Македонија
(Видео) Костадинов: СДСМ се менува и отвора шанси за младите
Последните промени во партијата и во Владата се нова енергија, што треба да дадe дополнителен импулс во реализација на мерките што носат придобивки за граѓаните, порача портпаролот на СДСМ, Костадин Костадинов.
„СДСМ е препознаена како партија носител на промените, отворена за сите млади и докажани луѓе што сакаат да се вклучат во процесот на реформи“, рече партискиот портпарол истакнувајќи дека се дава простор за сите што сакаат и можат преку сопствен пример да дадат придонес во развојот на општеството.
Сепак, како што нагласи Костадинов, тоа не е случај и со опозициската ВМРО-ДПМНЕ.
„Во белиот дворец остануваат заглавени во деструктивната матрица и во одбрана на криминалот и антидржавното однесување. Опозициската партија продолжува да работи исклучиво по насоките од Будимпешта и осудениот криминалец во бегство, Никола Груевски“, рече портпаролот на денешната прес-конференција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.