Соопштенија
СДСМ: Кога и да се одржат избори, СДСМ е апсолутен фаворит
Кога и да се одржат избори, СДСМ е апсолутен фаворит, а тоа е потврдено и со истражувањата на јавното мислење, кои покажуваат дека СДСМ е партијата со најголема дoверба кај граѓаните, реагира СДСМ на изјавата на потпретседателот на ВМРО-ДПМНЕ, Владо Мисајловски, кој рече дека предвремени избори треба и мора да има.
„Јавноста, граѓаните, ги препознаваат испорачаните резултати, препознаваат дека за разлика од владеењето на ВМРО-ДПМНЕ, кога парите завршуваа во белиот дворец, денес сè повеќе пари завршуваат во семејните буџети и во реални мерки и политики што го поттикнуваат економскиот раст и развој. Успешноста на економските политики на СДСМ и Владата, кој ја предводи, се потврдуваат преку раст на СДИ, кои само за една година пораснаа 260 отсто, односно од 205 милиони во 2017 година на 737 милиони долари во 2018 година. Без скапи кампањи, рекламни роуд-шоуа, на што ВМРО-ДПМНЕ трошеше милиони евра, денес реализирани и во фаза на реализација се 20 странски инвестиции во индустриските зони и надвор од нив со проектирани над 4.800 вработувања“, велат од СДСМ.
Од таму велат дека денес растот на БДП изнесува рекордни 4,1 отсто, дека за време на ВМРО-ДПМНЕ економијата била во длабок минус од 1,8 отсто, а граѓаните и фирмите оставени во долгови и сиромаштија.
„Платите растат во континуитет, а позитивната економска клима резултира со нови работни места и намалување на стапката на невработеност на рекордни 17,8 отсто. Наместо капитални инвестиции во барок, споменици, жални врби и палми, денес навистина се инвестира во развој и унапредување на инфраструктурата. Колку и да е тоа несфатливо во ВМРО-ДПМНЕ, денес се гради како никогаш досега. До овој момент изградени и рехабилитирани се над 500 километри патишта, инвестиции со вкупна вредност од 540 милиони евра. Владата предводена од СДСМ во овој момент инвестира над 850 милиони евра во проекти во патната инфраструктура, а истовремено се гасифицира целата држава, се градат нови водоводи и канализации. СДСМ останува посветен на реализација на мерките што обезедуваат економски раст и повеќе пари кај граѓаните. ВМРО-ДПМНЕ останува посветена на безидејноста, одбраната на криминалот и деструктивно однесување. СДСМ испорачува резултати, а ВМРО-ДПМНЕ брани криминал, нема идеја, ниту програма“, велат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Нова акција на „Спорт лајф“ – „Кој е твојот среќен тип?“
Во обложувалниците на „Sport Life“, во тек е акцијата „Кој е твојот среќен тип?“. Среќната игра ќе им донесе на обложувачите на Sport Life, многу „седумки“: главна премија од 777.000 денари и по 7 (седум) вредносни ваучери од 500 денари за секој од победниците во поединечните етапи на акцијата.
Среќата треба да ја бараат во онаа игра со која ќе успеат да погодат тикет со најголем број натпревари со исто типување. Соодветно на тоа, играчите ќе се рангираат и на генерално ниво, до крајот на играта, и на седумдневно – етапно ниво.
Акцијата се однесува само за несистемските тикети, со погодени минимум шест натпревари со ист тип, со минимална квота од 1,50 по пар. Исто така, во пресметката за бодување и рангирање на тикетот влегуваат и натпреварите од понудата „Супер тип“ и натпреварите од понудата за обложување во живо.
Акцијата ќе трае до 25-ти април и важи за членовите на СЛ клубот со приложување на СЛ клуб картичката.
Сите информации за играта и тековното рангирање за генералниот и етапен пласман се објавени на вебстраницата на Sport Life и на официјалните канали на социјалните мрежи.
ПР текст
Соопштенија
Праизведба на претставата „Хенгинг Араунд“
Во Македонскиот народен театар, на 19 април, со почеток во 20 часот, ќе се одржи праизведбата на претставата „Хенгинг Араунд“ во режија и адаптација на Бојан Трифуновски, по текст на Љупчо Јованов.
Главните ликови 0 (Хенгинг) и 1 (Араунд) во оваа приказна се изгубени во светот на бајките и не се знае како влегле во овој свет, но главна цел им е да се вратат во реалноста, во нивните топли огништа. Можеби се Дисмас и Гестас, но пред да ги распнат можеби некако им избегале на Римјаните и продолжиле да го живеат својот динамичен живот, овој пат празен и лишен од средба со Спасителот. Можеби патем решиле да се смират, да создадат семејство со единствена цел – да умрат во длабока старост почитувани од пријателите и саканите и жалени од најблиските. Дали нивниот карактер, судбина, ги натерала повторно да си ја пробаат среќата и да почнат нова авантура, да влезат во нова приказна…
Целото дејство се случува во светот на бајките, а местото и времето се ирелевантни.
Во претставата играат: Сашко Коцев, Александар Михајловски, Стефан Спасов, Гораст Цветковски, Борче Начев, Ана Стојановска, Софија Насевска-Трифуновска и Нела Павловска.
Соопштенија
Претставен новиот атрактивен визуелен идентитет на автентичниот бренд Luda Mara
Со слоганот „Гледај го светот во очи“, винарската визба „Тиквеш“ го претстави комплетниот редизајн на брендот „Luda Mara“, именуван според името на реката што поминува низ Кавадарци. Таа со својата уникатна природа и бројните приказни и митови поврзани со неа, по многу нешта потсетува на автентичниот карактер на овие вина.
Под овој вински бренд ќе се задржат омилените вина од оваа линија произведени од локални сорти темјаника и вранец и тие ќе бидат надополнети со две уникатни купажи – „Luda Mara White Cuvée“ и „Luda Mara Red Cuvée“.
Приказната за вината под брендот „Luda Mara“ се темели на истоимената река која има симболично, но и суштинско влијание врз создавањето на виното и винската култура во кавадаречко. Низ историјата, таа со своите излевања ја збогатувала почвата каде се одгледува грозјето, со што го поддржувала и обликувала уникатниот карактер на вината што се произведуваат од неа, но истовремено носела и големи предизвици тестирајќи ја издржливоста на локалните жители и она што тие требало да го направат за да постигнат хармонија со нејзиниот ритам.
Окото како основен креативен елемент на брендот „Luda Mara” претставува повик похрабро да гледа на животот, да се биде отворен за нови можности и доживувања и меѓу другото да се открие вистинската суштина на „Luda Mara”.
„,Тиквеш’ останува посветен на градењето моќни вински брендови, кои ќе бидат прв избор на потрошувачите. Сигурни сме дека брендот „Luda Mara“ и вината кои се дел од него, со својот вкус и изглед, ќе предизвикаат интерес кај љубителите на добро вино и ќе ги заинтригираат. Со своите уникатни карактеристики овие вина се одговор на пазарните трендови и барањата на оние потрошувачи кои се во потрага по автентични вина кои се одлика на локалното поднебје од каде потекнуваат и со кое се поврзуваат, заедно креирајќи една совршена и возбудлива винска приказна“, истакнуваат од „Тиквеш“, објаснувајќи ги вредностите на винскиот бренд „Luda Mara”.
Освежувањето на оваа популарна винска линија, опфаќа целосен редизајн на визуелниот изглед на вината, со употреба на поексклузивна амбалажа, како и етикета со впечатлив дизајн што ја отсликува суштината на брендот „Luda Mara” и ја истакнува автентичноста на вината што го сочинуваат, цврсто воспоставувајќи ги на постојните и на новите пазари.
Четирите вина кои отсега ќе го сочинуваат брендот „Luda Mara“ од почетокот на април се веќе достапни на пазарот.
ПР текст