Соопштенија
(Видео) Шахпаска: Со СДСМ, ЕУ и НАТО се реалност, со ВМРО-ДПМНЕ единствена реалност е обнова на режимот и изолација
Пред три години започна пишувањето на новата историја на нашата држава. СДСМ и Владата која ја предводи донесе важни одлуки и презеде храбри чекори, кои со децении наназад никој не се осмели да ги направи. Замрзнати процеси, стоење во место, заглавени во чекалната на НАТО и ЕУ. Режимот правеше се за да ја држи земјата што подалеку од двата најмоќни светски сојузи, истакна Јагода Шахпаска носителка на ИЕ 3 од СДСМ.
„ Пред само три години нашата држава беше во длабока изолација, заробена во режим, скарана со соседите, без никаква евроинтегративна перспектива. Но за луѓе со визија за подобра иднина, со волја за напредок , нема невозможно. После само една година од доаѓањето на власт на СДСМ се решија отворените прашања со нашите соседи и почнавме да градиме мостови на пријателства, на сојузништво.
Денеска сме горда 30 земја членка на НАТО, еднаква со најсилните и најмоќните земји во светот. Веќе никогаш повеќе нема да сме сами и незаштитени. Обезбедивме сигурна иднина за сите нас и за нашите деца. Затоа што, НАТО не е само безбедност и сигурност, НАТО е и нови инвестиции, работни места и повисоки плати. Денеска имаме армија по светски стандарди и пристап до пазар од 4 милијарди евра годишно.
По членството во НАТО подготвени сме и знаеме дека можеме до 2024 да отвориме 80% од поглавјата за интеграција во ЕУ. Од европските фондови обезбедуваме 2,5 милијарди евра за Северна Македонија. Тоа се повеќе пари за справување со корона кризата, за новата македонска економија, за зелена агенда, енергија, конкурентност, капитални инвестиции, земјоделство, канализации, патишта, водовод. Тоа се европски пари за европски стандарди дома.
Наспроти сите наши влогови и успешни резултати, стоеше ВМРО-ДПМНЕ кои освен чувањето на земјата во изолација и под режим, јавно покажаа дека се против тоа земјата да оди напред. Додека Северна Македонија зачекоруваше во НАТО, ВМРО-ДПМНЕ и Мицкоски навиваа тоа да не се случи, а кога формално се случи влезот во НАТО, Мицкоски не смогна сили ниту да аплаудира и да го честита историскиот успех на државата. Тоа е таа деструктивна партија.
Немаше став за ниту едно важно прашањe, бегаше и опструираше секогаш кога се носеа промени важни за иднината на државата и граѓаните. Ништо друго ВМРО-ДПМНЕ не нуди освен обнова на режимот, изолација и продавање на лажен патриотизам, додека парите завршуваат во белиот дворец. И така, од едната страна е членството во НАТО, од другата страна е белата барокна палатa.
Од едната страна се Брисел и преговорите со ЕУ, од другата страна се Хунзите, Белизе и Субрата Роj. Додека СДСМ нуди кадри кои земјата ја однесоа на прав пат, ВМРО-ДПМНЕ ги нуди луѓето на Груевски. Затоа, на 15 јули да продолжиме на прав пат кон ЕУ и НАТО, нема враќање назад во изолацијата и обнова на режимот. Сите ние МОЖЕМЕ повеќе и подобро!“ порача Шахпаска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
„Прилепска пиварница“ одбележува 100 години постоење
Прилепска Пиварница, еден од лидерите во индустријата, со гордост ја објавува и ја прославува својата 100-годишнина. Веќе еден век Прилепска Пиварница е во првите редови на иновациите, поставувајќи стандарди, обезбедувајќи исклучителни производи за нашите ценети клиенти.
Од нашето основање во далечната 1924 година, Прилепска Пиварница континуирано се развива и се приспособува за да одговори на променливите потреби на нашите клиенти и на пазарот. Нашата посветеност на извонредност и квалитет на производите и задоволство на клиентите беше движечката сила зад нашиот успех во изминатиот век.
– Кога ќе погледнеме наназад, неизмерно сме благодарни за сето искуство насобрано и преточено во некои од најдобрите производи во регионот, пивата „златен даб“ и „Крали Марко“, „пепси“, „прилепска газоза“ и многу други. Особено ни значи непоколебливата поддршка од нашите лојални клиенти, посветените вработени и доверливите партнери. Нивната доверба и соработка беа клучни во обликувањето на Пиварницата за да прерасне во почитувана и успешна компанија каква што е денес – изјави Сашко Самарџиоски, генерален директор на Прилепска Пиварница.
За да ја одбележи оваа значајна пресвртница, Прилепска Пиварница ќе биде организатор на серија настани и иницијативи во текот на годината за да ја прославиме нашата историја, достигнувањата и луѓето што беа дел од ова патување.
Гледајќи напред, Прилепска Пиварница останува посветена на иновациите, одржливоста и на континуираното вложување во природната средина. Среќни сме и возбудени за можностите и предизвиците што ни претстојат во иднина, со цел да продолжиме да напредуваме и да имаме позитивно влијание.
Со љубов кон традицијата, наздравуваме за иднината!
Сто години постоење е навистина импозантна бројка кога ќе се земат предвид условите во средината, и токму затоа Прилепска Пиварница има за што да биде горда. Наздравуваме за уште долги години успех, заедно со сите вас!
#100ГодиниПрилепскаПиварница
ПР текст
Соопштенија
Mint FG продолжува со градење на инклузивна работна средина: Родовата еднаквост значи еднакви можности за сите
Родовата еднаквост која значи еднакви можности за сите и целосна инклузија во систем каде повеќе од 70% од вработените се жени, е еден од темелните принципи на Mint Fintech Group.
Марјан Вучковиќ, Маркетинг менаџер, учествуваше како панелист на денешната панел дискусија -Мажите во дијалог, кон креирање на (родова) еднаквост во бизнисот, што се одржа во организација на European Bussines Association & Europe House Skopje.
Тој во своето обраќање истакна дека “На еднаквоста мора да работиме сите заедно, државата, бизнис заедницата и граѓанскиот сектор, со цел спроведување на услови за родова еднаквост, а не само декларативна заложба.”
Mint FG продолжува со градење на инклузивна работна средина за сите и пример за останатите бизниси да го следат нашиот пример.
ПР текст
Соопштенија
Гранд ауто тест карван во целата држава
Компанијата ГРАНД АУТО во следните четири саботи ќе ги претстави најновите модели од брендовите MG Motor и Chery во поголемите градови низ државата.
Посетителите ќе може во живо да се запознаат и да ги испробаат автомобилите кои доаѓаат со 7 години гаранција како ZS, HS и електричниот MG4 од брендот MG Motor и FX, Tiggo7 Pro и Tiggo8 Pro од најновиот бренд на нашиот пазар Chery.
Гранд Ауто доаѓа во твојот град!
Ве очекуваме во:
23 март 2024 – Струмица 10:00-16:00
30 март 2024 – Битола 10:00-16:00
6 април 2024 – Кичево 10:00-16:00
13 април 2024 – Охрид 10:00-16:00
Те чекаме на тест возење!
ПР текст