Регионалната АБА-лига ги објави термините за плејоф натпреварите што ќе се играат во Втората лига. Разигрувањето ќе започне на 20 март.

Македонски претставник во АБА 2 лигата е екипата на МЗТ Скопје Аеродром. МЗТ на три кола до крајот се наоѓа на третото место на табелата со 14 победи и пет порази и ќе игра во плејофот.

Лидер на табелата е Приморска (18/1), на второто место се Спарс од Сараево (13/6), а за четвртото место конкурираат Динамик (11/8), Сутјеска (11/8) и Борац (10/9).

Полуфиналните натпревари, се игра по системот првиот со четвртиот и вториот со третиот, ќе се играат на две победи. Првиот меч е закажан за 20 март, вториот за 24 март, а евентуалните „мајсторки“ за 28 март.

Победниците ќе играат во финалето, а лигата ќе ја освои екипата што ќе забележи три победи.

Термините за финалето се 1, 2 и 4 април, а доколку биде потребно четвртиот и петтиот меч ќе се играат на 5, односно 8 април.

Победникот ќе избори пласман во АБА-лигата.

Валенсија покажува интерес за голманот на македонската репрезентација и Рајо Валјекано Столе Димитриевски, пишуваат шпанските медиуми.

Димитриевски е стандарден на голот на Рајо од декември минатата година, со него тимот има четири победи, едно реми и пет порази. Рајо до крајот на сезоната ќе води голема борба за опстанок во лигата.

Скаути на Валенсија го следеле Димитриевски на натпреварот против Леганес на 4 февруари. Во Валенсија биле задоволни од она што го виделе иако Рајо го загуби тој меч (1:2).

Според шпанските медиуми, Димитривски, кој има договор со Рајо уште три и пол години, би можел да замине за сума од пет милиони евра.

Димитриевски е поранешен голман на Работнички, Удинезе, Гранада и Настик Тарагона, откаде за сума од еден милион евра пристигна на „Валјехас“.

Наредното издание на фудбалскиот Суперуп на Шпанија ќе има нов формат и ќе се игра во странство, соопштил претседателот на Фудбалскиот сојуз на оваа земја, Луис Рубијалес.

„Наредниот Суперкуп ќе се игра надвор од Шпанија во форматот на фајнал-фор“, рекол во вторникот Рубијалес. Првиот човек на шпанскиот фудбале не открил каде би се одржал завршниот турнир.

Рубијалес на чело на Сојузот дојде во мај 2018 година. Тој ја донесе одлуката во Суперкупот да се игра еден натпревар. Во тоа финале лани Барселона ја победи Севилја, 2:1.

Инаку, Рубијалес е голем притивник на идејата натпревари во рамките на првенството да се играат во странство.