Вечерва се комплетираше листата на патници во осминафиналето од Лигата на Европа.

Изненадувањата на вечерта ги направија тимовите на Карснодар од Русија и Славија Прага, а одличен гостински резултат и влез меѓу 16 најдобри екипи во второто по ранг натпреварување во Европа обезбеди и француски Рен.

Краснодар одигра реми 1-1 кај Баер Леверкузен и со тоа го елиминираше фаворитот од понатамошните натпревари. Првиот нивни меч во Русија заврши без голови.

Славија Прага иако по киксот на голманот рано влезе во негатива во Белгија кај Генк, сепак со огромен пресврт и со резултат 1-4 обезбеди уште најмалку два натпревари во Европа сезонава.

Изненадување приреди и Рен кој нагости во Шпанија го реши Бетис со 1-3 откако во Франција беше нерешено, 3-3.
Никакви проблеми немаа фаворитите Интер и Челси, забележаа домашни победи против Рапид Виена и Малме.

Резултати на натпреварите кои започнаа во 21 часот (во заградата се резултатите на првите мечеви):
Баер (Л) – Краснодар 1-1 (0-0)
Бенфика – Галатасарај 0-0 (2-1)
Бетис – Рен 1-3 (3-3)
Челси – Малме 3-0 (2-1)
Динамо(К) – Олимпијакос 1-0 (2-2)
Генк – Славија (П) 1-4 (0-0)
Интер – Рапид Виена 4-0 (1-0)

Кошаркарите на Србија беа шокирани во Талин од Естонија во квалификациите за Светското првенство 2019 година. Доживеаја изненадувачки пораз со 71-70.

Сите српски кошаркари беа под нивото, а тоа посебно може да се рече за Милош Теодосиќ. Тој имаше серија чудни грешки во финишот на мечот.

Најефикасен беше Јеловац со 19 поени, иако на крајот беше трагичар поради промашеното слободно фрлање. Теодосиќ го заврши мечот со 16 поени, а кај победничката селекција на Естонија, Китсинг и Куламае постигнаа по 18 поени.

За Србите математиката е јасна. Сега се трети во групата и за да патуваат на Мундијалот ќе мора во последното коло да го совладаат Израел.

Ова се најинтересните моменти од мечот:

Семејството на трагично загинатиот аргентински фудбалер, Емилијано Сала ќе остане без 700.000 евра обесштетување поради административна грешка на фудбалскиот клуб Кардиф Сити.

Според наводите на „Тајмс“, велшкиот клуб направил грешка при регистрацијата на фудбалерот, па Фудбалскиот сојуз на Велика Британија им ги вратил документите на дополнителна проверка. Таа проверка подразбира Сала да потпише нови формулари, но тоа не можеше да го стори затоа што во меѓувреме авионот во кој тој патуваше се сруши, а фудбалерот го изгуби животот.

За потсeтување, Аргентинецот загина на 21 јануари, а договорот за трансфер од Нант во Кардиф вреден 17 милиони евра беше склучен неколку дена порано.

Доколку администрацијата на Кардиф успешно го завршела процесот на регистрација, Сала би бил осигуран од Здружението на професионални фудбалери и би имал загарантирана сума од 700.000 евра кои би му припаднале на неговото семејство во случај на изненадна смрт, како што беше во ситуацијата.

Постојат индиции дека Здружението сепак ќе го исплати семејството, но за тоа ќе треба да одлучи Пензискиот фонд откако ќе му биде доставена документацијата и копија од потпишаниот договор со премиерлигашот.

Вчера Нант и Кардиф се договорија првата рата од 17-те милиони евра, вкупно 6 милиони евра, за трансферот да биде исплатена до крајот на овој месец