Соопштенија
(Видео) Попова: Шилегов ја продава Градската куќа
Иако пред некој ден негираше дека ќе се продава Градската куќа, денеска градоначалникот на Скопје, Петре Шилегов, предлага продавање на новоизградената градска куќа, изјави Ирена Попова, советник во Советот на Град Скопје од ВМРО-ДПМНЕ.
„Пред неполна недела тој на новинарско прашање по претходно тврдење на советничката група на ВМРО-ДПМНЕ дека ќе се продаде градската куќа, негираше дека тоа е точно. Шилегов изјави ‘Јас лично не гледам и не препознавам во изминативе две години дека опозицијата креира каква било политика за градот, таквите работи за луѓе кои немаат политика не треба сериозно да ги сфаќате’. Денес како итна точка на дневен ред Шилегов предлага продавање на новоизградената градска куќа. Дополнително се предложија уште 8 дополнителни точки без причина за нивна итност. Поголемиот дел дополнителни точки се за вработувања покрај постојните 186 за кои требаше да одлучува советот“, рече Попова.
Значи, додаде таа, наместо да гради, Шилегов продава.
„Неразбирлива и незаконита е итноста на потребата да се носи ваквата одлука и потребата да се лаже јавноста, освен ако нема силен бизнис-интерес за тоа. Притоа Шилегов не даде никакво образложение за причините за продажбата. Советничката група на ВМРО ДПМНЕ и Коалицијата „За подобра Македонија“, заедно со целокупната опозиција донесе одлука да ја напушти расправата на седницата на Советот и да не го легитимира бонбона-бизнисот на Шилегов“, рече Попова.
Таа истакна дека Шилегов потребно е да одговори зошто ја лажеше јавноста дека нема да ја отуѓува градската куќа, зошто полутајно на шверцерски начин преку злоупотреба на процедури продава новоизградена зграда, кои се мотивите за продажба на градската куќа и најважното дали однапред се знае кој ќе ја купи оваа куќа.
Попова прашува и дали е вистина дека зад вакво отуѓување стои нова бонбона-бизнис при што ќе ја отуѓи новата градба која беше наменета за градска куќа, и тоа за возврат на неколку децении стара градба и дали зад ваквата бизнис-зделка стојат и приватни и лични интереси, со други зборови дали Шилегов принципот „евро за евро“ од Струмица го презема и унапредува среде Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
„Прилепска пиварница“ одбележува 100 години постоење
Прилепска Пиварница, еден од лидерите во индустријата, со гордост ја објавува и ја прославува својата 100-годишнина. Веќе еден век Прилепска Пиварница е во првите редови на иновациите, поставувајќи стандарди, обезбедувајќи исклучителни производи за нашите ценети клиенти.
Од нашето основање во далечната 1924 година, Прилепска Пиварница континуирано се развива и се приспособува за да одговори на променливите потреби на нашите клиенти и на пазарот. Нашата посветеност на извонредност и квалитет на производите и задоволство на клиентите беше движечката сила зад нашиот успех во изминатиот век.
– Кога ќе погледнеме наназад, неизмерно сме благодарни за сето искуство насобрано и преточено во некои од најдобрите производи во регионот, пивата „златен даб“ и „Крали Марко“, „пепси“, „прилепска газоза“ и многу други. Особено ни значи непоколебливата поддршка од нашите лојални клиенти, посветените вработени и доверливите партнери. Нивната доверба и соработка беа клучни во обликувањето на Пиварницата за да прерасне во почитувана и успешна компанија каква што е денес – изјави Сашко Самарџиоски, генерален директор на Прилепска Пиварница.
За да ја одбележи оваа значајна пресвртница, Прилепска Пиварница ќе биде организатор на серија настани и иницијативи во текот на годината за да ја прославиме нашата историја, достигнувањата и луѓето што беа дел од ова патување.
Гледајќи напред, Прилепска Пиварница останува посветена на иновациите, одржливоста и на континуираното вложување во природната средина. Среќни сме и возбудени за можностите и предизвиците што ни претстојат во иднина, со цел да продолжиме да напредуваме и да имаме позитивно влијание.
Со љубов кон традицијата, наздравуваме за иднината!
Сто години постоење е навистина импозантна бројка кога ќе се земат предвид условите во средината, и токму затоа Прилепска Пиварница има за што да биде горда. Наздравуваме за уште долги години успех, заедно со сите вас!
#100ГодиниПрилепскаПиварница
ПР текст
Соопштенија
Mint FG продолжува со градење на инклузивна работна средина: Родовата еднаквост значи еднакви можности за сите
Родовата еднаквост која значи еднакви можности за сите и целосна инклузија во систем каде повеќе од 70% од вработените се жени, е еден од темелните принципи на Mint Fintech Group.
Марјан Вучковиќ, Маркетинг менаџер, учествуваше како панелист на денешната панел дискусија -Мажите во дијалог, кон креирање на (родова) еднаквост во бизнисот, што се одржа во организација на European Bussines Association & Europe House Skopje.
Тој во своето обраќање истакна дека “На еднаквоста мора да работиме сите заедно, државата, бизнис заедницата и граѓанскиот сектор, со цел спроведување на услови за родова еднаквост, а не само декларативна заложба.”
Mint FG продолжува со градење на инклузивна работна средина за сите и пример за останатите бизниси да го следат нашиот пример.
ПР текст
Соопштенија
Гранд ауто тест карван во целата држава
Компанијата ГРАНД АУТО во следните четири саботи ќе ги претстави најновите модели од брендовите MG Motor и Chery во поголемите градови низ државата.
Посетителите ќе може во живо да се запознаат и да ги испробаат автомобилите кои доаѓаат со 7 години гаранција како ZS, HS и електричниот MG4 од брендот MG Motor и FX, Tiggo7 Pro и Tiggo8 Pro од најновиот бренд на нашиот пазар Chery.
Гранд Ауто доаѓа во твојот град!
Ве очекуваме во:
23 март 2024 – Струмица 10:00-16:00
30 март 2024 – Битола 10:00-16:00
6 април 2024 – Кичево 10:00-16:00
13 април 2024 – Охрид 10:00-16:00
Те чекаме на тест возење!
ПР текст