Кошаркарската репрезентација на САД, во подготвителен натпревар, забележа победа над Австралија 102:86 (22:20, 22:23, 32:18, 26:25). Натпреварот се одигра над стадионот Марвел во Мелбурн пред 50.000 гледачи.

Австралијците против САД се држеа едно полувреме, кое заврши со поен предност за Американците. Во вториот период САД со серија 17:3 прв пат стекнаа двоцифрена предност, на што Австралија преку Крис Гоулдинг и Пети Милс одговори со серија 13:1.

Во третиот период Американците со нова серија стекнаа нова двоцифрена предност, но за разлика од првиот дел не им им дозволија на Австралијците да се вратат во мечот.

Капитенот на САД, новиот играч на Бостон Селтикс, Кемба Вокер со 23 поени беше најефикасен на натпреварот. Неговиот соиграч Мајлс Тарнер забележа двоен ефект од 15 поени и 14 скока.

Австралија ја предводеа Пети Милс и Крис Гоулдинг со по 19 поени.

Go up and get it, @FCHWPO! 😱🔨#USABMNT | @FIBAWC pic.twitter.com/WX7PTWIFt1

— NBA TV (@NBATV) August 22, 2019

Алексис Санчез е подготвен да го напушти Манчестер јунајтед, Интер го сака Чилеанецот во своите редови, но трансферот го кочат парите, поточно платата на фудбалерот.

Чилеанецот во Јунајтед неделно заработува 390.000 фунти, сума што челниците на Интер не може да ја издвојат. Според италијанските медиуми, тие биле во можност да му исплаќаат двојно помала сума од онаа што ја добива на „Олд Трафорд“.

Алексис Санчез, според новиот тренер на Интер, Антонио Конте, би бил идеален партнер за двајцата напаѓачи Ромелу Лукаку и Лаутаро Мартинез.

Кејлор Навас, голманот кој имаше една од клучните улоги во походот на трите титули што Реал ги освои во Лигата на шампионите, побарал трансфер разочаран од третманот што го имал од Зинедин Зидан.

Костариканецот е втора опција во тимот откако минатото лето Реал го купи Тибо Куртоа. Иако добил ветување дека ќе има ист третман како Белгиецот, поради што лани и го продолжи договорот, тоа не се случува и нема да се случи.

Иако не се сомневаат во неговите квалитети, во Реал сметале дека Навас не е ѕвезда каква што е Куртоа.

„Време е за нов почеток“, рекол 32-годишниот голман.

За пет сезони во Реал, Костариканецот освоил 11 трофеи. Според медиумите, сериозен интерес за него покажал Пари-Сен Жермен.