Ништо не го пере ВМРО-ДПМНЕ од фактот дека има неподмирен долг од 400.000 евра за кампањата на Гордана Сиљановска и затворена сметка од која долгот не може да се наплати. Тоа е класично прекршување на изборниот законик за кое одговорност мора да има, соопшти СДСМ.

Наместо да лаже, ВМРО ДПМНЕ треба да размислува за одговорност на поединци во оваа партија за овој нов скандал. Ниту една лага од белиот дворец не може да сокрие дека ВМРО-ДПМНЕ се навикнати да не ги подмируваат своите обврски за време на кампањите.

За разлика од спорните финаниски извештаи на ВМРО-ДПМНЕ со дупки од 3.5 милиони, 400 илјади евра и слични скандали, финансиските извештаи на СДСМ се кристиално чисти, реални и по сите законски норми и прописи. СДСМ нема долг.

Во Финансискиот извештај за кампањата на Стево Пенаровски јасно стои дека наведената разлика е поради неплатени обврски на Државната изборна комисија кон електронски медиуми, за кои, патем, самата ДИК дозволила да вршат медиумско платено покривање на претседателските избори, но потоа не ги потпишала асиганциите за плаќање кон електронските медиуми.

За причините треба да се побара одговор од Државната изборна комисија. Долгот на ВМРО-ДПМНЕ од 400.000 евра со непотпишаните асигнации од ДИК не може да се споредува. Добро е што во ВМРО-ДПМНЕ го разгледувале финансискиот извештај за кампањата на Стево Пендаровски, за да научат што е целосен, прецизен и транспарентен финансиски извештај, навреме затворена сметка согласно законските прописи, за разлика од финансискиот извештај на Сиљановска, кој е доставен на несоодветен образец и не дава реална слика за потрошеното, патем со незаконски долг од 400.000 евра“, велат од партијата.

Според податокот на Државниот завод за статистика, извозот на стоки од Република Северна Македонија, во периодот јануари – октомври 2019 година, бележи пораст за 10.8 % во однос на истиот период од претходната година, истакнуваат од владејачкиот СДСМ.

Од таму велат дека ова покажува оти довербата во нашата економија е вратена, нашето стопанство е развојно и конкурентно на странските пазари.

„Со официјалното членство во НАТО кое е извесно и со приближувањето до ЕУ, дополнително ќе се интензивира растот на извозот, но и позитивно ќе се влијае на отворање нови работни места и зголемено производство“, стои во партиското соопштение.

Во него се додава дека СДСМ ќе продолжи со спроведување мерки и политики кои обезбедуваат раст и развој и поконкурентна економија.

Единствени што бегаат од правдата во оваа држава се од ВМРО-ДПМНЕ, но залудни се сите обиди да се искриви вистината и погрешно да се насочи јавноста, порача Оливер Ристовски, заменик-министер за правда и член на ЦО на СДСМ, на трибината со назив „Правда наместо амнестија“.

Како што рече тој, судовите и Обвинителството не се пречка за постоење и владеење на правдата, туку за тоа се одговорни поединци.

„Не дека сè е идеално, туку има многу работа, правдата е побавна, но ќе дојде“, рече Ристовски.

Според него, за прочистување на судството има доволно механизми во сегашните законски решенија, кои досега не се применувале.

„Државната комисија за спречување корупција најави дека во годишниот план за 2020 година, во првото тримесечје, ќе влезе проверката на судиите и јавните обвинители. Ќе се проверува и оценува постоењето непотизам, начиниот на кој се избрани, знаеме како се избираа во периодот од 2006 до 2016 година“, нагласи Ристовски.

Покрај тоа, како што рече, од страна на УЈП, врз основа на законски основи и механизми, ќе се спроведуваат постапки за потеклото на имотот и примањата на судиите.

Ристовски исто така напомена дека по однос на ова прашање потребни се поголема улога и активност од страна на граѓанскиот сектор.