Соопштенија
Беса: Сè уште нема потврда дека оваа година сигурно ќе добиеме датум за преговори
Северна Македонија, за жал, не успеа да добие датум за почеток на преговорите овој месец, но исто така спорен е фактот дека сè уште нема потврда дека оваа година сигурно ќе го добиеме датумот за почеток на преговорите, велат од Беса. Партијата апелира дека во следниот период Владата и сите други институции да се посветат максимално и да работат на долгоочекуваните реформи, а особено во делот на забелешките од извештајот на Европската комисија.
„Судскиот систем во Северна Македонија е нефункционален, крајно партиски и, генерално, политизиран. Дури и денес судските постапки во речиси сите судски случаи се решаваат преку партиски компромиси кои имале и имаат влијание врз судството. Ако до 2016 година имавме судии на тефтерчиња, денес имаме судови на партиски коалиции. Сведоци сме дека германскиот Бундестаг и холандскиот парламент, како и многу амбасадори на земји со големо влијание врз одлучувањето во ЕУ, го условија евентуалниот датум со законот за специјално јавно обвинителство како институција што треба да се бори против криминалот и корупцијата во рамките на институциите направени во минатото, но и во иднина. Со други зборови, може да назначиме дека овие важни земји ѝ рекоа на Северна Македонија дека сè уште не расчистила со криминалот од поранешниот режим, има развлекување на судските маратонски процеси, кои останаа без епилог“, изјави Кастриот Реџепи, потпретседател на Беса.
За да биде уште полошо, велат од таму, дел од поранешниот режим денес е дел од оваа Влада, која дури и не заврши вистинска истрага, особено од доказите што произлегуваат од снимениот материјал.
„Затоа, Движењето Беса бара да биде вклучена во изготвувањето на законот за специјалното јавно обвинителство предлагајќи да нема рокови за поднесување обвиненија или поведување истраги, како и сите прислушувања поврзани со злоупотреба на службената положба, штета на државниот буџет, да бидат како доказ во сите фази од истрагата, без ограничување. Кој било друг обид да се ограничи работата на специјалното јавното обвинителство ќе биде доказ дека некој се обидува да го скрие криминалот, а тоа не само што ќе влијае негативно на нашите европски партнери туку може да биде и едно од клучните прашања за одолжување на приемот на датумот за почеток на преговорите со Европската Унија“, рече Реџепи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Нова акција на „Спорт лајф“ – „Кој е твојот среќен тип?“
Во обложувалниците на „Sport Life“, во тек е акцијата „Кој е твојот среќен тип?“. Среќната игра ќе им донесе на обложувачите на Sport Life, многу „седумки“: главна премија од 777.000 денари и по 7 (седум) вредносни ваучери од 500 денари за секој од победниците во поединечните етапи на акцијата.
Среќата треба да ја бараат во онаа игра со која ќе успеат да погодат тикет со најголем број натпревари со исто типување. Соодветно на тоа, играчите ќе се рангираат и на генерално ниво, до крајот на играта, и на седумдневно – етапно ниво.
Акцијата се однесува само за несистемските тикети, со погодени минимум шест натпревари со ист тип, со минимална квота од 1,50 по пар. Исто така, во пресметката за бодување и рангирање на тикетот влегуваат и натпреварите од понудата „Супер тип“ и натпреварите од понудата за обложување во живо.
Акцијата ќе трае до 25-ти април и важи за членовите на СЛ клубот со приложување на СЛ клуб картичката.
Сите информации за играта и тековното рангирање за генералниот и етапен пласман се објавени на вебстраницата на Sport Life и на официјалните канали на социјалните мрежи.
ПР текст
Соопштенија
Праизведба на претставата „Хенгинг Араунд“
Во Македонскиот народен театар, на 19 април, со почеток во 20 часот, ќе се одржи праизведбата на претставата „Хенгинг Араунд“ во режија и адаптација на Бојан Трифуновски, по текст на Љупчо Јованов.
Главните ликови 0 (Хенгинг) и 1 (Араунд) во оваа приказна се изгубени во светот на бајките и не се знае како влегле во овој свет, но главна цел им е да се вратат во реалноста, во нивните топли огништа. Можеби се Дисмас и Гестас, но пред да ги распнат можеби некако им избегале на Римјаните и продолжиле да го живеат својот динамичен живот, овој пат празен и лишен од средба со Спасителот. Можеби патем решиле да се смират, да создадат семејство со единствена цел – да умрат во длабока старост почитувани од пријателите и саканите и жалени од најблиските. Дали нивниот карактер, судбина, ги натерала повторно да си ја пробаат среќата и да почнат нова авантура, да влезат во нова приказна…
Целото дејство се случува во светот на бајките, а местото и времето се ирелевантни.
Во претставата играат: Сашко Коцев, Александар Михајловски, Стефан Спасов, Гораст Цветковски, Борче Начев, Ана Стојановска, Софија Насевска-Трифуновска и Нела Павловска.
Соопштенија
Претставен новиот атрактивен визуелен идентитет на автентичниот бренд Luda Mara
Со слоганот „Гледај го светот во очи“, винарската визба „Тиквеш“ го претстави комплетниот редизајн на брендот „Luda Mara“, именуван според името на реката што поминува низ Кавадарци. Таа со својата уникатна природа и бројните приказни и митови поврзани со неа, по многу нешта потсетува на автентичниот карактер на овие вина.
Под овој вински бренд ќе се задржат омилените вина од оваа линија произведени од локални сорти темјаника и вранец и тие ќе бидат надополнети со две уникатни купажи – „Luda Mara White Cuvée“ и „Luda Mara Red Cuvée“.
Приказната за вината под брендот „Luda Mara“ се темели на истоимената река која има симболично, но и суштинско влијание врз создавањето на виното и винската култура во кавадаречко. Низ историјата, таа со своите излевања ја збогатувала почвата каде се одгледува грозјето, со што го поддржувала и обликувала уникатниот карактер на вината што се произведуваат од неа, но истовремено носела и големи предизвици тестирајќи ја издржливоста на локалните жители и она што тие требало да го направат за да постигнат хармонија со нејзиниот ритам.
Окото како основен креативен елемент на брендот „Luda Mara” претставува повик похрабро да гледа на животот, да се биде отворен за нови можности и доживувања и меѓу другото да се открие вистинската суштина на „Luda Mara”.
„,Тиквеш’ останува посветен на градењето моќни вински брендови, кои ќе бидат прв избор на потрошувачите. Сигурни сме дека брендот „Luda Mara“ и вината кои се дел од него, со својот вкус и изглед, ќе предизвикаат интерес кај љубителите на добро вино и ќе ги заинтригираат. Со своите уникатни карактеристики овие вина се одговор на пазарните трендови и барањата на оние потрошувачи кои се во потрага по автентични вина кои се одлика на локалното поднебје од каде потекнуваат и со кое се поврзуваат, заедно креирајќи една совршена и возбудлива винска приказна“, истакнуваат од „Тиквеш“, објаснувајќи ги вредностите на винскиот бренд „Luda Mara”.
Освежувањето на оваа популарна винска линија, опфаќа целосен редизајн на визуелниот изглед на вината, со употреба на поексклузивна амбалажа, како и етикета со впечатлив дизајн што ја отсликува суштината на брендот „Luda Mara” и ја истакнува автентичноста на вината што го сочинуваат, цврсто воспоставувајќи ги на постојните и на новите пазари.
Четирите вина кои отсега ќе го сочинуваат брендот „Luda Mara“ од почетокот на април се веќе достапни на пазарот.
ПР текст