Спорт
ЛШ: На Хофенхајм му избега победата, Ајакс го скрши отпорот на АЕК (видео)
Германското изненадување Хофенхајм и нивниот 31-годишен тренер Јулијан Нагелсман својата деби сезона во Лигата на шампионите ја започнаа со интересно 2:2 реми на гостувањето кај украинскиот Шахтјор, додека Ајакс, на крајот, беше посилен од АЕК Атина (3…


Германското изненадување Хофенхајм и нивниот 31-годишен тренер Јулијан Нагелсман својата деби-сезона во Лигата на шампионите ја почнаа со интересно 2:2 реми на гостувањето кај украинскиот Шахтјор, а Ајакс на крајот беше посилен од АЕК Атина (3:0) во првите два меча на денешната програма во ЛШ.
Германскиот клуб стигна до рано водство во Харков кога во шестата минута Грилиш по одличната акција, го совлада противничкиот голман. Шахтјор израмни со одличниот гол на Исмаили во 27. минута, но 11 минути подоцна Нордвајт повторно го донесе Хофенхајм во водство по корнерот на Крамариќ. Мајкон беше спасителот на домашниот тим кога во 81. минута со силен удар го матира голманот Бауман.
Во Амстердам, пак, Ајакс успеа да стигне до 2:0 победа над АЕК Атина кога го скрши отпорот на грчкиот клуб во второто полувреме. Николас Таљифико во 46. минута доби одлична топка од Нерес за 1:0, Ван дер Бек зголеми на 2:0 по уште една убава асистенција на Тадиќ во 77. минута за Таљифико со вториот гол во 90-тата минута да го потврди триумфот.
Фото: ЕПА
ЛИГА НА ШАМПИОНИТЕ, ГРУПА А
Ајакс – АЕК Атина 3:0
Шахтјор Донецк – Хофенхајм 2:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Винисиус ќе остане во Реал

Понудата од неименуван саудиски клуб од една милијарда евра за Винисиус Жуниор е повлечена, бидејќи Реал Мадрид планира да склучи нов договор за својата ѕвезда, пишуваат шпанските медиуми.
Бразилецот е една од главните цели на Саудиската професионална лига, која сака да привлече уште поголем број мега поларни фудбалери на Блискиот Исток.
Винисиус има договор со Реал до 2027 година, но разговорите за продолжување наводно се заглавени, бидејќи тој сака да стане најплатен играч во клубот.
Според неколку извори, Саудијците биле подготвени да му платат на Реал 350.000.000 евра отштета, а на Винисиус договор од една милијарда евра за пет години, што би бил убедливо најголемиот трансфер во историјата на фудбалот.
Според „АС“, петгодишниот договор вреден една милијарда евра е повлечен, иако интересот на Саудијците би можел да оживее во иднина.
Се верува дека разговорите меѓу Винисиус и Реал ќе се обноват во 2026 година, а Бразилецот претходно изјави дека неговата цел е да остане во клубот.
Реал веќе го препозна и го вклучи во групата капитени за следната сезона. Главен капитен ќе биде Дани Карвахал, но тој повеќе негов заменик е Феде Валверде, трет на листата е Тибо Куртоа, а четврти е Винисиус.
Foto/ EPA
Спорт
Доминација на Маркез во Брно

Марк Маркез ја продолжи доминацијата во кралската класа во Мото Гп шампионатот. Шпанецот во Брно, ја освои Големата награда на Чешка. Маркез ја забележа 96.победа во кариерата, а во Брно по 70.пат победи во кралската класа. Маркез стана првиот возач во историјата на Дукати со пет последовни победи.
На патеката во Брно, Маркез запиша рутинска победа, откако во осмиот круг успеа да го мине Марко Бецеки. Италијанецот, возач на Априлија, имаше брилијантен старт, од четвртото се проби на првото место, но против Маркез не можеше да се одбрани.
Големо задоволство по трката има и во таборот на КТМ. Нивниот возач Педро Акоста трката ја заврши на третото место. Ова е прв пласман на подиумот за него оваа сезона.
Разочара уште еднаш Франческо Бањаја. Трката ја започна од пол-позицијата, експресно ја загуби битката со конкурентите и не можеше подобро од четвртата позиција.
Зад Бањаја завршија Раул Фернандез, Фабио Квартараро и актуелниот првак Хорхе Мартин кој се врати по долгата пауза. За Мартин ова беше втората трка сезонава и први поени.
Foto/ EPA
Спорт
Ламин Јамал руши рекорди – Барселона инкасира милиони од продажба на дресови

Младиот фудбалер на Барселона и шпанската репрезентација, Ламин Јамал, не престанува да привлекува внимание – и на теренот и надвор од него. Откако неодамна го продолжи договорот со каталонскиот гигант, Јамал го промени и бројот на дресот – наместо 19, отсега ќе ја носи легендарната „десетка“.
Оваа промена предизвика вистинска еуфорија меѓу навивачите, па клубот за само 24 часа продаде дури 70.000 дресови со името на Јамал и бројот 10, поставувајќи нов историски рекорд по дневна продажба. Според шпанскиот медиум COPE, од оваа продажба Барселона инкасирала околу 10 милиони евра.
Дресовите се испратени во повеќе од 170 земји низ светот, а комерцијалниот успех значително ги надмина очекувањата на клубот. Новиот рекорд ја надмина дури и продажбата на дресови кога клубот ги промовираше Лионел Меси и Нејмар како свои играчи.
Јамал, кој е роден во 2007 година, лани настапи на 35 натпревари во Ла Лига, постигнувајќи 9 голови и остварувајќи 13 асистенции. Со само 17 години, тој веќе е препознат како идниот носител на Барселона.
Барселона ја почнува сезоната со нова надеж – и нова ѕвезда, чијшто дрес веќе е моден хит на глобално ниво.