Соопштенија
Николов: Поголема смртност од Ковид-19 од нас во регионот има само Романија
Македонија е претпоследна во регионот, има најголем број починати на 1 милион жители веднаш пе Романија. Ова нема што да нè зачудува. Во системот не се промени ништо, лекарите и здравствените работници беа тие што се судрија со вирусот, а кои беа оставени без опрема на почетокот и со цело срце и душа влегоа во битка со Ковид-19, додека нивниот ПР-министер држеше пресови двапати на ден, вели Игор Николов од ВМРО-ДПМНЕ како реакција на изјавата на министерот за здравство, Венко Филипче, дека ВМРО-ДПМНЕ прави сериозна манипулација со бројките за смртност од коронавирус.
„Во стилот на старите добри сталинистички времиња, се јави Венко Филипче со триковите и финтите на Зоран Заев да ја коригира опозицијата, но и да прати абер до оние новинари што малку повеќе анализираат. По примерот на Заев, кој пред некое време објави табели за платите на докторите и сестрите, но со ситни букви дека станува збор за бруто-плата, така и Венко ги заменува статистичките термини смртност и број на починати на 1 милион жители. Користејќи разни термини, исто како што правеше на почетокот на епидемијата, кога опозицијата апелира да се подготвиме за ударот и да се превемат мерки, Венко Филипче објаснува дека се злоупотребува терминот смртност за политички цели, а всушност во јавноста се зборуваше за број на починати од Ковид-10 на 1 милион жители. Смртноста ни била добра од Ковид-19, иако тој и Министерството не обезбедија респиратори. Не обезбедија тестови чии резултати ќе ги имаме бргу и ќе се носат одлуки веднаш за секој пациент дали е Ковид + или не, па сега ќе се фали дека тестирал пост мортем. Сè во име на транспарентноста и маркетингот зачинет со ПР-трикови“, вели Николов.
Тој сподели линкови и табели со анализа, кои, како што вели, зборуваат за број на заразени и починати на милион жители, каде што Македонија е претпоследна во регионот, има најголем број починати на 1 милион жители веднаш по Романија.
„Доколку беше транспарентно, јавноста ќе имаше увид на кој начин Филипче ја составил Комисијата за заразни болести, зошто го сменил пред еден месец претседателот на Комисијата на заразни болести, ќе имаше увид во тестовите, времето и бројот на нивното соопштување, ќе имаше увид колку години се стари респираторите што се користат на Инфективната клиника, дали функционира собата со негативен притисок, колку квадратни метри простор има од пациент на интензивна нега, каква дијализа има – ацетатна или бикарбонатна, колку денови во просек биле на респиратор починатите, зошто сè уште немаме неинвазивни вентилатори таканаречени кациги CPAP, кои ги гледаме на клиповите од италијанските болници. Тоа е транспарентност, сè друго е ПР-маркетинг на кој министерот не одолеа да му се спротивстави, па виновни му се новинарите и опозицијата“, вели Николов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
„Прилепска пиварница“ одбележува 100 години постоење
Прилепска Пиварница, еден од лидерите во индустријата, со гордост ја објавува и ја прославува својата 100-годишнина. Веќе еден век Прилепска Пиварница е во првите редови на иновациите, поставувајќи стандарди, обезбедувајќи исклучителни производи за нашите ценети клиенти.
Од нашето основање во далечната 1924 година, Прилепска Пиварница континуирано се развива и се приспособува за да одговори на променливите потреби на нашите клиенти и на пазарот. Нашата посветеност на извонредност и квалитет на производите и задоволство на клиентите беше движечката сила зад нашиот успех во изминатиот век.
– Кога ќе погледнеме наназад, неизмерно сме благодарни за сето искуство насобрано и преточено во некои од најдобрите производи во регионот, пивата „златен даб“ и „Крали Марко“, „пепси“, „прилепска газоза“ и многу други. Особено ни значи непоколебливата поддршка од нашите лојални клиенти, посветените вработени и доверливите партнери. Нивната доверба и соработка беа клучни во обликувањето на Пиварницата за да прерасне во почитувана и успешна компанија каква што е денес – изјави Сашко Самарџиоски, генерален директор на Прилепска Пиварница.
За да ја одбележи оваа значајна пресвртница, Прилепска Пиварница ќе биде организатор на серија настани и иницијативи во текот на годината за да ја прославиме нашата историја, достигнувањата и луѓето што беа дел од ова патување.
Гледајќи напред, Прилепска Пиварница останува посветена на иновациите, одржливоста и на континуираното вложување во природната средина. Среќни сме и возбудени за можностите и предизвиците што ни претстојат во иднина, со цел да продолжиме да напредуваме и да имаме позитивно влијание.
Со љубов кон традицијата, наздравуваме за иднината!
Сто години постоење е навистина импозантна бројка кога ќе се земат предвид условите во средината, и токму затоа Прилепска Пиварница има за што да биде горда. Наздравуваме за уште долги години успех, заедно со сите вас!
#100ГодиниПрилепскаПиварница
ПР текст
Соопштенија
Mint FG продолжува со градење на инклузивна работна средина: Родовата еднаквост значи еднакви можности за сите
Родовата еднаквост која значи еднакви можности за сите и целосна инклузија во систем каде повеќе од 70% од вработените се жени, е еден од темелните принципи на Mint Fintech Group.
Марјан Вучковиќ, Маркетинг менаџер, учествуваше како панелист на денешната панел дискусија -Мажите во дијалог, кон креирање на (родова) еднаквост во бизнисот, што се одржа во организација на European Bussines Association & Europe House Skopje.
Тој во своето обраќање истакна дека “На еднаквоста мора да работиме сите заедно, државата, бизнис заедницата и граѓанскиот сектор, со цел спроведување на услови за родова еднаквост, а не само декларативна заложба.”
Mint FG продолжува со градење на инклузивна работна средина за сите и пример за останатите бизниси да го следат нашиот пример.
ПР текст
Соопштенија
Гранд ауто тест карван во целата држава
Компанијата ГРАНД АУТО во следните четири саботи ќе ги претстави најновите модели од брендовите MG Motor и Chery во поголемите градови низ државата.
Посетителите ќе може во живо да се запознаат и да ги испробаат автомобилите кои доаѓаат со 7 години гаранција како ZS, HS и електричниот MG4 од брендот MG Motor и FX, Tiggo7 Pro и Tiggo8 Pro од најновиот бренд на нашиот пазар Chery.
Гранд Ауто доаѓа во твојот град!
Ве очекуваме во:
23 март 2024 – Струмица 10:00-16:00
30 март 2024 – Битола 10:00-16:00
6 април 2024 – Кичево 10:00-16:00
13 април 2024 – Охрид 10:00-16:00
Те чекаме на тест возење!
ПР текст