Цените во продавница ќе растат и за 50%, горивата ќе надминат 80 денари за литар, а Заев вели тоа е најдоброто, соопшти ВМРО-ДПМНЕ.

„ Од лани до сега цените на млекото, месото, маслото, брашното и другите основни намирници во малопродажба се покачени и до 20%. Животот е поскап, а стандардот ист, дури и тоне.

Заев не успеа да се справи со ниту една криза. 60.000 луѓе останаа без работа, 5.600 фирми ставија клуч на врата, а Заев потроши 1 милијарда тврдејќи дека ќе им помогне, а не помогна ништо.

Долгот е толку голем што веќе станува прескап секој нов кредит. Заев ја втурна државата во должничка спирала, придружена со инфлаторен вортекс кој голта сè пред себе.

Заев нема план како да ја избегне кризата која сам ја предизвика. 5 години имаме раст на економијата нешто над 1%, буквално сè тапка во место, 5 години нема инвестиции, 5 години стагнација, затоа треба да си замине и да ги остави институциите на оние што знаат да ја стават државата на вистински колосек“, се наведува во партиското соопштение.

ВМРО-ДПМНЕ и народот го победија СДСМ на овие избори со над 55 илјади гласови разлика. Откако неуспешно велеа дека се најдобри, денес од СДСМ велат  дека ќе донесат прогрес. По 5 години власт нивниот прогрес е прогрес на криминалот, корупцијата, прогрес на инфлацијата и цените во маркетите, прогрес на трошоците за живот, се огласија преку писмено соопштение од страна на опозициската ВМРО-ДПМНЕ.

„Прогрес на аферите и скандалите, на неказнетиот криминал, на неуспесите во здравството, ковид-жртвите, експериментите во образованието. Прогрес на нивниот личен имот и лични удобства, за сметка на сиромаштијата кај народот. Нивниот прогрес е регрес за народот и земјата. Со СДСМ може да има само прогрес на криминал, корупција и матни тендери. Прогрес во изминативе 5 години со Заев видовме само во плантажите со марихуана на Заеви и ним блиските фирми. Прогрес имаме на криминалци фатени инфлагранти како вршат кривично дело и наместо во затвор завршуваат на слобода или во домашен притвор, како Рашковски, Чипсио, Ден Дончев“, е потенцирано во писмениот допис од оваа партија.

Додаваат дека прогрес со СДСМ има во провизиите со вакцини.

„Веќе никој не му верува на Заев па, ниту неговите во партија. Заев изгуби и му се случи дебакл. Заев го очекува дебакл во втор круг и тоа го знае. Народот јасно се определи за промени“, стои во соопштението од партијата на Мицкоски.

Изборите покажаа дека Заев е најлошото за вашата општина, народот одбра иднина, велат од ВМРО-ДПМНЕ.

„Народот на Македонија победи, ја победи неработата, безидејноста и неспособноста на СДСМ. Победија мажите и жените, младите и старите. Победи Македонија. Победи желбата за подобро утре. Се роди нова надеж, надеж за промени, за нова иднина. Народот масовно гласаше против поделбите. Народот избра заедничка иднина. Победа е првиот голем чекор до просперитетна Македонија. Ова е победа на народот и ние нема да го изневериме народот“, велат од партијата.

Од ВМРО-ДПМНЕ велат дека уште од првиот ден како градоначалници и советници луѓето од ВМРО-ДПМНЕ избрани на тие функции целосно ќе се посветат на решавање на проблемите на луѓето.

„Но финалната победа доаѓа по вториот круг. За да се заокружи процесот. Излезете и гласајте масовно за кандидатите на ВМРО-ДПМНЕ и коалицијата. Промените веќе никој не може да ги запре“, велат од ВМРО-ДПМНЕ.