„Алкалоид“ АД Скопје повторно ја доби довербата на јавноста и беше прогласен за најпосакуван работодавач за 2025 година четврти пат по ред, според анкетата на веб порталот „Вработување.ком“.

Наградата, која беше врачена во рамките на манифестацијата организирана од „Вработување.ком“, се базира на национално истражување за перцепцијата и за искуствата поврзани со работодавачите во земјава.

Континуитетот на ова признание за нас има особено значење. Тој зборува за доследноста во начинот на кој ја градиме нашата работна култура – отворена, стабилна и ориентирана спрема луѓето. Во „Алкалоид“ веруваме дека силната организација започнува со здрави вредности, јасни професионални стандарди, високи етички норми и со заемна доверба затоа што успехот на компанијата произлегува од нејзините вработени.

Луѓето се суштината на сè што правиме. Нивната експертиза, мотивираноста и одговорноста се темелот врз кој се развива нашата компанија, па затоа грижата за нивниот професионален и личен напредок останува еден од нашите клучни стратешки приоритети.

Гледајќи напред продолжуваме со јасна визија да создаваме можности, да поттикнуваме иновации и да обезбедуваме работна средина во која знаењето и талентот се препознаваат и се вреднуваат. Нашата цел е „Алкалоид“ и натаму да остане прв избор за младите луѓе кои ја гледаат својата иднина во одговорна и успешна компанија.

(ПР)

Со убедливи 43.2% од гласовите, Audi Q5 ја освои главната награда на „Златно Тркало“

Audi Q5 е прогласен за Најпосакуван автомобил во Македонија на годинешното издание на „Златно Тркало – Национален избор за најпосакуван автомобил“, освојувајќи импресивни 43.2% од вкупните гласови. Ова признание претставува силна потврда за довербата и интересот што македонската публика го има кон овој премиум SUV модел.

„Златно Тркало“ претставува уникатен концепт на избор, каде што победникот го одредуваат самите љубители на автомобили – преку онлајн гласање, отворено за јавноста. На овој начин, резултатите директно го одразуваат вистинскиот интерес и желби на пазарот.

Audi Q5 повеќе од 15 години е еден од најуспешните SUV модели во сегментот со средна големина во Европа и Германија. Со најновата генерација, Audi дополнително ја зацврстува оваа позиција, носејќи уште поизразен дизајн, напредна технологија и подобрена ефикасност.

Новата генерација на Audi Q5 е првиот SUV модел базиран на Premium Platform Combustion (PPC) – платформа која овозможува високи технички стандарди, флексибилност и развој на модели со уникатен карактер. Моделот е придвижуван од современи бензински и дизел мотори, дополнително оптимизирани со MHEV plus технологија, која обезбедува подобра ефикасност и пониска потрошувачка.

Дополнително, новата генерација ја надополнува и спортската верзија Audi SQ5, додека во блиска иднина, гамата ќе се прошири и со plug-in хибридни модели.

Со интеграцијата на новата електронска архитектура E³ 1.2, Audi Q5 ги носи најновите можности за поврзување и дигитализација, поставувајќи нови стандарди во сегментот на премиум SUV возила.

Освојувањето на оваа престижна награда уште еднаш ја потврдува позицијата на Audi Q5 како модел кој совршено ги комбинира дизајнот, перформансите и иновативната технологија – токму она што го бараат современите возачи.

(ПР)

Македонското вино сè поубедливо го освојува глобалниот вински простор, а најновата потврда доаѓа од Јапонија. Винарската визба „Тиквеш“ освои девет престижни награди на 13. издание на меѓународниот вински натпревар SAKURA – Japan Women’s Wine Awards, еден од највлијателните вински настани во Азија.

Меѓу деветте признанија се две Гран-при награди, како и два двојни златни медали, четири златни и еден сребрен медал, што претставува јасен сигнал за конзистентниот квалитет и глобалната релевантност на вината на „Тиквеш“.

Највисоките награди на натпреварот ги понесоа вината Barovo Rosé 2024 и Vranec Luda Mara 2022. Притоа, Barovo Rosé 2024 освои двоен златен медал и Гран-при награда за најдобро розе вино, а Vranec Luda Mara 2022 освои златен медал и Гран-при награда за вино што најдобро се комбинира со корејската кујна.

Останатите наградени вина се: Bela Voda Red 2021, кое освои двоен златен медал, Domaine Lepovo Chardonnay 2023, Babuna Red 2022 и Alexandria Premium Cuvée Rosé 2024, кои освоија златни медали и Barovo Red 2021, кое освои сребрен медал.

„Овие признанија се резултат на нашата долгорочна посветеност, како кон квалитетот, така и кон создавањето вина со јасен идентитет и тероарска автентичност. Нашата амбиција е македонското вино да биде препознаено не само по вкусот, туку и по карактерот што го носи“, истакнуваат од „Тиквеш“.

Винскиот натпревар SAKURA е специфичен по својот уникатен пристап во кој вината ги оценуваат повеќе од 400 сертифицирани жени сомелиери и вински експерти од Јапонија, со особен фокус на нивната компатибилност со азиската гастрономија. Со над 4.000 вина пријавени секоја година, овој натпревар претставува релевантна платформа за позиционирање на вината на еден од најдинамичните светски пазари.

Со овој резултат, „Тиквеш“ дополнително ја зацврстува својата позиција како еден од најрелевантните вински производители од регионот и значаен претставник на имиџот на македонското вино на глобалната сцена.

(ПР)