Соопштенија
ВМРО-ДПМНЕ: Земјите од регионот се безбедни од короната, а ние не сме на листата на „Форбс“
„Форбс“ ја објави листата на 100 најбезбедни земји во светот во однос на коронавирусот, а Македонија воопшто не е на листата, велат од опозициската ВМРО-ДПМНЕ преку соопштение.
За разлика од нас, повисоко на оваа листа, додаваат од партијата, како побезбедни се оценети сите земји од регионот – Грција, Србија, Бугарија, Црна Гора, Хрватска, Словенија.
„Поради неспособноста и несериозноста на Заев, и Македонија е црна точка во Европа во справување со пандемијата. Секој ден бележиме трицифрена бројка на новозаразени, а Филипче и Заев глумат нормалност. Вчерашната бројка од 111 новозаразени само уште еднаш ја потврди неспособноста на Филипче и СДСМ. Вкупната бројка на дијагностицирани со Ковид-19 во нашата земја од почетокот на епидемијата изнесува енормни 3.025, од кои активни случаи се 1.226, а Филипче лаже дека пандемијата е намалена. Бројката од 153 смртни случаи алармира дека ништо не е во ред. Опасната неспособност на Владата на Заев, Спасовски и површноста на Филипче нè доведе до катастрофални резултати“, велат од ВМРО-ДПМНЕ.
Додаваат дека, освен отсуството на реални чекори за справување со кризата предизвикана од пандемијата на Ковид-19, се случува и вистински хаос со тестирањето на новозаразените, а постои и сомнеж дека Комисијата за заразни болести и министерот Венко Филипче манипулираат со бројот на новозаразени.
„Доволен доказ за тоа беа случаите пред неколку дена за градовите Штип и Велес, каде што Филипче се обиде да скрие 15 новозаболени. Се говори за една интерна одлука, а тоа се оние што се асимптоматични заразени, а кои дошле во допир со заразени, да не се тестираат. Таа бројка се говори дека воопшто не е мала, туку над 200. Ако е точно, тоа е потенцијално уште една експлозија на над 200 кластери, кои ќе заразат уште повеќе. Сево ова говори како Филипче и Заев не се грижат за здравјето на граѓаните. единствено за што се грижат се изборите и нивните фотелји. Со СДСМ на власт, единствено добивме хибриден режим, сиромаштија и корупција“, додава ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
„Прилепска пиварница“ одбележува 100 години постоење
Прилепска Пиварница, еден од лидерите во индустријата, со гордост ја објавува и ја прославува својата 100-годишнина. Веќе еден век Прилепска Пиварница е во првите редови на иновациите, поставувајќи стандарди, обезбедувајќи исклучителни производи за нашите ценети клиенти.
Од нашето основање во далечната 1924 година, Прилепска Пиварница континуирано се развива и се приспособува за да одговори на променливите потреби на нашите клиенти и на пазарот. Нашата посветеност на извонредност и квалитет на производите и задоволство на клиентите беше движечката сила зад нашиот успех во изминатиот век.
– Кога ќе погледнеме наназад, неизмерно сме благодарни за сето искуство насобрано и преточено во некои од најдобрите производи во регионот, пивата „златен даб“ и „Крали Марко“, „пепси“, „прилепска газоза“ и многу други. Особено ни значи непоколебливата поддршка од нашите лојални клиенти, посветените вработени и доверливите партнери. Нивната доверба и соработка беа клучни во обликувањето на Пиварницата за да прерасне во почитувана и успешна компанија каква што е денес – изјави Сашко Самарџиоски, генерален директор на Прилепска Пиварница.
За да ја одбележи оваа значајна пресвртница, Прилепска Пиварница ќе биде организатор на серија настани и иницијативи во текот на годината за да ја прославиме нашата историја, достигнувањата и луѓето што беа дел од ова патување.
Гледајќи напред, Прилепска Пиварница останува посветена на иновациите, одржливоста и на континуираното вложување во природната средина. Среќни сме и возбудени за можностите и предизвиците што ни претстојат во иднина, со цел да продолжиме да напредуваме и да имаме позитивно влијание.
Со љубов кон традицијата, наздравуваме за иднината!
Сто години постоење е навистина импозантна бројка кога ќе се земат предвид условите во средината, и токму затоа Прилепска Пиварница има за што да биде горда. Наздравуваме за уште долги години успех, заедно со сите вас!
#100ГодиниПрилепскаПиварница
ПР текст
Соопштенија
Mint FG продолжува со градење на инклузивна работна средина: Родовата еднаквост значи еднакви можности за сите
Родовата еднаквост која значи еднакви можности за сите и целосна инклузија во систем каде повеќе од 70% од вработените се жени, е еден од темелните принципи на Mint Fintech Group.
Марјан Вучковиќ, Маркетинг менаџер, учествуваше како панелист на денешната панел дискусија -Мажите во дијалог, кон креирање на (родова) еднаквост во бизнисот, што се одржа во организација на European Bussines Association & Europe House Skopje.
Тој во своето обраќање истакна дека “На еднаквоста мора да работиме сите заедно, државата, бизнис заедницата и граѓанскиот сектор, со цел спроведување на услови за родова еднаквост, а не само декларативна заложба.”
Mint FG продолжува со градење на инклузивна работна средина за сите и пример за останатите бизниси да го следат нашиот пример.
ПР текст
Соопштенија
Гранд ауто тест карван во целата држава
Компанијата ГРАНД АУТО во следните четири саботи ќе ги претстави најновите модели од брендовите MG Motor и Chery во поголемите градови низ државата.
Посетителите ќе може во живо да се запознаат и да ги испробаат автомобилите кои доаѓаат со 7 години гаранција како ZS, HS и електричниот MG4 од брендот MG Motor и FX, Tiggo7 Pro и Tiggo8 Pro од најновиот бренд на нашиот пазар Chery.
Гранд Ауто доаѓа во твојот град!
Ве очекуваме во:
23 март 2024 – Струмица 10:00-16:00
30 март 2024 – Битола 10:00-16:00
6 април 2024 – Кичево 10:00-16:00
13 април 2024 – Охрид 10:00-16:00
Те чекаме на тест возење!
ПР текст