Фудбалерите на Валенсија триумфираа во градското дерби против Леванте во рамки на 16 коло на Ла лига.

Фудбалерите на Леванте, во чии редови значајна улога имаше македонскиот фудбалски репрезентативец, Енис Барди потполно доминираа во првото пилувреме, додека на „лилјаците“ им припадна вториот дел.

Марти Роџер го отвори резултатот во 11 минута на мечот, на асистенција токму на Барди. Истиот играч погоди за 2-0 во 20 минута, од белата точка. Пред крајот на полувремето, токму Роџер стрелаше и во сопствената мрежа за резултат 2-1 на паузата.

Во вториот дел, Валенсија заигра поангажирано, па Гамеиро, со два гола за 3 минути донесе комплетен пресврт.

На тоа се придодаде и црвениот картон на играчот на домашниот тим, Фалкон во 74 минута, по што до крајот на мечот Валенсија со голот на Феран Торес во 88 минута стави точка на возбудливиот меч.

Пред тоа, Гранада на свој терен со 3-0 слваше побада против екипата на Алавес.

Стрелци на головите за домашната екипа беа Фернандес во 48, Солдадо во 58 и Ерера во 77 минута.

Градското дерби на Манчестер му припадна на „ѓаволскиот“ тим. Јунајтед на теренот на Сити славеше победа со 2-1.

Пулените на тренерот Солскјер одиграа одлично прво полувреме, комплетно го изненадија англискиот шампион, а затекнат од изданието на младите фудбалери во црвени дресови беше и Пеп Гвардиола.

По денешниот пораз, заостатокот на „граѓаните“ до Ливерпул е цели 14 бода.

Иако имаше возбудувања на двете страни од самит почеток на мечот, сепак Рашфорд беше стрелец на првиот гол на дербито. Тој погоди во 23 минута од пенал по стартот врз него од страна на Бернардо Силва. Неколку минути претходно токму Рашфорд имаше идеална прилика да го совлада голманот на Сити, но неговиот удар заврши во пречката. Не се чекаше долго до вториот гол. Марсијал во 29 минута доби употреблива топка од Џејмс и стрелеше прецизно во мрежата на Едерсон.

Во текот на мечот, Сити во два наврати бараше судијата да покаже на белата точка во нивна полза, а првиот пат тоа се случи пред крајот на првото полувреме. Фред играше со рака, но судијата не досуди ништо.

Вториот спорен момент беше во 70 минута. Стерлинг беше срушен во казнетиот простор на Јунајтед, но повторно не беше досуден пенал.

Голот за надеж за можен пресврт на Сити беше дело на Отаменди во 85 минута, но до крајот на мечот немаше промена на резултатот.

По овој пораз, Манчестер Сити е на третото место во Премиерлигата со 32 бода, со -14 од Ливерпул и -3 од второпласираниот Лестер.

Јунајтед сега се искачи до петтата позиција на табелата.

Фудбалерите на ПСЖ со победа од 3-1 се враќаат од гостувањето кај Монпелје откако 74 минути имаа заостаток. „Светците“ по пресврт во последните 15 минути успеаја да ја запишат 13-тата победа во Лига 1.

Монпелје до водство дојде во 41 минута, по автоголот на Леандро Паредес. Со тој резултат се отиде на одмор.
Предноста на домаќините беше актуелна се до 72 минута, кога Педро Мендес поради втор жолт картон беше исклучен од игра. Тогаш започна пресвртот.

Само две минути подоцна бразилската ѕвезда Нејмар постигна убав погодок од слободен удар, за израмнување на 1-1.

Le coup franc sublime de Neymar qui ramène le score a 1 partout #MHSCPSG #TeamPSG #ICICESTPARIS pic.twitter.com/y836oH34tQ

— 𝑅𝑜𝓇𝑜𝓁𝒾𝓉𝑜 🇫🇷🇪🇸 (@SoyRorolito) December 7, 2019

По само 2 минути ПСЖ со голот на Мбапе дојде до предност од 2-1, а конечните 3-1 за француските шампион беа дело на Мауро Икарди во 81 минута.