Фудбалерите на Челси забележаа убедлив пораз во шефилд (3:0) со што го ја компромитираа позицијата која им обезбедува место во Лигата на шампионите. На поразот на „сините“ најмногу се израдуваа во Лестер и Манчестер Јунајтед. Овие два тима со евентуални победи ќе го турнат Челси на петтата позиција. од друга страна Шефилд Јунајтед го прескокнаа Вулверхемтон на шестото место.

Фудбалерите на Френк Лампард во Шефилд одиграа катастрофален натпревар, особено во одбраната. Челниицте на тимот ќе мора во преодниот рок да донесат квалитетни дефанзивци бидејќи Кристенсен, Зума и Ридигер на моменти делуваа како аматери. Иако имаа посед на топка од речиси 76 отсто не успеаја да создадат сериозна шанса за постигнување на гол.

Од друга страна Шефилд беа цврсти во одбраната и исклучително опасни во контранападите. Херој на домашниот тим беше Мекголдрик кој постигна два гола. Напаѓачот кој малку играше сезонава поради повреда ги постигна првите голови во кариерата во Премиерлигата.

Првиот гол Мекголдрик го постигна во 18 минута, потоа во 33 предноста ја дуплираше Мекбурни, а конечниот резултат Мекголдрик го постави во 77 минута.

До крајот на мечот Челси избегна катастрофа бидејќи играчите на Шефилд не реализираа две чисти шанси.



Менаџерот на Ливерпул Јирген Клоп по нерешениот резултат со Барнли (1:1) рекол дека нема замерка на играта на својот тим.

Бернли попладнево ја прекина неверојатната серија на домашни победи на Ливерпул. „Црвените“ беа во серија од 24 победи, 17 оваа сезона, на „Енфилд“.

„99 отсто од времето правевме се како што треба, не можам да бидам незадоволен, но секако дека никогаш нема да престанам да ги критикувам играчите“, рекол Клоп.

Најзаслужен што Барнли освои бод на „Енфилд“ беше голманот ник Поуп кој бранеше брилијантно.

„На моменти делуваше како да играме против Поуп, а не против Барнли. Навистина беше неверојатен. Направивме се како што треба, но неговите одбрани не спречија да победиме“.

Ливерпул, во наредното коло, на 15 јули ќе гостува кај Арсенал.

Фудбалерите на Лацио направија уште еден кикс во Серија А. Во 32 коло Сасуоло славеше во Рим со 2:1. Лацио остнаа без шанси за шампионската титула, а до крајот на сезоната ќе треба да се борат за второто место со Аталанта и Интер.

Натпреварот започна со деби голот на 18 годишниот напаѓач на Сасуоло Распадори. Меѓутоа неговиот гол во десеттата минута го поништи ВАР.

Лацио се закани веднаш преку Луис Алберто, кој беше непрецизен од добра позиција. Шпанецот постигна гол за водство на лацио во 33 минута.

Во вториот дел Распадори постигна гол кој не му беше поништен. Голот за 1:1 е деби гол за младиот напаѓач во Серија А.

Целосен шок фудбалерите на Лацио доживеаја во 91 минута кога Капуто го совлада Страхоша.