Вардар како гостин го доби градското дерби против Работнички со 2:0. Овој натпревар ја отвори шестата рунда во домашниот фудбалски шампионат.

Вардар до победата дојде со головите на Ерменецот Барсегјан во 29.минута и Брдаровски во 63.минута од натпреварот. Стрецот на голот Барсегјан на најдобар начин го прослави својот 25.роденден.

Црвено-црните го забележаа четвртиот триумф во сезоната и со 14 бода, барем до утре ќе бидат на челната позиција на табелата. Работнички со третиот пораз стана на девет бода.

Шестото коло утре ќе го комплетираат натпреварите: Силекс-Шкендија, Победа, Академија Пандев, Шкупи-Македонија ЃП и Ренова-Беласица.

фото: fkvardar.mk

Фудбалерите на Атлетико Мадрид, вечерва, го совладаа градскиот ривал Хетафе со 2:0. Најзаслужен за вториот триумф на Атлетико во првенството беше Тома Лемар.

Атлетико, со оглед на формата во која се наоѓа, полсено од прогнозите забележа победа на „Колосеум“ стадионот во Мадрид. „Јорганџиите“ од доаѓањето на Диего Симеоне на тренерската позиција против Хетафе имаат 12 победи и само едно реми и нневеројатна гол разлика 25:0.

Првиот гол на мечот беше постигнат во 14.минута. Лемар испрати проектил од 25 метри, топката удри во гредата, а потоа и во грбот на голманот Сорија и заврши во мрежата.

Во второто полувреме, Лемар во 60.минута со гол го заврши брилијантниот тимски контра напад.

Хетафе мечот го заврши со играч помалку, бидејќи Алена кој во играта влезе во 64.минута во 68. доби црвен картон.

Во наредната рунда Атлетико ќе игра против Уеска, а Хетаве ќе гостува кај Алавес.

Алавес, попладнево во Мадрид, го декласира Рајо Ваљекано со 5:1. Домаќинот водеше со 1:0, а потоа играчите на Алавес постигнаа пет гола.

Еибар со голот на Кике го совладаа Леганес со 1:1.

Селта не успеа да ги освои трите бода против Ваљадилид иако имаше предност од 2:0 и 3:1. мечот заврши 3:3, а бод на Ваљадолид му донесе Суарез во 94.минута.

Менаџерот на фудбалерите на Манчестер јунајтед, Жозе Мурињо, изјавил резултатот 1:1 против Вувлерхемптон е реален.

„Црвените ѓаволи“ имаа предност на овој натпревар со голот на Фред, меѓутоа Вулверхемптон израмни во 53.минута со голот на Жоао Мутињо.

„Резултатот е правичен. Вулвс го заслужија бодот. Беа подобри, поагресивни. Бие и помотивирани од нас, не знам на што се должи тоа. Нашата игра беше лоша, без креација и динамика. Очекував повеќе од напаѓачите. Започнавме лошо, им дозволивме да го контролираат мечот. Вистинско чудо е што ние први постигнавме гол“, рекол Мурињо.

Манчестер јунајтед по шест кола веќе има осум бода помалку од лидерот на табелата Ливерпул. Екипата на Мурињо, во наредната рунда, ќе му гостува на Вест Хем.