Контакт

Спорт

Италија поразена во Португалија, турски шок за Швеѓаните, Србите се намачија (видео)

Роберто Манчини го запиша и првиот пораз во официјален конкурентен натпревар на чело на италијанската репрезентација, откако „аѕурите“ паднаа на гостувањето во Лисабон кај Португалија со 1:0.
Ова е втор лош резултат за Италија по домашното 1:1 реми со …

Објавено пред

Роберто Манчини го запиша и првиот пораз во официјален конкурентен натпревар на чело на италијанската репрезентација, откако „аѕурите“ паднаа на гостувањето во Лисабон кај Португалија со 1:0.

Ова е втор лош резултат за Италија по домашното 1:1 реми со Полска, со што сигурно ќе се зголеми притисокот на Манчини, кој требаше да го „реновира“ тимот кој не успеа да се квалификува на СП во Русија.

Човек на одлука беше поранешниот напаѓач на Милан, а сега на Севилја, Андре Силва, кој по една контра во 48. минута, успеа да го совлада Џиџи Донарума.

Турција, пак, направи вистинска сензација на „Френдс арената“ во Стокхолм, откако иако губеше со 2:0 од Шведска, на крајот победи со 3:2 со два гола во финишот на натпреварот. Телин и Клесон донесоа водство од 2:0 за „викинзите“ по 48 минути игра, Чалханоглу намали на 2:1 само три минути подоцна, по што на сцена стапи Емре Акбаба со два гола во 88. и 92. минута за шок на Швеѓаните.

Од другите вечерни поинтересни дуели, секако треба да се изводи мечот помеѓу Србија и Романија на стадионот на Партизан во Белград, каде што „орлите“ водеа двапати преку Александар Митровиќ, но Романците успеаја да извлечат 2:2 реми. Во истата група, Црна Гора стигна до лесна 2:0 победа над Литванија со два брзи гола во првото полувреме

Интересно беше и во Лига Д натпреварувањата, каде што Косово стигна до првата победа со 2:0 триумфот над Фарски Острови, додека Андора успеа да извлече бод при 1:1 ремито со Казахстан.

ЛИГА НА НАЦИИ

ЛИГА А

Португалија – Италија 1:0

ЛИГА Б

Шведска – Турција 2:3

ЛИГА Ц

Црна Гора – Литванија 2:0

Србија – Романија 2:2

Шкотска – Албанија 2:0

ЛИГА Д

Андора – Казахстан 1:1

Косово – Фарски Острови 2:0

Малта – Азербејџан 1:1



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт

Уругвајците на Атлетико го „сотреа“ Јуве, Сити против Шалке и ВАР системот во Германија (видео)

Објавено пред

Големата пресметка меѓу Атлетико Мадрид и Јувентус заврши со 2:0 победа на шпанскиот клуб, обезбедена во последните минути од мечот, откако прво ВАР системот им поништи еден гол на Алваро Мората и не им досуди еден пенал, додека во Гелзенкирхен, Манчестер сити стигна до импресивна 3:2 победа над Шалке, откако домаќините дојдоа до 2:1 водство преку два гола од пенал.

УЕФА го воведе ВАР-системот за мечевите од осминафиналето на Лигата на шампионите и контроверзниот систем, нормално, донесе нови контроверзи. Ајакс беа бесни откако нивниот прв гол против Реал Мадрид беше поништен поради контроверзен офсајд, а вечерва ВАР имаше главна улога на мечот во Германија.

Во првите 45 минути двата противници на „Ванда метрополитано“ беа израмнети, откако Јувентус се закани преку Кристијано Роналдо од слободен удар и преку Лео Бонучи со убав удар на главата, додека на другата страна Шчесни ги одбрани ударите на Гризман и Томас. Најконтроверзниот момент беше по половина час игра, кога судијата прво покажа на белата точка, за потоа со помош на ВАР да одреди дека Де Шиљо го фаулирал Диего Коста надвор од шестнаесетникот.

Атлетико беше многу подобар противник во второто полувреме, откако прво Диего Коста во 52. минута промаши чист „зицер“, а само две минути подоцна Гризман ја погоди пречката! Алваро Мората влезе како замена против поранешниот клуб, и во 70-тата минута ја затресе мрежата на Шчесни пред судијата Феликс Цвајер да го поништи голот поради престрого досуден фаул од Мората над Кјелини.

Сепак, „јорганџиите“ дојдоа по своето во последните 15-тина минути. Во 78. минута по силниот удар со глава на Мората по корнер, топката се одбива од Манџукиќ и стигнува до Хименез кој од седум метри не промашува за водство! Диего Годин, уште еден Уругваец во дресот на Атлетико, ја удвои предноста во 83. минута повторно во ситуација од корнер, кога топката стигнува до Годин, кој го погоди Роналдо и потоа голот на Јуве.

Судијата Карлос дел Серо Гранде беше во центарот на конфузијата во Гелзенкирхен по досудениот пенал за домаќините во првото полувреме. Сити водеа преку голот на Серхио Агуеро, а домаќините имаа шанса да израмнат кога Николас Отаменди играше со рака по шутот на Даниел Калигури, кој сигурно ќе завршеше во гол.

Шалке дојдоа во предност повторно со удар од белата точка во 45. минута, повторно преку Бенталеб, пред Отаменди да добие втор жолт картон во 68. минута.

Прво беше досуден корнер, пред по интервенција на ВАР, да се досуди пенал, одложувајќи го мечот речиси три минути, пред Набил Бенталеб да израмни на 1:1.Но, тогаш на сцена стапи „четата“ на Пеп Гвардиола – Лирој Сане во 85. минута постигна гол против поранешниот клуб за 2:2, пред Рахим Стерлинг во 90-тата минута да го комплетира пресвртот.

Фото: ЕПА

Прикажи повеќе...

Спорт

Рајн-Некар не се откажува – супер-важна победа над Киелце

Објавено пред

Рајн-Некар Левен се „разбуди“ од зимскиот сон и по двата порази во Лигата на шампионите, успеа да ги победи Виве Киелце со 30:29 (18:14), дополнително компликувајќи ја ситуацијата во групата Б, каде што е и македонскиот шампион Вардар.

По поразите од Вардар дома и од Мешков Брест на гости, на РНЛ му беше потребен добар резултат за да остане во игра за пласман во понатамошната фаза, и германскиот клуб го направи токму тоа против Киелце, почнувајќи силно и правејќи предност која не ја испушти до крајот на мечот и покрај силниот финиш на гостите.

Швајцарецот Анди Шмид имаше осум гола за РНЛ, Колбахер додаде седум, додека македонскиот репрезентативец Филип Талески немаше постигнат гол. За Киелце, Агинагалде заврши со пет гола како најефикасен стрелец.

Со победата Рајн-Некар се израмни со Киелце со 7-0-6 скор и со 14 поени, но го помина полскиот клуб поради подобра гол разлика. Вардар е на третото место со 15 поени, Веспрем е втор со 16, а Барселона е на првото место со 20 поени. Вардар во сабота гостува кај фенерџијата Кристијанштад.

Фото: ЕПА

Фото: ЕПА

Прикажи повеќе...

Спорт

ЛЕ: Севилја го исфрли Лацио, Италијанците сметаат дека се „ограбени“ (видео)

Објавено пред

Севилја победи со 2:0 во вториот меч од 1/16 финалето на Лига Европа (по гостинската 1:0 победа) во меч во кој „лацијалите“ сметаа дека се сериозно оштетени и во кој двата тима го завршија мечот со по 10 фудбалери.

Сенад Лулиќ беше соборен од Габриел Меркадо кога беше во добра позиција од десетина метри, но англискиот судија Ентони Тејлор реши дека нема фаул за пенал. За разлика од Лигата на шампионите, во Лига Европа уште не се користи ВАР системот.

Неколку моменти подоцна Данило Каталди од слободен удар ја „закачи“ пречката, но веднаш потоа Лацио примија гол. По грешката на Сергеј Милинковиќ-Савиќ, Томас Стракоша слабо ја исфрли топката директно пред нозете на Висам Бен Једер, кој исто така стрелаше и на „Олимпико“.

Во второто полувреме, мечот стана погруб, и во 60. минута, домаќините останаа со играч помалку по вториот жолт картон за Франко Васкез. Но, предноста за Лацио беше мала, откако Адам Марушиќ 11 минути подоцна доби црвен картон. Севилја ја заврши работата со голот на Пабло Сарабија во 78. минута.

Фото: ЕПА

Прикажи повеќе...

Најново

Крвав четврток9 часа

Притвор за Јанакиески и Ристовски, за Груевски нова екстрадиција

Судијата на претходна постапка по барање на Јавното обвинителство им одреди мрека пртивор од 30 дена на поранешните министри Миле...

Македонија10 часа

(Видео) Мицкоски: „Апси Заев, можеш да нарачуваш и убиства, но нема да ти се исплашиме“

По информациите за вечерашното приведување на тројцата функционери на ВМРО-ДПМНЕ – Трајко Вељаноски, Спиро Ристовски и Миле Јанакиески, вечерва прес-конференција...

Крвав четврток10 часа

Русковска: Бараме притвор за Јанакиески и Ристовски поради опасност од бегство

Шефицата на Обвинителството за организиран криминал при ЈО, Вилма Русковска, изјави дека распитот на осомничените ексфункционери од ВМРО-ДПМНЕ, Спиро Ристовски...

Крвав четврток12 часа

Вељаноски: Не чувствувам вина за упадот во Собранието

Поранешниот претседател на парламентот, Трајко Вељаноски, штотуку излезе од Основниот суд Скопје 1, каде што беше повикан на распит за...

Македонија14 часа

Трамп со писмо до Заев: Ви честитам за лидерството, обезбедивте просперитетна иднина за Северна Македонија

Премиерот Зоран Заев денеска прими писмо од американскиот претседател, Доналд Трамп, во кое тој нагласува дека Северна Македонија е голем...

Македонија15 часа

Зелената градина на ГТЦ му се наметнува исто како и барокот, архитектите разочарани

Зелената градина за покривот на Градскиот трговски центар ги разочара архитектите како стручна јавност, а незадоволни се и скопјани, кои...

Македонија16 часа

Половина милион евра исплатени лани за патни трошоци на пратениците

Над 525 илјади евра биле исплатени за патни трошоци на пратениците во Собранието минатата година, покажува анализата на „Макфакс“ од...

Македонија16 часа

Заев потврди, Села му се налутил поради одземените ингеренции на Таравари

Зоран Заев одговарајќи на новинарски прашања потврди дека Зијадин Села не дошол на денешната средба за консензуален претседателски кандидат поради...

Македонија18 часа

Бектеши не чувствува морална одговорност за вработувањето на сестра му во МЕПСО

Министерот за економија, Крешник Бектеши, изјави дека не чувствува морална одговорност за вработувањето на неговата сестра во МЕПСО. Тој вели...

Топ18 часа

Села му се налути на Заев, не доаѓа на средба

Лидерот на Алијансата за Албанците, Зијадин Села, одби да присуствува на закажаната средба со премиерот Зоран Заев, на која требаше...

Македонија19 часа

Ниту еден родител не е казнет за невакцинирано дете од почетокот на епидемијата на морбили

Ниту еден родител не е казнет за невакцинирано дете од почетокот на епидемијата на морбили иако пред два месеца само...

Топ19 часа

Дедото на Кирацовски ќе се повлече од работното место

Таткото на сопругата на пратеникот Александар Кирацовски, Борис Поповски, ќе се повлече од работното место, објави на „Фејсбук“ Кирацовски. Тој...

Македонија20 часа

Заев и Димитров нема да одговараат за велепредавство

Скопското обвинитeлство ја отфрли кривичната пријава на Светскиот македонски конгрес поднесена против премиерот Зоран Заев и министерот за надворешни работи,...

Македонија20 часа

Сопругата на директорот на ЕЛЕМ вработена како шефица на кабинет во Централен регистар

Александра Миновска, сопруга на директорот на ЕЛЕМ, Драган Миновски, од октомври минатата година е вработена како шефица на кабинет кај...

Македонија21 час

Две бомби од Првата светска војна пронајдени во Битола

Вчера на булеварот 1 Мај во Битола, во близина на местото викано Црн Мост при изведување на градежни работи при...

Регион22 часа

Непознат маж му се заканувал на Мицотакис со бомба

Лидерот на опозициската Нова демократија во Грција, Киријакос Мицотакис, пријавил синоќа закана со бомба која ја добил додека сè уште...

Македонија22 часа

Бугарија го ратификуваше протоколот за НАТО

Со 140 гласа „за“, бугарскиот парламент го ратификуваше протоколот за пристапување на Северна Македонија во НАТО, објави бугарската новинска агенција...

Македонија22 часа

Синот на пратеникот Мисовски: Поднесов оставка поради хистеријата, се надевам јавноста ќе здивне

Откако Кристијан Мисовски, син на пратеникот Горан Мисовски, пред четири дена се повлече од работното место во Агенцијата за супервизија...

Свет23 часа

Ердоган: Турција не ќе може сама да се справи со нов бегалски бран од Сирија

Турскиот претседател, Реџеп Тајип Ердоган, изјави дека неговата земја нема да може сама да се справи со уште еден бран...

Свет23 часа

Најмалку четворица повредени откако лавина зафати швајцарски скијачки центар

Четири лица беа повредени, од кои еден е во критична состојба, откако лавина ја погоди скијачката патека „Плен мор“ во...

Досие