Соопштенија
ВМРО-ДПМНЕ: Заев и Филипче тераа политичка агенда, поради доцнење на мерките 10.000 новозаразени
Од опозициската ВМРО-ДПМНЕ реагирaaт за состојбата со коронавирусот во нашата земја.
„Уште еднаш се покажа дека власта на Заев и Филипче абер нема од стратегија за справување со ковид-кризата, реагираат од опозициската ВМРО-ДПМНЕ. Пред пет дена скандалозно тврдеа дека нема ефект од нови мерки бидејќи вирусот е широко раширен. Ефектот од задоцнетите мерки е речиси 10.000 нови заболени и 300 починати“, велат од ВМРО-ДПМНЕ.
Тие потсетуваат дека експертите и јавноста претходно предупредуваа дека нов бран ѝ се заканува на Македонија, но нив, како што велат, мува не ги лазеше, се возеа со мотори и патуваа со хеликоптери.
„Поради политика Заев и Филипче дозволија вирусот масовно да се прошири, а граѓаните да се заразуваат и умираат. Во овој период кога во црно се завија стотици семејства, тие организираа внатрепартиски избори со еден кандидат, правеа циркус во Собранието, правеа настани, подготвуваа попис и тераа инает со здравиот разум. Патем, поради криминогени побуди и поради неспособност не набавија навреме вакцини за масовна имунизација на населението. Македонија е на дното по вакцинација и на врвот по смртност во светот. Но Филипче и Заев се оперирани од чест, срам и одговорност“, додавааат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Иконската елеганција се појави на македонските патишта: промоција на новото Porsche Panamera
- Подигитална, полуксузна, поефикасна: новата Panamera
- Porsche Active Ride суспензија за поголема удобност и динамика
- Подобрени E-Перформанси – поголема моќност, поголем опсег
- Нов надворешен дизајн со уште поголем акцент на ширината
- Porsche Driver Experience: нов концепт на контрола и дигитален кокпит
- Голем избор на иновативни системи за помош
Oлицетворението на автомобилската извонредност – Новата Panamera, официјално претставена и на нашиот пазар, на престижен настан во Music Bar Intermezzo. Aвтомобилските ентузијасти и претставниците на медиуми, на вечерен настан имаа можност први да ја погледнат новата Panamera.
Официјалниот почеток на настанот го најави Генералниот Директор на Порше Македонија – Златко Муцунски, кој им посака топло добредојде на гостите: „Дами и господа, почитувани гости, задоволство ми е да Ви посакам големо добредојде додека тргнуваме на возбудливо патување во светот на автомобилската извонредност со откривањето на најновото ремек дело од Porsche: новата Porsche Panamera. Со децении, Porsche е синоним за иновација, прецизност и немилосрдна потрага по автомобилско совршенство. Со секое ново издание, Porsche продолжува да ги редефинира границите на перформанси и луксуз, а новата Panamera не е исклучок“ изјави Златко Муцунски.
По воведниот говор, деталната презентација на новиот модел беше изведена од страна на Бренд Менаџерот на Porsche – Винко Марашевиќ, кој изјави: „Наследството на Porsche е она што е дефинирано со немилосрдните иновации, непоколебливата посветеност на извонредноста и непопустливата страст за уметноста на возење. И со новата Panamera, Porsche уште еднаш го подигнува нивото, поставувајќи нови стандарди во перформансите, луксузот и технолошкиот напредок. Panamera отсекогаш го претставувала совршениот спој на формата и функцијата – возило кое беспрекорно ја спојува елеганцијата со динамиката, луксузот со перформансите. И во оваа нова генерација, сите нејзини веќе познати карактеристики се издигнати на невидени височини.“
Супериорно чувство со најсовремените системи за суспензија
Новата Panamera доаѓа со двокоморно воздушно потпирање со два вентили со Porsche Active Suspension Management (PASM) како стандард. Технологијата со два вентили ги раздвојува етапите за компресија на контролата на амортизерите и затоа нуди уште поширок опсег помеѓу удобноста и динамиката. Системот значително ги намалува вибрациите од попречите споеви и нерамнините на патот, а во исто време обезбедува поголема стабилност при динамично возење.
Дополнително, иновативната активна суспензија на Porsche Active Ride е достапна како опција за моделите E Hybrid. Овој систем ги надминува сите други познати системи на суспензија и нуди невиден дијапазон на можности помеѓу удобноста и динамиката при возењето. Основата на овој систем се ново развиените активни амортизери кои се исто така со технологија со два вентили од кој секој е поврзан со електрично придвижувана хидраулична пумпа. Тоа генерира волуменски проток во амортизерот според побарувачката на истиот и затоа може да создаде сили меѓу телото и тркалата на молскавично брз, многу прецизен и насочен начин. Така целосно ги компензира силите што делуваат на суспензијата како резултат на нерамни површини на коловозот. Системот за воздушно потпирање со една комора пак е заштеда на тежина и така ја надополнува оваа технологија. Суспензијата го одржува телото на Panamera на ниво во секое време, дури и при динамично сопирање.
Е-Performance
Porsche нуди вкупно четири ефикасни E-Hybrid погонски единици за новата Panamera, како одговор на големата побарувачка за овој тип на погонски систем. Сите E-Hybrid варијанти во новиот модел имаат поголеми перформанси, опсег и ефикасност. Panamera Turbo E-Hybrid е достапна на самиот почеток како модел со најдобри перформанси помеѓу хибридните модели. Срцето на неговиот погон е фундаментално ревидираниот четирилитарски V8 турбо мотор. Моќноста на новоразвиениот електричен мотор е 140 kW (190 КС). Заедно, тие создаваат системска моќност од 500 kW (680 КС). Вртежниот момент на системот достигнува импресивни 930 Nm што овозможува забрзување од 0-100 за 3,2 секунди и максимална брзина од 315 km/h. Porsche го интегрира електричниот мотор во куќиштето на сеопфатно редизајнираниот осум-брзински PDK менувач со двојна спојка.
Луксузно и спортско внатре и надвор
Новата Panamera ги задржува карактеристичните линии и пропорции на моделската линија. Должината изнесува 5.052 mm, ширината е 1.937 mm и висината изнесува 1.423 mm. Фундаментално обновениот изглед му дава на спортскиот седан уште поизразен и спортски изглед. Напред, дополнителен довод на воздух над регистарската табличка компензира за зголемената потреба за воздух на погонските системи. Редизајнираната линија на прозорците во страничниот поглед го зајакнува лимузинскиот карактер на спортскиот автомобил со четири врати. Надворешните рабови на задното стакло се на исто ниво со контурата на каросеријата, создавајќи хармонични линии на задниот дел од автомобилот.
Концептот на Porsche Driver Experience во кокпитот се одликува со идеална рамнотежа помеѓу дигиталните и аналогните контролни елементи и ги позиционира влезните и излезните елементи неопходни за возење по оската на возачот. Рачката на менувачот се наога веднаш десно од воланот. Прекинувачот на режимот за програмите за возење Normal, Sport и Sport Plus и контролните рачки за помош се исто така директно достапни за возачот. Ова значи дека возачите не треба да го тргаат погледот од патот за да ги приспособат програмите за возење и системите за помош.
Новата Panamera е достапна веднаш во салонот на Porsche Center Skopje.
ПР текст
Соопштенија
Велемајсторот Кирил Георгиев е победник на традиционалниот отворен меѓународен турнир во забрзан шах „Алкалоид рапид опен 2024“
Поранешниот светски младински првак, како прворангиран играч (на стартната листа на турнирот според рејтингот), го оправда статусот на фаворит, па со осум победи и со три ремија стигна до победничкиот трофеј и до наградата за прво место. Членот на ШК Алкалоид без ниту еден пораз, при темпо од 10 минути по играч за целата партија (плус 5 секунди за потег), се издвои на врвот со 9,5 поени од можни 11. Георгиев играше на првата табла за екипата на ШК Алкалоид на Светското првенство за шахисти над 50 години, кое се играше во Струга минатата година, и со овој успех уште еднаш ја покажа својата висока класа, за што сведочи и неговата успешна повеќедецениска интернационална кариера.
Оваа година турнирот беше продолжен од 9 на 11 кола, но неизвесноста повторно траеше до самиот крај бидејќи на половина поен зад првопласираниот беше уште еден член на ШК Алкалоид, велемајсторот Звонко Станојоски, кој, исто така, имаше успешна година зад себе со освојувањето на државната шампионска титула, како и со други победи на рапид турнири.
Од третото до деветтото место имаше седум играчи со по 8,5 поени, па наградите беа поделени според дополнителните тај-брејк критериуми. Во оваа група имаше тројца македонски шахисти од помладата генерација: ИМ Никола Николовски, АФМ Антон Златков и ИМ Тони Лазов. Првата десетка ја комплетираше ИМ Дејан Стојановски како најдобар од групата играчи со 8 бода.
На турнирот настапија вкупно 234 шахисти, што претставува рекорден број досега, а 49 од нив беа странски играчи. Особено е убаво тоа што 79 беа шахисти помлади од 20 години, што зборува за интересот на младата популација за шаховската игра. Покрај првите десет во генералниот пласман, доделени беа уште десет специјални награди и медали за најуспешните младинци и младинки според старосните категории. Маја Нејковиќ-Величковски беше најуспешна дама со 7,5 поени, додека, пак, Моника Жежовска со 6,5 поени освои награда како второпласирана во оваа категорија. Шахистката од Грција Софија Вардака со 7 поени беше прогласена за најдобар играч на турнирот во категоријата учесници со почетен рејтинг под 1800, а нејзината сонародничка Василики Александри со 6,5 поени ја освои втората награда во таа категорија. Матео Ефтовски беше најдобар во категоријата играчи со почетен рејтинг под 2000, освојувајќи 8 поени, додека, пак, ФМ Александар Кралевски со идентичен резултат ја освои наградата за најдобар ветеран (играч над 65 години).
Меѓународниот турнир „Алкалоид Рапид Опен“ се одржува традиционално од 2012 година, а на ова издание беше забележан и просечен рејтинг на играчите од 1829, кој е најголем во последнава декада и е индекс кој го претставува високото ниво на учесниците од регионот.
ПР текст
РЕ-Ново
Ученици од специјалното училиште за деца со оштетен слух на практична настава во БРАКО
Група на ученици од машинската струка во Државниот училишен центар за образование и рехабилитација „Партеније Зографски“ од Скопје, ја посетија компанијата БРАКО во Велес.
Учениците беа задоволни што дел од практичната настава можат да поминат во вистински производствен погон, а со оглед на тоа што нивното училиште е наменето за ученици со проблеми во слухот, посетителите особено беа задоволни од сознанието дека работници со вакви физички предизвици се веќе дел од тимот на БРАКО и дека секој од нив може својата работна кариера во иднина да ја гледа во нашата фабрика.
За време на посетата, Ангел Анѓушев, оперативен директор на нашата фабрика за возила Грин Машинс во рамките на БРАКО и директорот за производство во Грин Машинс, Иле Атанасов ги запознаа учениците со целокупниот процес на производството на најсовремените возила за одржување на хигиена во урбани средини, кои се македонски бренд кој се продава низ целиот свет.
За време на презентацијата, Анѓушев посочи дека во БРАКО се прави развојот и дизајнот на возилата, се изработуваат огромен број на компоненти кои се вградуваат во нив и се врши финална монтажа, као и дека возилата на Грин Машинс се продаваат во над 60 земји на сите континенти.
ПР текст