Контакт

Спорт

Ексклузивно интервју со Матс Виландер: Федерер е симфонсики диригент, а Ѓоковиќ игра поедноставно

Објавено пред

Од Лондон Ненад Живановски

dobivaj vesti na viber

Матс Виландер, жива легенда на тенискиот спорт. Поранешен број еден и седумкратен освојувач на гренд-слем турнирите. Последниве години ангажиран како стручен коментатор за тенис на Евроспорт. Колку неговата тениска кариера е блескава, толку новинарскиот ангажман му е следен со контроверза. Барем кога е во прашање односот на публиката од нашиот регион за ставовите кои Виландер ги изнесуваше за Новак Ѓоковиќ на почеток од неговата кариера. Овој разговор беше можност да се добие објаснување и за тоа.

Сепак, и во улога на новинар, Матс ги задржал главните карактери особини кои ги имал како тенисер. Не е суетен, нема предрасуди и претенциозност и секогаш е подготвен за разговор со своите „колеги“, излегувајќи им во пресрет за интервју, анализа, совет. Во мојот случај, неговата колегијалност беше и над очекуваните граници: интервју планирано да трае десетина минути, спонтано се продолжи на половина час. Без никакво негово негодување или вртење со очите за уште едно и уште едно прашање. Напротив, трпеливо одговараше, иако постоеше реален ризик да задоцни во својата програма на Еуроспорт.

– Колега Матс или господине Виландер, како го оценувате текот на турнирот до сега? Дали има некој резултат што ве изненадил?

– За мене најголемо изненадување е што Рафаел Надал и Новак Ѓоковиќ на 36 и 35 години сè уште играат на Вимблдон и се во полуфиналето. Тоа е неверојатно да имаме тенисери во средните триесетти и да бидат фаворити да победат на турнирот. Не само овде, туку на сите четири гренд-слемови. Тоа сега не е изненадување, но ако ме прашавте пред пет години тогаш би било незамисливо вакво нешто да се очекува. Тоа е за мене изненадувањето, но, воедно, и воодушевување како можат тие сè уште да го прават тоа на така врвно ниво. Во женската страна тоа го немаме. Мажите играат подолги мечеви, а сè уште се витални. Тоа ме воодушевува најмногу. Јас кога го видов Рафаел Надал на Роланд Гарос во 2005 никогаш не помислив дека тој ќе игра на Вимблдон 2022.

Во врска со прикажаната игра, изненаден сум што сè уште се игра на основната линија, да бидам искрен повеќе би сакал играчите да излегуваат на мрежа, сервисот да биде малку побрз и опцијата да се игра сервис-волеј да биде многу поприсутна.

– Раната елиминација на Ига Швентек не е изненадување за вас?

– Не, воопшто не е изненадување за мене. Јас ја гледав на Роланд Гарос три пати, таа два пати победи на овој гренд-слем, но тоа ништо не ви значи на Вимблдон. За Ига најголем проблем беше нејзиното движење, таа не можеше да игра на трева како на тврда подлога. Таа е премногу млада, за да игра на трева и ѝ требаат уште неколку години искуство. Но, тоа важи за секој млад играч, дека му треба доволно искуство за да игра на трева. Сепак, сигурен сум дека Ига ќе биде шампион на Вимблдон еден ден.

– Да се вратиме на машкиот дел од турнирот. Има доста контроверзи околу повредата на Рафаел Надал. Денеска се огласи и Фабио Фоњини, кој рече да не се верува сè што ќе каже Надал.

– Воопшто не ме интересира што кажал Фоњини… Повредите се составен дел од тенисот и секој кој игра тенис може да биде повреден.

– Сепак, и лекари кои се експерти за повреда каква има Надал тврдат дека не е можно да се игра тенис на такво ниво со таква повреда и дека таа вообичаено ги напаѓа двете нозе, а не само едната.

– Не, не, не…! Со таква повреда не е можно да сервирате јако, како што вообичаено сервира Надал. Но тој трча добро. Факт е дека неговите сервиси потешко ги изведува. Има голема разлика кога сте повредени и не можете да се движите и кога имате повреда поради која послабо сервирате. За мене нема никаква контроверза околу повредата на Надал. Тој веруваше дека може да го победи Тејлор Фриц во четвртфиналето и ако не може да сервира сто проценти од своите можности. Тоа ви кажува колку Рафаел Надал е добар и е вистинско чудо како тој најде начин да го добие мечот. За мене не е дебата контроверзноста на повредата на Надал, туку вистинска дебата треба да се води како Фриц не успеа да победи противник кој не може да сервира со сто проценти од својот капацитет.

Погледнете ги фудбалерите, противникот ќе ги шутне, сопне, тие ќе се превиткуваат, но ќе продолжат да играат. Тоа е спорт, го правиш најдоброто со она што го имаш иако не си 100 проценти подготвен.

– Каква импресија ви остана од мечот Стефанос Циципас и Ник Кириос? Наместо тенис, тоа наликуваше како да ќе гледаме стрит фајт.

– Мојата импресија се однесува на она што Ник го прави за тенисот со тенискиот рекет. И во тоа е многу добар. Тој има еден од најприродните сервиси што било кога сум ги видел и има неверојатно разбирање на играта, се движи одлично, антиципацијата на играта му е, исто така, извонредна. Тоа е сè. Остатокот е надвор од нашата моќ.

– Сепак, најблаго оценето, невообичаена појава за тенисот е Кириос?

– И во минатото имавме многу одлични тенисери кои беа на граница да ги прекршуваат правилата. Сетете се на Џон Мекинро, Џими Конорс, Илијан Настасе. Дали јас сакам секој да биде како Ник Кириос, или како Новак Ѓоковиќ, или како Рафа Надал или Роџер Федерер? Не! Имате милион луѓе, со милион различни карактери и персоналити. Предизвикот со некој како Ник Кириос е предизвик за родителите и тренерите да ги научат децата да разберат што е добро кај Ник, но и кај Новак, Рафа, Роџер, а што не сакам моето дете да прави. Дали сакам да биде повеќе како Надал кога игра тенис и кој се бори за секоја топка и покажува позитивна емоција, или да биде тивок како Новак, но да прави подготовки и загревање како него. Или, пак, да игра со тенискиот рекет како Федерер или сакате да сервира како Ник Кириос. Што се однесува за Циципас, мислам дека тој не беше подготвен за тој хаос меч на Ник Кириос.

– Со оглед дека доаѓам од Македонија, која е дел од регионот на поранешна Југославија, морам да ве прашам како гледавте на коментарите кои доаѓаа на почетокот на кариерата на Новак дека не го сакате, дека во вашите коментари сте премногу критичен кон него и дека ги фаворизирате Надал и Федерер?

– Исто како и за Ник Кириос, ќе повторам дека треба да ги одделите карактерот на играчот од она што тој го прави играјќи тенис. Треба да го одделите Новак како личност од она што го правел како играч на 19-годишна возраст и сега. Или Роџер Федерер како личност со неговото однесување на 14 или 15 години, кога ги кршел рекетите, а неговите родители му се заканувале дека нема повеќе да игра тенис бидејќи нема рекети. И тоа не се однесува ниту за Новак, ниту за Надал ниту за Федерер. Тоа се однесува на играч кој мора да го подобри својот говор на тело. Тоа не е лично за Новак, Федерер, Кириос, Надал. Тие се тенисери и можат да се однесуваат како сакаат, но тенисот е спорт кој произвел личности како Били Џ. Кинг. Таа има сторено за женската еднаквост во САД и остатокот од светот многу повеќе од која било друга жена што можела да направи. Зошто? Зашто го имала тенисот како платформа. Артур Еш, исто така, направи многу во неговиот ангажман, бидејќи беше тенисер. Тенисот може да го направи светот подобро место. Ние сакаме да имаме тенисери кои ќе бидат инспирација и водечки модел и кои ќе го третираат тенискиот спорт со почит. Тоа не е лично ниту за Новак ниту за Ник. Заборавете го Новак од минатото, погледнете го Новак сега. Тој е најголемиот амбасадор на спортот во светот. Тој е неверојатен, одличен играч, можеби ќе биде и најдобар на сите времиња. Неговото однесување е неверојатно добро. Неговите интервјуа се неверојатно содржајни. И вие сакате сега да се вратиме назад, што правел Новак на деветнаесет години, и да го споредувате со сега? Тој имал само 19 години и тоа нема врска со Новак, со Србија, со вашиот регион. Затоа, луѓето се збунети ако во минатото не ја воочувале конструктивната критика. Тоа е како со дете. Морате да му речете да не ја фрла храната на под, туку да ја однесе во кујна. Инаку, како самото ќе го знае тоа на петгодишна возраст?! Така и кога ќе дојдете на турнир на 18-19-годишна возраст, вие морате да ги следите правилата кои го прават тенисот така голем спорт. Прашајте го Новак сега што мисли за тенискиот спорт. Видете го како се однесува на централ кортот. Тој е комплетно друга личност. Последно што може да ми се префрли е дека не го сакам Новак. Напротив, токму спротивното. Во моите очи јас немам видено друг тенисер со толку позитивен напредок во однос на говорот на тело од Новак Ѓоковиќ. Тоа е она што јас со години го зборувам за Новак, но некои не сакаат да го слушнат тој дел. Тенисот како спорт е многу повеќе отколку што се Новак, Рафа, Федерер. Тенисот е спорт кој мораме да го заштитиме! Тенисот е традиција, тенисот е начин како да ги воспитувате децата преку спорт. И ако го изгубиме тоа, тогаш подобро да играме пеинтбол или покер.

– Сепак и со толку голем позитивен напредок, Новак како да не е прифатен од публиката како Надал или Федерер. Според популарноста, како постојано да е во нивна сенка.

– Ајде, прво да тргнеме кој како игра. Дали некој друг може да биде популарен како Федерер според тоа како игра? Не! Роџер Федерер е симфониски диригент според играта. Тоа е креативна перфекција. Новак на многу поедноставен начин го игра тенисот. Неговото движење е неверојатно, изгледа како топчето да не може да му избега. Дали е тоа воодушевувачко за публиката? Не е. Федерер е повеќе од уметник за луѓето. Како играч, Новак ги прави истите работи како Федерер, но Федерер ги прави на начин луѓето да бидат воодушевени. Тоа е разликата меѓу нив двајца. Од своја страна, Надал има неверојатна емотивна страст која сака да ја покажува цело време. И тоа предизвикува емотивна реакција и кај луѓето. И тогаш го имате Новак кој е многу потивок, го нема флертот на Федерер и неговата артистичност. Федерер не личи на човечко суштество. Новак личи на човечко суштество кое е неконтролирано во секоја ситуација. За мене е многу поимпресивно кога изгледате неконтролирано како Новак, отколку како Федерер или Рафа. Но кога ќе дојдете до однесувањето и држењето, тоа е до публиката, тоа предизвикува емоции кај луѓето и затоа некои го сакаат Новак, некои Роџер, а некои Рафа.

– Значи дека публиката се раководи само според своите спортски преференции?

– Во минатото имавме двајца тенисери кои беа најпопуларни на сите времиња. Имавме неверојатни финалиња 2007 и 200. и луѓето беа сетирани и подготвени за тоа ривалство како за Бјерн Борг и Џон Мекинро. И оддднаш се појави нов лик кој ги наруши сите очекувања да се гледаат мечеви само меѓу Роџер и Рафа. Но, проблемот не беше зашто тоа беше Новак, туку зашто се појавил трет човек кој го прекинал ривалството во тој момент меѓу двајцата најдобри тенисери. Токму поради тоа што се случи на Вимблдон 2007 и 2008, сите беа подготвени да ги гледаат Рафа и Роџер во сите финалиња во наредните десет години. Луѓето купуваа билети да ги гледаат Рафа и Федерер во финалињата, а, сепак, Новак ги победуваше. Можеби Новак беше несреќникот, но  која личност и да беше исто ќе поминеше бидејќи го нарушила сонот на љубителите на тенисот.

– Сепак фановите на Ноле од мојот регион, па дури и таткото на Новак, се убедени дека Новак не е прифатен од западната публика бидејќи доаѓа од непопуларната Србија, од Балканот, дека на Западот сè уште постои убедување за нивната супериорност во однос на остатокот на светот, а тенисот е господски спорт резервиран за високиот сталеж, а не за плепсот. Што мислите за ваквото размислување?

– Би го проширил прашањето што мислам за неиграњето на Русите на Вимблдон!? Ако ги гледате и обвинувате луѓето според тоа каде се родени, тогаш мислам дека имате проблем. Можеби тоа е локално прашање за вас, но јас немам идеја што да ви одговорам. Јас не ги гледам играчите и Новак од која држава доаѓаат, туку како се однесуваат на теренот и што имаат сторено за тенисот. Запомнете што ќе ви кажам: ако Новак продолжи да чекори на начинот како чекори, тој ќе биде еден од најпочитуваните професионални спортисти и човечко суштество кое било кога сме го виделе.

– Какво финале очекувате в недела? Посакувате ли финале од соништата Новак-Надал?

– Немам идеја бидејќи не ја знам ситуацијата со Надал. Невозможно е да се предвидува. Ако Новак и Рафа играа утре, Новак ќе победеше деведесет проценти. Секако дека сакам да ги видам во финалето во недела двајцата, но сакам да видам и нови лица.

– Како гледате на животната драма низ која поминува вашиот колега Борис Бекер?

– Исусе! Не знам колку многу можам да го поддржам Борис Бекер. Ние сме пријатели, а луѓето прават грешки.

Текст и фото од Вимблдон: Ненад Живановски

Спорт

Енис Барди пред трансфер во Трабзонспор

Објавено пред

Македонскиот репрезентативец Енис Барди е во завршни преговори со турскиот шампион Трабзонспор, откриваат медиумите во Турција. Тој треба да биде едно од последните засилувања за тимот пред настапот во Лигата на шампионите, како и во битката за одбрана на шампионската титула.

dobivaj vesti na viber

Трабзонспор не успеа да го доведе Езгјан Алиоски, но можеби ќе има Македонец во тимот, Енис Барди.

Наводно, фудбалерот веќе ги договорил личните услови и треба да потпише тригодишен договор. Останува Трабзонспор и Леванте да ги договорат деталите за отштета и трансферот да се реализира.

Прикажи повеќе...

Спорт

Црвена Звезда со нов триумф над Пјуник до плејоф за групите во ЛШ

Објавено пред

Српскиот првак Црвена Звезда го совлада ерменскиот Пјуник и на реваншот со 0:2 и со вкупни 7:0 се пласира во плејоф за пласман во групите од ЛШ каде ќе се сретне со Макаби Хаифа.

dobivaj vesti na viber

Гејлор Канга во 44. минута донесе водство од пенал, откако претходно Александар Катаи не успеа да реализира од белата точка. Во вториот дел, Милан Павков во 60. минута со удар со глава го постави конечниот резултат.

Аполон Лимасол го совлада Макаби Хаифа со 2:0, но тоа беше недоволно со оглед дека израелскиот тим победи на првиот меч со 4:0.

Плзен го победи Шериф Тираспол со 2:1, а Жалгирис и Бодо/Глимт ремизираа 1:1.

Прикажи повеќе...

Спорт

Мората е понуден на „Олд Трафорд“

Објавено пред

Шпанскиот интернационалец Алваро Мората би можел да го засили Манчестер Јунајтед. Тој има договор со Атлетико Мадрид до крајот на јуни 2023 година, но ниту во престојната сезона нема да игра за составот на Диего Симеоне. Претходно беше позајмен во Јувентус, но сега Атлетико сака комплетно да го продаде.

dobivaj vesti na viber

Напаѓачот е понуден на „Олд Трафорд“, а „црвените ѓаволи“ бараат напаѓач. Претходно, Болоња ја одби понудата од Јунајтед за Марко Арнаутовиќ.

Мората изминатите две сезони играше како позајмен играч во Јувентус, но и „старата дама“ не сакаше да го откупи неговиот договор.

Прикажи повеќе...

Најново

Македонија8 минути

Повторно активен пожарот кај охридските села Вапила и Сирула

Пожарот во с.Вапила е повторно активиран према с.Сирула, соопшти Центарот за управување со кризи. Се работи за карпест предел со...

Свет3 часа

Нов вирус се појави во Кина: Заразени 35 луѓе – имаат треска, замор, кашлица, анорексија

Нов тип на хенипавирус добиен од животинско потекло, Langia henipavirus, кој може да зарази луѓе е пронајден во источната кинеска...

Свет4 часа

Поранешен шеф на кампањата на Трамп: Споделив доверливи информации со Русите

Пол Манафорт, кој беше менаџер на кампањата на поранешниот американски претседател Доналд Трамп во 2016 година, призна дека споделил доверливи...

Македонија5 часа

МОН го повлекува учебникот по Социологија за втора година гимназиско образование

Министерството за образование и наука информира дека е формирана Комисија за давање предлог за повлекување од употреба на одобрен учебник...

Македонија8 часа

Регистрирани 679 новозаразени од коронавирус, нема починати лица

Во согласност со податоците од Институтот за јавно здравје, Министерството за здравство информира дека во последните 24 часа направени се...

Економија11 час

ССМ: Вредноста на минималната синдикална кошничка во јули 2022 е 47.042 денара

Вредноста на синдикалната минимална кошница со вклучена инфлација (трошоци за живот) за јули изнесува 47.042,00 денара и не може да...

Македонија11 час

МНР: Ги отфрламе сите наводи дека се подготвуваат нови обврски за двете држави надвор од договорените принципи

„Во врска со појавени шпекулации во јавноста за нови заемни документи меѓу Северна Македонија и Бугарија, дозволете да информираме дека...

Регион12 часа

Румен Радев: Изборите на 2 октомври треба да произведат стабилно и одговорно мнозинство

„За сите од најголема важност е овие избори да дадат одговорно мнозинство. Исто така, важно е ова мнозинство да ужива...

Свет13 часа

Градоначалникот на Нагасаки: Нуклеарното оружје е реална и присутна закана

Нуклеарното оружје е реална и присутна закана откако Русија ја нападна Украина, изјави денеска градоначалникот на Нагасаки на 77-годишнината од...

Свет13 часа

Зеленски со порака до Западот: Забранете им на Русите да влезат, нека живеат во свој свет

Украинскиот претседател Володимир Зеленски ги повика западните земји да го забранат влезот на сите руски граѓани. Во интервју за „Вашингтон...

Македонија14 часа

ВМРО-ДПМНЕ: Ковачевски скриен во глувчешка дупка молчи додека во Бугарија се спремаат нови услови и барања за Македонија

„На повидок нов дебакал на предавничката влада предводена од Димитар Ковачевски во дипломатијата. Повторно нови услови и нови документи од...

Свет14 часа

Агенти на ФБИ со претрес на имотот на Трамп: Мојот прекрасен дом моментно е под опсада

ФБИ извршило налог за претрес во одморалиштето Мар-а-Лаго на Доналд Трамп во Палм Бич, Флорида, како дел од истрагата за...

Регион14 часа

Пожар на најпознатата плажа во Хрватска

На најпознатата плажа во Хрватска, Зрче, на островот Паг, синоќа избувнал голем пожар. Како што пишува „Јутарњи лист“, со пожарот...

Македонија1 ден

(Видео) ЦУК: Локализиран пожарот кај Дојран и Богданци

Пожарот кај селото Фурка и браната Паљурци, помеѓу општините Дојран и Богданци е локализиран со здружени и координирани сили во...

Македонија1 ден

Десет починати лица, регистрирани 1.233 новозаразени со коронавирус

Согласно податоците од Институтот за јавно здравје, Министерството за здравство информира дека во последните 3 дена (од 6.8. 2022 до...

Македонија1 ден

ЈП „Комунална хигиена“: Кон вработената која предизвика инцидент веќе е започната дисциплинска постапка

На 33 лица кои биле вработени, преку АПВ, во ЈП „Комунална хигиена“-Скопје кои месеци и години земале плата а не...

Европа1 ден

Бајден за активностите на Кина: „Загрижен сум“

Американскиот претседател Џозеф Бајден денеска изјави дека не е загрижен за Тајван, туку дека е загрижен за Кина. Бајден открил...

Топ1 ден

Турски државјанин со живеалиште во Скопје осомничен за криумчарење на над 13 килограми злато на Табановце

Основното јавно обвинителство Куманово, постапувајќи по поднесена кривична пријава, донело наредба за спроведување истражна постапка против турски државјанин со живеалиште...

Економија1 ден

Се намалува цената на горивата

Регулаторната комисија за енергетика и водни услуги на Република Северна Македонија донесе одлука со која се врши намалување на малопродажните...

Македонија1 ден

(ВИДЕО) Иван, кој го преживеа Халкидик, во интервју за грчки медиум: Најлошиот роденденски подарок

Пред точно еден месец скопјанецот Иван (30) заедно со своите пријатели исчезна на отворено море од плажата Мити, на Халкидик....