Астон Вила ја оствари својата прва победа по враќањето во Премиер лигата, откако во најчестиот судир во англиската фудбалска историја, со 2:0 ги победија Евертон. Ова беше вкупно 203. лигашки меч помеѓу овие два клуба и Вила ја забележа 74. победа (Евертон има 76 победи).

Човек на одлука беше бразилскиот напаѓач Весли, кој во 21. минута по еден брз контранапад успеа да го совлада англискиот репрезентативен голман, Џордан Пикфорд.  Во 95. минута од мечот, Анвар Ел Гази само го потврди триумфот – прв во третото коло по поразите од Тотенхем (3:1) и Бурнемаут (2:1).

Борусија Дортмунд успеа да ја впише втората победа во второто коло од Бундеслигата, откако на гостувањето кај повратникот во лигата, Келн стигнаа до тешко извојувана 3:1 победа.

Иако „милионерите“ имаа и над 70 отсто од поседот на топката, во водство дојдоа домаќините откако Доминик Дрекслер во 29. минута беше оставен сам во шестнаесетникот при еден корнер и со глава го совлада Роман Бирки.

Иницијативата на Дортмунд вроди плод дури во 70. минута, кога англиската сензација, 19-годишниот Џејдон Санчо беше оставен сам во шестнаесетникот и упати прекрасен удар за да израмни за тимот на Лусиен Фавр. Ова е втор гол за Санчо во два меча, откако стрелаше и при 5:1 победата над Аугзбург пред една недела.

Победничкиот гол за гостите го постигна Ашраф Хакими во 85. минута откако беше највисок во скокот по едно нафрлање за одличен старт на сезоната за „милионерите“, пред Пако Алкасер во 94. минута да ги постави конечните 3:1.

Севилја ја забележа и втората победа во новата сезона во Ла лига, триумфирајќи со 1:0 на гости кај андалузискиот ривал и нов прволигаш Гранада, за совршен старт на сезоната на тимот на Хулен Лопетеги, иако тоа падна во сенка на повредата на Серхио Регилон, уште еден кој дојде во Севилја од Реал Мадрид.

Регилон во првиот меч против Еспањол даде еден гол и асистираше на уште еден, но гостувањето во Гранада го заврши уште во 20. минута со на прв поглед потешка повреда и со солзи во очите откако се судри со главите со Виктор Диаз.

🔴REGUILÓN tiene que ser SUSTITUIDO tras un tremendo CHOQUE con VÍCTOR DÍAZ. Min 17′.

Granada 0-0 Sevilla #LaLiga pic.twitter.com/uujS5ucxBJ

— El Chiringuito TV (@elchiringuitotv) August 23, 2019

Регилон се обиде да го продолжи мечот, но не успеа, паѓајќи на тревата пред да биде изнесен на носилки.

Човек на одлука беше Жоан Жордан, кој го постигна својот прв гол во дресот на Севилја во 52. минута по еден брз котнранапад на гостите.

⚽ Joan Jordán. Granada 0 x 1 Sevilla.

pic.twitter.com/0nrktdpwQ9

— 🇪🇸 Sevillismo Brasil 🇧🇷 (@Sevillismobra) August 23, 2019