Македонското вино сè поубедливо го освојува глобалниот вински простор, а најновата потврда доаѓа од Јапонија. Винарската визба „Тиквеш“ освои девет престижни награди на 13. издание на меѓународниот вински натпревар SAKURA – Japan Women’s Wine Awards, еден од највлијателните вински настани во Азија.

Меѓу деветте признанија се две Гран-при награди, како и два двојни златни медали, четири златни и еден сребрен медал, што претставува јасен сигнал за конзистентниот квалитет и глобалната релевантност на вината на „Тиквеш“.

Највисоките награди на натпреварот ги понесоа вината Barovo Rosé 2024 и Vranec Luda Mara 2022. Притоа, Barovo Rosé 2024 освои двоен златен медал и Гран-при награда за најдобро розе вино, а Vranec Luda Mara 2022 освои златен медал и Гран-при награда за вино што најдобро се комбинира со корејската кујна.

Останатите наградени вина се: Bela Voda Red 2021, кое освои двоен златен медал, Domaine Lepovo Chardonnay 2023, Babuna Red 2022 и Alexandria Premium Cuvée Rosé 2024, кои освоија златни медали и Barovo Red 2021, кое освои сребрен медал.

„Овие признанија се резултат на нашата долгорочна посветеност, како кон квалитетот, така и кон создавањето вина со јасен идентитет и тероарска автентичност. Нашата амбиција е македонското вино да биде препознаено не само по вкусот, туку и по карактерот што го носи“, истакнуваат од „Тиквеш“.

Винскиот натпревар SAKURA е специфичен по својот уникатен пристап во кој вината ги оценуваат повеќе од 400 сертифицирани жени сомелиери и вински експерти од Јапонија, со особен фокус на нивната компатибилност со азиската гастрономија. Со над 4.000 вина пријавени секоја година, овој натпревар претставува релевантна платформа за позиционирање на вината на еден од најдинамичните светски пазари.

Со овој резултат, „Тиквеш“ дополнително ја зацврстува својата позиција како еден од најрелевантните вински производители од регионот и значаен претставник на имиџот на македонското вино на глобалната сцена.

(ПР)

Mozzart по втор пат реализира голема еко акција и ја потврди својата посветеност кон здрава животна средина.

Овој пат, вработените со заеднички сили засадија 2990 садници во селото Кучково, на површина која беше зафатена од пожар.

Во соработка со ЈП Национални Шуми, беа засадени даб, црн бор, јасен и багрем – симбол на нов живот и свежа енергија.

„Со оваа акција не само што придонесуваме за пошумување, туку и градиме зелена иднина за новите генерации. Тимската енергија и заедништвото уште еднаш покажаа дека Mozzart е победнички тим – и на теренот, и во општествената одговорност,“ изјави Ивана Стефановска Крстевска од Mozzart.

За својата заложба, компанијата доби благодарница од ЈП Национални Шуми – признание за искрена грижа и вложен труд.

Mozzart со вакви акции ја зацврстува својата лидерска позиција и испраќа силна порака: кога работиме заедно, создаваме подобро утре.

(ПР)

Во период кога енергетските пазари се соочуваат со чести ценовни осцилации, геополитички влијанија и неизвесност во снабдувањето, за компаниите прашањето на избор на снабдувач со електрична енергија станува сè поважно.

Во такви услови, бизнисите не бараат само пониска цена – тие бараат сигурност, предвидливост и партнер кој добро го разбира функционирањето на енергетскиот пазар.

Енергетските кризи од изминатите години покажаа дека стабилноста на снабдувачот игра клучна улога во заштитата на бизнисите од ризиците на пазарот. Компаниите кои работат со искусни и добро позиционирани снабдувачи имаат поголема можност да го планираат своето работење, да избегнат непредвидени трошоци и да обезбедат континуитет на своето производство и услуги.

Во вакви услови, важни се неколку фактори: големината на балансната група, пристапот до регионални пазари на електрична енергија, експертизата во управувањето со енергетските портфолија и способноста за долгорочно планирање на набавката на енергија.

Компанијата Energy Delivery Solutions (ЕДС) се позиционира на пазарот токму преку овие елементи. Со повеќе од една деценија искуство во трговијата и снабдувањето со електрична енергија, компанијата обезбедува стабилно и сигурно снабдување за голем број компании на слободниот пазар. ЕДС минатата недела за прв пат на пазарот понуди снабдување со струја по фиксна цена со договор на 24 месеци. Оваа понуда за корисниците ќе значи предвидливост и стабилност во текот на следните години кога станува збор за трошокот за електрична енергија.

Дополнителна стабилност на работењето обезбедува и фактот што ЕДС е дел од PPC Group, една од најголемите енергетски компании во Југоисточна Европа, со значајни производствени капацитети во регионот.

Благодарение на оваа регионална инфраструктура и пристапот до повеќе пазари на електрична енергија, ЕДС има можност да обезбеди оптимални енергетски решенија за бизнисите, како и поголема сигурност во снабдувањето дури и во периоди на пазарна нестабилност.

Во време кога неизвесноста на енергетските пазари станува новата реалност, изборот на снабдувач повеќе не е само финансиска одлука, туку стратешка одлука за стабилноста и одржливоста на секој бизнис.

Токму затоа, сè поголем број компании се насочуваат кон снабдувачи кои покрај конкурентна цена можат да понудат и нешто поважно – сигурност, експертиза и долгорочно партнерство.

(ПР)