Двата можеби главни фаворити за трофејот во годинешната ракометна Лига на шампиони, француски ПСЖ и шпанска Барселона попладнево немаа проблеми во домашните мечеви против Загреб, односно Кристијанштад.

ПСЖ уште во првото полувреме ја заврши работата против Загреб, направи предност од +6, 19-13, што подоцна знаеше како рутински да ја задржи.

Избраниците на Раул Гонзалез играа како по ноти, но тоа пред се се однесува на Генсхајмер кој мечот го заврши со 9, а Микел Хансен со 7 погодоци.

Екипата на Барселона против аутсајдерот Кристијанштад извојуваше убедлива победа со плус 17 гола, 43-26.

Швеѓаните со новиот тренер Љубомир Врањеш не беа дораснат противник на Каталонците кои сезонава играат брилијантно.
Сипжак и Гомес беа најпрецизни кај домаќините со по 6 гола, а кај гостинот се истакна Хален со 5 погодока.

Тимот на Севилја никако да излезе од резултатската криза, загуби третпат во последните пет меча во Примера.

„Жолтата подморница“ поведе уште во 20. минута со голот на Алваро, а Екамби го дуплираше водството во 45. Минута од мечот.

Севилја немаше среќа денеска, не ги искористи своите шанси, па затоа беше казнета во 86. минута преку Алфонсо за убедливи 3-0.

Севилја моментно е на четвртото место, додека Вилјареал го потисна Рајо Ваљекано и се доближи до место кое носи опстанок во првата шпанска лига.

Битолски Еурофарм Работник и во вториот меч од ракометниот ЕХФ Куп доживеа пораз. Во Битола домаќините беа поразени од унгарска Татабања убедливо со 21-31.

Еурофарм ослабен, без искусниот Пецаковски и организаторот на играта, Филип Чурлевски (повреден) не можеше да им парира високите Унгарци, а во нападот немаше креација, топките брзо се губеа.

Најефикасен кај домашните беше Остроушко со 9 гола, а по 3 погодока постигнаа Кузмановски и Граџан.

Кај Татабања Вујовиќ, Јухаж, Роста и Григораш постигнаа по 5 гола.

Еурофарм во следното коло, наредниот викенд од групната фаза оди во Нашице кај Нексе со надеж дека ќе дојде до првите бодови.