Контакт

Спорт

Какво ќе биде третото европско натпреварување, и што то значи за нашите клубови?

Европската фудбалска федерација (УЕФА) сериозно размислува за воведување на трето европско натпреварување со што многу повеќе клубови ќе добиваат шанса за настап во Европа, а тоа би требало да започне веќе во сезоната 2021/22.
Според сегашниот систем н…

Објавено пред

Европската фудбалска федерација (УЕФА) сериозно размислува за воведување на трето европско натпреварување со што многу повеќе клубови ќе добиваат шанса за настап во Европа, а тоа би требало да започне веќе во сезоната 2021/22.

Според сегашниот систем на натпреварување, во Европа има две натпреварувања – елитната Лига на шампиони со 32 тима и „второлигашката“ Лига Европа со 48 тима. Според новиот формат наместо 80 клубови кои играат во Европа, би имало 96 клуба.

„Новите регулативи ќе бидат поефективни од претходните кои донесоа одлични резултати. Доколку извршниот комитет на УЕФА даде ’зелено светло’, ќе имаме и трето натпреварување и 96 вклучени клуба од 2021/22. Деталите околу календарот значат дека од 2024 ќе имаме и нов календар на натпреварување, многу помодерен од сегашниот“, вели извршниот директор на Јувентус и претседател на Европската асоцијација на клубови (ЕЦА) по состанокот во Сплит.

Ако ова се оствари, ќе биде најголема промена на европските клупски натпреварувања од 2009 година, кога беше отфрлен Интертото купот и клубовите кои се квалификуваа директно отидоа во новата Лига Европа, која дотогаш беше позната како Куп на УЕФА.

Според, претседателот на управата на Хајдук, Јасмин Хуљај, во основа Лига Европа ќе се прошири од 48 на 64 клубови, но поделени во две „лиги“ по квалитет, односно формирање на Лига Европа 2.

„Имаше предлог да се направат две категории по 32 тимови, односно вкупно 64 клубови во Лига Европа 1 и Лига Европа 2. УЕФА ќе треба да донесе одлука за тоа следната пролет. Тоа ќе значи дека клубовите од помалите држави ќе имаат поголеми шанси да учествуваат во европските натпреварувања, додека ќе се задржи елитниот формат на Лигата на шампиони“, изјави Хуљај за „Индекс.хр“.

Македонија досега само еднаш имаше учесник во модерните лигашки натпреварувања на УЕФА, откако Вардар минатата сезона дебитираше во Лига Европа. Претходно, македонските клубови или паѓаа на последната пречка (како Шкендија оваа година) или губеа уште во првите натпревари.

Со овој формат на македонските клубови ќе им се даде шанса да добијат европско искуство, со европски натпревари барем до Нова Година, а од друга страна богатите и силни клубови од западна Европа повторно ќе бидат дел од Лигата на шампиони, од каде доаѓаат големите пари.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт

Скарони: Јуве нема шанси со Милан – тие се италијански, а ние светски клуб

Објавено пред

Претседателот на Милан, Паоло Скарони реши да влезе во провокација над големиот ривал Јувентус, оценувајќи дека „бјанконерите“ уште не се ниту блиску до успесите на неговиот клуб и покрај доминацијата ов последните години.

Јувентус има седум титули во низа во Серија А, а успеа да го привлече Кристијано Роналдо на трансфер во Торино, додека Милан по големите финансиски проблеми и слабите резултати нема да игра во Европа оваа година (поради казната од УЕФА, но и поради шестото место во лигата). Сепак, Скарони вели дека тоа не го прави Јувентус поголем клуб.

„Милан е светски клуб, додека Јувентус сепак, останува само италијански клуб. Милан седум пати беше европски шампион и кога се работи за глобалната популарност, Јувентус не е ниту блиску до нас. Ние продаваме дресови во Индонезија, Тајланд и Бразил, а таква популарност се добива во Лигата на шампионите. Секако, секоја чест за домашните титули и тоа е голем успех, но само италијански“, вели Скарони.

Запрашан зошто Милан е толку ниску на италијанската и европската сцена во последните години, Скарони има јасен одговор.

„Многу едноставно, се работи за парите. Милан заработува 200, а Реал Мадрид 700 милиони евра, така што тие можат да си приуштат фудбалери. Покрај тоа, ние градиме нов стадион, бараме нови спонзори и тоа одзема пари и внимание“, додава Скарони.

Прикажи повеќе...

Спорт

Мата: Борбата на Рапино со Трамп ми е голема инспирација

Објавено пред

Фудбалерот на Манчестер јунајтед, Хуан Мата, побара повеќе фудбалери да го следат примерот на американската ѕвезда Меган Рапино, која предизвика бура реакции во САД по освојувањето на златото на Светското првенство во Франција.

Рапино беше вклучена во јавна расправија со американскиот претседател Доналд Трамп, изјавувајќи дека „администрацијата не се бори за исти работи како ние тука“. Мата ја запозна Рапино откако таа се приклучи на неговата иницијатива „Заедничка цел“ со одвојување на 1 процент од својата плата за добротворни цели и Мата вели дека Американката му е инспирација.

„Таа постигнуваше голови на секој натпревар и го освоија Мундијалот, така што може да си дозволи да го каже тоа. Ако имаш време да ги правиш и работите кои не се поврзани со фудбалот и да се бориш за пофер општество мораш да го правиш тоа“, вели Мата.

Рапино беше една во низата на луѓе од светот на фудбалот која се побуни за различни социјални теми. Рахим Стерлинг, Ектор Белјерин и Дени Роуз зборуваа за расизмот, еколошките проблеми и менталните болести и Мата вели дека фудбалерите мораат да бидат одговорни.

„Фудбалерите мора да зборуваат за тоа што им е на умот. Убаво е кога ќе се слушне Дени, Рахим или Ектор“, вели Мата.

Прикажи повеќе...

Спорт

Хамилтон останува во Мерцедес додека не „освои сè што има за освојување“

Објавено пред

Петкратниот светски шампион, Луис Хамилтон прати предупредување до своите ривали, велејќи дека е подготвен да остане во Формула 1 со тимот на Мерцедес додека има работи за освојување, откако е на добар пат да освои трета титула во низа.

Хамилтон има 62 поени предност пред колегата Валтери Ботас во генерален пласман пред вториот дел од сезоната, и има осум победи во 12 трки, така што ретко кој би се обложил дека нема да стигне до шеста светска титула, со што пред него би бил само Михаел Шумахер со седум трофеи.

„Еден ден ќе морам да сопрам, но сега се чувствувам фантастично, физички и ментално. Немам план да сопрам набргу, тоа е сигурно. Има уште многу работи за правење, многу трки за победување, многу цели за остварување, во болидот и надвор од него. Со Мерцедес имаме фантастично заедничко патување и возбуден сум што носи иднината“, вели Хамилтон.

Прикажи повеќе...

Најново

Македонија7 часа

(Видео) УЈП во затворот го извести Јовановски за финансиската контрола на неговата невладина

Инспектори на УЈП влегоа во затворот во Шуто Оризари за да го известат притворениот Бојан Јовановски, претседател на невладината Меѓународен...

Македонија9 часа

Советот на јавните обвинители го доби извештајот за „Рекет“, се чека седница за Јанева

Обвинителството за организиран криминал до Сoветот на јавните обвинители го достави извештајот за преземени активности и дејства во предистражната и...

Македонија10 часа

(Видео) Стефанова: Немам намера да конкурирам за шеф на СЈО

„Од самиот почеток се оградував од Јанева. Денеска гледаме расчистување со криминалот и треба да се гордееме на тоа. Не...

Македонија11 час

17 здруженија ѝ порачуваат на Владата итно да се спречи најавениот масакр на животни

„Животните не се предмети за да се уништуваат, туку свесни интелигентни суштества и потребно е само малку разум и совест...

Македонија11 час

Никој не се појави на судењето за незаконската градба на седиштето на ВМРО-ДПМНЕ

Судијката Даниела Алексовска-Стојановска го одложи првото рочиште за предметот на СЈО „Талир 2“ за незаконската градба на седиштето на ВМРО-ДПМНЕ....

Свет13 часа

Додека Амазонија гори, Болсонаро го нападна светот: „Не мешајте се во внатрешни работи“

Во екот на зголемена меѓународна критика за пожарите што беснеат во Амазонија, бразилскиот претседател Жаир Болсонаро изјави дека е можно...

Македонија13 часа

Заев денеска ќе ги достави до Собранието предлозите за нови министри

Премиерот и лидер на СДСМ, Зоран Заев, денеска се очекува да ги достави до Собранието предлозите за испразнетите министерски места...

Регион13 часа

(Видео) Се заглави рингишпил во Биоград, пожарникарите еден и пол час ги спасувале децата

Поради дефект, се заглави рингишпилот „Скај флаер“ во Биоград во Далмација по што пожарникарите еден и пол час ги спасувале...

Свет13 часа

Навални излезе од притвор

Портпаролката на Алексеј Навални, Кира Јармиш, на „Твитер“ соопшти дека рускиот опозициски лидер по 30 дена, излегол од притвор откако...

Свет15 часа

Туристите честа цел на крадците во Барселона, само годинава имало над 5.000 насилни грабежи

Од почетокот на годинава имало 5.331 насилен грабеж во Барселона, што е 30 проценти повеќе во однос на истиот период...

Македонија1 ден

Заев: Ова се мачни и тешки случаи, но секој што се огрешил треба да одговара

Горди сме дека како власт овозможивме услови независниот правосуден систем да работи и да го врати владеењето на правото, изјави...

Македонија1 ден

Жалбата на Јанева одбиена од судот, обвинителката останува во притвор

Кривичен совет од тројца судии ѝ ја одбил жалбата на специјалната јавна обвинителка Катица Јанева за определениот 30-дневен притвор, потврдија...

Европа1 ден

Макрон: Нема време за нов договор, Британија ќе стане вазал на САД

Францускиот претседател Емануел Макрон непопустливо му порача на британскиот премиер Борис Џонсон дека нема доволно време да се преговара за...

Топ1 ден

2019 е најцрна година на патиштата во земјата – за шест месеци загинале 70 лица

Декларативни заложби, намален интизитет на активности и реформи, никакви суштински и системски промени. Искршени возила, семејства што живеат во трагедии...

Топ1 ден

(Видео) Очевидци раскажуваат: Возачот се обиде да го изгасне пожарот во автобусот, но огнот бргу се ширеше

Двокатниот автобус со број 5 на ЈСП, кој гореше во близината на Oпштината Ѓорче Петров, се запалил пред автосервис. Возачот...

Македонија1 ден

Фатиме Фетаи: Секој што згрешил мора да одговара

„Никој не е недопирлив“, вели обвинителката Фатиме Фетаи по проширувањето на истрагата за случајот „Рекет“ и приведувањето на шефицaта на...

Македонија1 ден

(Видео) Се запали автобус на ЈСП во Ѓорче Петров, нема повредени патници

Автобус на ЈСП со број 5 утрово се запали во близина на Општината Ѓорче Петров. Од ЈСП информираат дека при...

Македонија2 дена

СДСМ: Правната држава функционира, законите важат за сите

Правната држава функционира, а законите важат за сите еднакво, коментира СДСМ преку соопштение кога вчера беше приведена специјалната обвинителка во...

Свет2 дена

Во Тексас извршена смртна казна, осуденикот тврдел дека е невин

Во Тексас е извршена смртна казна над Лери Сверинген (48), кој беше осуден на смртна казна во 2000 година за...

Македонија2 дена

„Ла Верита“: Катица Јанева е осудена да стане громобран за сите судии и политичари вклучени во системот за изнуда

Италијанскиот весник „Ла Верита“ најавува дополнителни докази кои потврдуваат директна контрола од страна на државниот врв врз активностите за изнудувањето...

Досие