. седница на Собранието додека пратенциите од опозицијата беа надвор од салата трошејќи ги парите од граѓаните, велат од СДСМ.

„На 32. Седница на Собранието на Република Северна Македонија, парламентарното мнозинстви усвои важни закони за граѓаните и државата. Се усвои Националната стратегија за спречување на корупција и судир на интереси 2021-2025 година, што претставува важен документ во борбата против високата корупција. Другите закони се усогласувања со законот за прекршоци, каде се намалуваат глобите што е пак интерес на граѓаните. Дел од 32.седница на Собранието се и измените на Законот за јавни набавки со што се олеснува набавката на вакцини против коронавирусот“, соопшти СДСМ.

Додека пратениците од парламентарното мнозинство беа на своите работни места и ги носеа законите, додаваат од таму, пратениците на опозицијата предводена од ВМРО-ДПМНЕ беа надвор од салата трошејќи ги платите и парите за патни трошоци што граѓаните преку Буџетот им ги обезбедуваат.

„Тоа е потврда за неодговорно, ненародно и деструктивно однесување на опозицијата. Несериозно е постапувањето на пратениците на ВМРО-ДПМНЕ, одбирајќи на која седница ќе присуствуваат а на која не, пратениците на не се платени само за 36 седница, тие треба да се присутни на сите седници, затоа примаат плата од граѓаните. Токму таквото нивно однесување им донесе шест порази од граѓаните и токкму таквиот однос ќе им донесе нов пораз на локалните избори наесен. Граѓаните не дозволуваат и нема да дозволат кој било да работи против нивните интереси, а најмалку пратениците кои имаат должност да работат за граѓаните и државата“, се наведува во соопштението.

Во времето на ВМРО-ДПМНЕ, Викторија Аврамовска Мадиќ не била секретар на град Скопје и не постоел судир на интереси за „Армор плус“, чиј сопственик е нејзиниот зет, соопшти ВМРО-ДПМНЕ.

„ Дали и колку од овие пари завршиле кај новиот „Рашковски“ – Аврамовска Мадиќ и „Тендер Шилегов“?

Учеството на тендери на град Скопје и нивно добивање од страна на „Армор плус“ во период додека Аврамовска Мадиќ е секретар на градот е класичен судир на интереси и фрла сомнеж за можна корупција.

Потребно е или Аврамовска Мадиќ да си поднесе оставка од позицијата или „Армор плус“ да не конкурира на тендери распишани од градот Скопје и неговите претпријатија, врз кои Аврамовска Мадиќ, како секретар на градот има влијание и моќ“ соопшти партијата.

Оттаму ја повикуваат ДКСК да го испита случајот со добивањето тендери од страна на „Армор плус“ додека секретар на градот е Аврамовска Мадиќ.

„Одговорност мора да има. Никој не смее да е заштитен пред законите“ се додава во соопштението.

Мрзеливиот Петре Шилегов да не се крие и да излезе да го каже својот став во врска со висококатниците спроти хотелот Холидеј Ин, велат од Советничката група на ВМРО-ДПМНЕ во Град Скопје.

„ Целата јавност се крена по прашањето на бетонските градби кои треба да никнат во центарот на Скопје, а градоначалникот на градот нема став, и се надева дека никој нема да го праша.

Ветуваа стоп за бетонизација, ронеше крокодилски солзи во опозиција, а сега молчи за високактниците кај Холидеј Ин. Нели СДСМ и мрзеливиот Шилегов ќе ја спречуваа бетонизацијата на Скопје и неконтролираното градење без запазување и заштитување на животната средина?

Дали мрзеливиот Петре Шилегов, градоначалник на Скопје, е за изградбата на бетонските висококатници спроти Холидеј Ин или е против?

Кој е ставот на Шилегов? Дали молчењето на Шилегов скопјани треба да го сфатат како одобрување за бетонските висококатници спроти Холидеј Ин?

Доколку мрзеливиот Шилегов е за изградба на висококатниците чесно е да го каже својот став. Скопјани заслужуваат да знаат“ додаваат од Советничката група на ВМРО-ДПМНЕ.