Холандија се пласираше во четврт-финалето на Светското првенство за жени во Франција, откако во драматична завршница со гол од пенал ја победија Јапонија со 2:1.

Холанѓанките, кои се европски шампионки, поведоа со голот на Лиеке Мертенс во 14. минута, меѓутоа поранешните финалистки од СП, Јапонија израмнија во финишот на првото полувреме. Победничкиот гол за Холандија повторно го постигна Мертенс во 90-тата минута.

Холандија во четврт-финалето ќе игра со Италија, која претходно со 2:0 ја победи Кина. Од осумте четврт-финалисти на Мундијалот, дури седум се од Европа, а таа која не е е главен фаворит за титулата – репрезентацијата на САД.

СП ФРАНЦИЈА 2019, ЧЕТВРТ-ФИНАЛЕ

Норвешка – Англија

Франција – САД

Италија – Холандија

Германија – Шведска

Поранешниот извршен директор на Сакраменто кингс, Џефри Дејвид доби затворска казна од седум години откако украл 13.4 милиони долари од НБА клубот и си купил луксузни куќи, приватен авион и огромни парични суми како подарок за членови на семејството.

44-годишниот Дејвид убедил два главни спонзори на клубот да му дадат исплати однапред, кои потоа ги уплаќал на своите лични сметки. Тој тврдеше дека планирал да ги продаде куќите, да ги врати парите на Кингс и да го заддржи профитот

„Таа приказна нема смисла. Никој не може да поверува во неа“, изјави судијата Вилијам Шаб кога му ја изрече казната.

Инаку, Дејвид заработувал повеќе од 300.000 долари годишно плус годишни бонуси со НБА-клубот. Неговата „шема“ се открила кога тој заминал на слична позиција во Мајами хит во 2018 година, кога еден вработен на Кингси ги открил документите на неговиот компјутер и ги известил ФБИ.

Валенсија го потврди трансферот на голманот на Барселона, Јаспер Силесен на необичен начин, откако на официјалниот Твитер профил го покажаа Холанѓанецот како потпишува нешто, па добива традиционални холандски кломпи со грбот на „лилјаците“.

Силесен имаше само 32 настапи за Барселона, не наоѓајќи место во првиот тим покрај Марк-Андре Тер Штеген на „Ноу Камп“, и поголем дел од настапите беа во куп натпреварувањата, со само пет настапи во Ла лига.

И покрај ова, тој остана прв избор во холандската репрезентација под водство на Роналд Куман, одигрувајќи ги сите натпревари во Лигата на нации. Сега, се очекува да има трансфер и во друга насока, откако бразилскиот голман Нето би се преселил на „Ноу Камп“, но тоа ќе почека до 1 јули, за да почне официјалниот преоден рок.

Big shoes to fill? No problem for this guy…

Surprised? Nou breekt mijn klomp? 😲 pic.twitter.com/mmP7CkN9Qq

— Valencia CF English 🦇💯 (@valenciacf_en) June 25, 2019