Спорт
Куп на Македонија – 2024: МЗТ Скопје го победи Работнички, ќе се бори за 12. Куп трофеј
Во првиот полуфинален натпревар од Купот „Благоја Георгиевски – Буштур“ кој се игра во Битола, кошаркарите на МЗТ Скопје Аеродром стигнаа до учество во уште едно големо финале.
За нив, 17. Во 32 годишното постоење на клубот, во кое ќе имаат можност да дојдат и до својата 12. титула во ова натпреварување.
МЗТ Скопје Аеродром – Работнички 81:76
По шест минути од играта, резултатот беше нерешен (16:16). Веќе во наредната дојде и првото водство за Работнички (19:18).
Но крајот на последната од првата четвртина донесе водство на противникот. МЗТ Скопје имаше вишок од четири поени, (26:22).
Во онаа втората, потополно израмнета игра, во која ниту една од двете екипи не реализираше некоја голема предност. „бело-сините“ имаа водство, но не високо, така беше и на истекот на првото полувреме. Бранителот на трофејот имаше позитива од пет поени (43:38).

Танасковиќ беше реализатор на 13 поени за МЗТ Скопје (имашеш и високи шест скока) во првите 20.минути.
Минути од играта во кои „металците“ шутираа со скромни 20% од линијата за три поени (2/10).
Интересно, ист број на реализација, но на другаат страна од игралиштето имаше и Трајс Но „црвено-белите“ имаа осум загубени топки, пет повеќе од големиот ривал, и исто така не баше претерано висок процент на реализација за три поени (2/8 односно 25%).

МЗТ Скопје одлично го отвори второто полувреме. По „два плус еден“ играта на Танасковиќ, аеродромци дојдоа до највисоката предност (55:43), и го натераа Горан Самарџиев, тренерот на Работнички, да побара тајм-аут уште во раната фаза на третиот период од полуфиналето.
МЗТ Скопје имаше двоцифрена позитива и пред самиот крај на третиот период, кога стигна неверојатната тројка на Декоузи за намалување на резултатот (60:67), по три одиграни четвртини.
Во онаа последната, Работнички имаше подобри моменти, во онаа прва „половина“, и се доближи на само „пола кош“ негатива (69:70).
Но екипата која го брани трофејот во националниот Куп, имаше „одговор“ и на тој напад на противникот. Се одвои и на солидни (77:71), а време за ново враќање на Работнички имаше се помалку. Сепак, „предизвикувачот“ најде сили, најде енергија да се доближи уште еднаш на минус еден (76:77). Имаа и напад за водство, но Баковиќ го спречи тој обид, по што капитенот Д. Стојановски положи за (79:76), и остави нецели 45 секунди за конечно решение, кој ќе биде првиот финалист на 32. издание на Купот. Шансата не ја искористи Ѓуроски, казни, со две слободни фрлања Ворку, за место во финалето.
РЕЗУЛТАТИ И РАСПОРЕД НА НАТПРЕВАРИТЕ КУП „БЛАГОЈА ГЕОРГИЕВСКИ-БУШТУР“ 2024 – БИТОЛА
ЧЕТВРТФИНАЛЕ
МЗТ Скопје Аеродром – Гостивар 91:76
Еуро Никел 2005 – Чаир 2030 87:79
Работнички – ТФТ Моцарт 75:68
Пелистер – Феникс 2010 81:70
ПОЛУФИНАЛЕ
16.ФЕВРУАРИ (ПЕТОК)
МЗТ Скопје Аеродром – Работнички 81:76
19.30: Еуро Никел 2005 – Пелистер
Извор: кфсм.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Чешка го слави 19-годишниот Методеј Јилек
Со спектакуларно лизгање, Методеј Јилек и го донесе вториот златен медал за Чешка на Зимските олимписки игри во Милано.
Во трката на 10.000 метри во брзо лизгање, тој ја запре штоперицата на 12:33,42 и го постигна најубедливиот триумф во досегашниот тек од натпреварите во оваа дисциплина.
За чешкиот тинејџер, кој има само 19 години, ова е втор медал во Милано. Тој веќе го освои среброто на 5.000 метри.
Во сенка на сензационалниот Чех остана Полјакот Владимир Семируниј, кој стигна до среброто со заостанување од 5,65 секунди, додека бронзата му припадна на ветеранот, 40-годишниот Холанѓанец, Јорит Бергсм.
Foto/ EPA
Спорт
Игор Тудор ќе го води Тотенхем
Хрватскиот тренер Игор Тудор се согласи да ја преземе клупата на Тотенхем како привремено решение до крајот на сезоната. Тудор доаѓа откако Томас Франк беше отпуштен претходно оваа недела по лошата серија резултати што го остави клубот на 16-то место во Премиер лигата, само пет бода над зоната за испаѓање.
Извори велат дека одборот на Спарс сакал да назначи привремен менаџер пред играчите да се вратат на тренинзите во понеделник.
Последниот ангажман на Тудор беше во Јувентус, каде што помина седум месеци. Тој го презеде тимот во март минатата година како привремен тренер и забележа само еден пораз во девет натпревари до крајот на сезоната, обезбедувајќи му мест на клубот во Лигата на шампионите. Тој успех му донесе долгорочен договор.
Откако беше елиминиран во осминафиналето на Светското клупско првенство од Реал Мадрид, Јувентус ја отвори сезоната во Серија А со три победи, но следеше серија од осум натпревари без победа во сите натпреварувања. Тој беше отпуштен во октомври 2025 година по поразот од Лацио, оставајќи го клубот на осмото место на табелата.
Сепак, ситуацијата за следната сезона сè уште не е целосно дефинирана. Италијанскиот новинар Фабрцио Романо наведува дека Роберто Де Зерби и Маурисио Покетино се главните кандидати за трајно решение на клупата на Тотенхем по завршувањето на актуелната сезона.
Тудор го презема тимот во деликатен момент, со задача да го стабилизира тимот и да го извлече максимумот од сезоната, додека раководството ќе донесе конечна одлука за долгорочниот проект на лето.
Foto/ depositphotos
Спорт
Брентфорд го продолжи договорот со Игор Тијаго
Бразилскиот фудбалер Игор Тиаго го продолжи договорот со Брентфорд, објави англискиот клуб.
Со новиот договор, Тиаго би можел да остане во редовите на Премиер лигата до летото 2031 година, со можност за продолжување на соработката за уште една сезона.
Веста за продолжувањето доаѓа откако Премиер лигата го прогласи за најдобар играч во јануари. Тиаго постигна пет гола на пет натпревари во јануари, со што ја освои наградата за најдобар играч на месецот во Премиер лигата по втор пат оваа сезона.
Во тој период, Брентфорд забележа две победи, едно реми и два порази, и моментално е на седмото место на табелата во Премиер лигата со 40 бода.
Тиаго (24) пристигна во Брентфорд во 2024 година од Клуб Бриж, а пред тоа играше за Лудогорец и Крузеиро.
Бразилскиот фудбалер одигра 26 натпревари за англискиот клуб во сите натпреварувања оваа сезона и постигна 18 голови.
Foto/ depositphotos

