Соопштенија
НСДП очекува поддршка од ВМРО-ДПМНЕ за уставните промени
Во услови на неажуриран Избирачки список, без реализиран попис на населението и со стар закон за референдум, кој не кореспондира со современите тенденции за непосредна демократија, резултатите од референдумското изјаснување се исклучително добри и покажаа политичка зрелост на поголемиот број граѓани на Република Македонија. Единствено тие што излегоа на референдумот, независно од тоа дали гласаа позитивно или негативно, покажаа дека го сфатија историскиот момент за решавање на долгогодишниот спор со Грција и отворањето на вратите на НАТО и ЕУ, што како стремеж ги обединува сите прогресивни граѓани, независно од етничката, верската или политичката припадност, соопшти НСДП.
Според партијата, уште пред референдумот, кога политичките партии се позиционираа со своите ставови и кога се формираше коалицијата „За европска Македонија“, единствено ВМРО-ДПМНЕ застана спротивно на определбата на најголемиот број граѓани и политички партии, прифаќајќи ги ставовите и интересите на една маргинална политичка структура која заговараше бојкот и блокада на евро-атланските процеси, перфидно затскривајќи се зад огромната бројка на евидентирани, а реално непостоечки гласачи во Избирачкиот список.
,,Негативните демографски трендови на масовно иселување, во кои никој нема увид, ниту, пак, ги евидентира, на опозициската партија ѝ дадоа можност еден дополнителн корпус на граѓани да ги етикетира како ‘бојкотирачи’. Доколку ВМРО-ДПМНЕ беше убедена во својата, како што велат, масовна поддршка кај граѓаните, тие јасно и гласно ќе излезеа на референдумот и ќе одговореа со ‘против’, верификувајќи ја својата поддршка. Свесни дека ќе бидат политички делигитимирани при рефрендум кој формално-правно ќе го задоволеше цензусот, тие избраа преку активен бојкот да се кријат во сивата зона на евидентирани, а не активни гласачи. Овие 500-600 илјади граѓани, кои не излегуваат на ниту едни избори, ги искористија како параван за своја политичка немоќ, притоа не водејќи сметка за напорите на прогресивните граѓани за побрзо надминување на спорот со името и побрзо влегување во НАТО и ЕУ”, е ставот на партијата.
Во новонастаната политичка ситуација по рефрендумот, НСДП очекува дека сите пратеници на ВМРО-ДПМНЕ ќе го сфатат историскиот момент и ќе ја искористат својата уставна позиција како слободоумни претставници на граѓаните и со својот глас ќе ги заштитат интересите на граѓаните.
,,Сакаме да ги потсетиме и дека независно од тоа што во Собранието се влезени преку партиски листи, Уставот им го гарантира правото да гласаат по сопствено уверување. Има моменти во историјата на една држава кои налагаат да се напуштат теснопартиските и лични интереси и да се препознаат националните и државни интереси. Во поновата историја на Македонија, од осамостојувањето до денес, позначаен историски момент не постоел”, велат од партијата.
НСДП очекува ВМРО-ДПМНЕ да ја прифати идејата околу која се обединија голем број политички партии од коалцијата „За европска Македонија“ и да ги поддржи уставните промени, како неопходен чин за интеграција на државата во НАТО и ЕУ. Во овие моменти, националните иперативи наложуваат да се подигне степенот на кохерентност помеѓу сите политички партии, поделеноста по етнички, верски или партиски припадности да се надмине, само на тој начин како нација ќе покажеме дека сме созреани сами да одлучуваме за својата иднина и нема да подлегнеме на разузнавачките мешетарења од надвор.
Доколку ВМРО-ДПМНЕ продолжи да го игнорира стремежот на граѓаните и не ги прифаќа пораките на меѓународната заедница, тогаш брзите предвремени парламентарни избори се наметнуваат како императив, без никакво заобиколување на Уставот, притоа овозможувајќи ѝ на опозициската партија реално да ја согледа штетноста на своите политики во овој историски момент, додаваат од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Нова акција на „Спорт лајф“ – „Кој е твојот среќен тип?“
Во обложувалниците на „Sport Life“, во тек е акцијата „Кој е твојот среќен тип?“. Среќната игра ќе им донесе на обложувачите на Sport Life, многу „седумки“: главна премија од 777.000 денари и по 7 (седум) вредносни ваучери од 500 денари за секој од победниците во поединечните етапи на акцијата.
Среќата треба да ја бараат во онаа игра со која ќе успеат да погодат тикет со најголем број натпревари со исто типување. Соодветно на тоа, играчите ќе се рангираат и на генерално ниво, до крајот на играта, и на седумдневно – етапно ниво.
Акцијата се однесува само за несистемските тикети, со погодени минимум шест натпревари со ист тип, со минимална квота од 1,50 по пар. Исто така, во пресметката за бодување и рангирање на тикетот влегуваат и натпреварите од понудата „Супер тип“ и натпреварите од понудата за обложување во живо.
Акцијата ќе трае до 25-ти април и важи за членовите на СЛ клубот со приложување на СЛ клуб картичката.
Сите информации за играта и тековното рангирање за генералниот и етапен пласман се објавени на вебстраницата на Sport Life и на официјалните канали на социјалните мрежи.
ПР текст
Соопштенија
Праизведба на претставата „Хенгинг Араунд“
Во Македонскиот народен театар, на 19 април, со почеток во 20 часот, ќе се одржи праизведбата на претставата „Хенгинг Араунд“ во режија и адаптација на Бојан Трифуновски, по текст на Љупчо Јованов.
Главните ликови 0 (Хенгинг) и 1 (Араунд) во оваа приказна се изгубени во светот на бајките и не се знае како влегле во овој свет, но главна цел им е да се вратат во реалноста, во нивните топли огништа. Можеби се Дисмас и Гестас, но пред да ги распнат можеби некако им избегале на Римјаните и продолжиле да го живеат својот динамичен живот, овој пат празен и лишен од средба со Спасителот. Можеби патем решиле да се смират, да создадат семејство со единствена цел – да умрат во длабока старост почитувани од пријателите и саканите и жалени од најблиските. Дали нивниот карактер, судбина, ги натерала повторно да си ја пробаат среќата и да почнат нова авантура, да влезат во нова приказна…
Целото дејство се случува во светот на бајките, а местото и времето се ирелевантни.
Во претставата играат: Сашко Коцев, Александар Михајловски, Стефан Спасов, Гораст Цветковски, Борче Начев, Ана Стојановска, Софија Насевска-Трифуновска и Нела Павловска.
Соопштенија
Претставен новиот атрактивен визуелен идентитет на автентичниот бренд Luda Mara
Со слоганот „Гледај го светот во очи“, винарската визба „Тиквеш“ го претстави комплетниот редизајн на брендот „Luda Mara“, именуван според името на реката што поминува низ Кавадарци. Таа со својата уникатна природа и бројните приказни и митови поврзани со неа, по многу нешта потсетува на автентичниот карактер на овие вина.
Под овој вински бренд ќе се задржат омилените вина од оваа линија произведени од локални сорти темјаника и вранец и тие ќе бидат надополнети со две уникатни купажи – „Luda Mara White Cuvée“ и „Luda Mara Red Cuvée“.
Приказната за вината под брендот „Luda Mara“ се темели на истоимената река која има симболично, но и суштинско влијание врз создавањето на виното и винската култура во кавадаречко. Низ историјата, таа со своите излевања ја збогатувала почвата каде се одгледува грозјето, со што го поддржувала и обликувала уникатниот карактер на вината што се произведуваат од неа, но истовремено носела и големи предизвици тестирајќи ја издржливоста на локалните жители и она што тие требало да го направат за да постигнат хармонија со нејзиниот ритам.
Окото како основен креативен елемент на брендот „Luda Mara” претставува повик похрабро да гледа на животот, да се биде отворен за нови можности и доживувања и меѓу другото да се открие вистинската суштина на „Luda Mara”.
„,Тиквеш’ останува посветен на градењето моќни вински брендови, кои ќе бидат прв избор на потрошувачите. Сигурни сме дека брендот „Luda Mara“ и вината кои се дел од него, со својот вкус и изглед, ќе предизвикаат интерес кај љубителите на добро вино и ќе ги заинтригираат. Со своите уникатни карактеристики овие вина се одговор на пазарните трендови и барањата на оние потрошувачи кои се во потрага по автентични вина кои се одлика на локалното поднебје од каде потекнуваат и со кое се поврзуваат, заедно креирајќи една совршена и возбудлива винска приказна“, истакнуваат од „Тиквеш“, објаснувајќи ги вредностите на винскиот бренд „Luda Mara”.
Освежувањето на оваа популарна винска линија, опфаќа целосен редизајн на визуелниот изглед на вината, со употреба на поексклузивна амбалажа, како и етикета со впечатлив дизајн што ја отсликува суштината на брендот „Luda Mara” и ја истакнува автентичноста на вината што го сочинуваат, цврсто воспоставувајќи ги на постојните и на новите пазари.
Четирите вина кои отсега ќе го сочинуваат брендот „Luda Mara“ од почетокот на април се веќе достапни на пазарот.
ПР текст