Контакт

Домашен

(Видео) Македонската дијабетес футсал репрезентација заминува на европско првенство

Објавено пред

dijabetes, futsal, reprezentacija, evropsko prvenstvo

Македонската дијабетес футсал репрезентација денеска заминува на европско првенство за лица со дијабет кое ќе се одржи во Братислава, Словачка. Ова е трета година по ред како овие млади фудбалери настапуваат на Диаеуро, чија цел е да докажат дека здравствената состојба во која се наоѓаат не е пречка за активно и професионално спортување.

Заедно со македонската репрезентација, на европското првенство ќе настапат уште 16 дијабетес репрезентации кои ќе ја споделат пораката дека дијабетесот не е болест поради која треба да бидат сожалувани, туку начин на живеење со правилна исхрана и редовно спортување.

Тим-менаџерката на македонската дијабетес футсал репрезентација, Рената Јакимовиќ, за „А1он“ и „Макфакс“ вели дека тимот се подготвувал подолг период во повеќе фази и покрај пораката која треба да биде испратена, очекува позитивен резултат на теренот и добар пласман на репрезентацијата.

„Европското првенство во футсал за лица со дијабетес почнува со организација во 2012 година инспирирани од тоа да покажат дека и лицата со дијабетес можат активно да се занимаваат со спорт. Ние како македонска репрезентација за првпат учествувавме на ова првенство во 2016 година. За разлика од претходните години, конкруенцијата е зголемена, но, сепак, ние ќе се покажеме како што треба бидејќи се подготвуваме веќе неколку месеци во различни фази. Целиот тим ќе даде сè од себе, не само за да се покаже на терен и да постигне добар резултат туку и да им покаже на сите лица со дијабетес кои живеат во нашата држава дека дијабетесот не е пречка доколку сакате да се занимавате со спорт активно и професионално“, вели Јакимовиќ.

Меѓу другото, тим-менаџерката на репрезентацијата истакна дека од големо значење е тоа што оваа година поддршка дадоа и неколку државни институции и фармацевтските компании кои ја разбираат состојбата на лицата со дијабет, важноста на добрата регулација и менаџмент на шеќерот, како и тоа колку модерната технологија која ја има во Европа и светот е важно да дојде во Македонија за лицата со дијабет да бидат во чекор со другите земји од светот како за спортските активности, така и за секојдневието на дијабетичарите.

Виктор Јованов



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Домашен

Дејан Недев двократен европски шампион во традиционално карате во кати и фукуго

Објавено пред

Нашиот најдобар каратист, Дејан Недев, стана двократен Европски шампион во дисциплините кати и фукуго на 33. Европски шампионат во традиционално карате што се одржува во Белград, Србија.

Недев со овој резултат ја потврди врвната форма и докажа дека со години е во врвот на Европското и светското карате. Тој ги одбрани европските титули од минатиот ЕШ кој во 2016 година се одржа во Крањска гора, Словенија.

Јадранка Недева освои сребрен медал во кати за сениорки. ЕШ во Белград сè уште е во тек.

Прикажи повеќе...

Домашен

АМС ќе му додели еднократна парична награда од 100 илјади денари и стипендија на младиот Пејчиноски

Објавено пред

По повод херојскиот подвиг на младиот Марко Пејчиноски, кој успеа да го преплива Охридското Езеро, директорот на Агенцијата за млади и спорт, Дарко Каевски, поднесе иницијатива, што беше усвоена при Советот на Агенцијата за млади и спорт, за еднократна парична награда од 100 илјади денари за македонската пливачка надеж, а воедно АМС ќе му додели и стипендија за млади таленти „Спортска надеж“, соопштија денеска од Агенција за млади и спорт.

Исто така, додаваат во соопштението, АМС се обврзала да обезбеди стручни лица што ќе подготват годишна програма за усовршување на Пејчиноски со цел да продолжи да се усовршува и да стане врвен пливач кој гордо ќе ја претставува Македонија.

Од АМС и денеска уште еднаш му упатија честитки на младиот Пејчиноски и му посакаа блескава кариера.

Прикажи повеќе...

Домашен

Спортските обложувачници „Моцарт“ го реновираа теренот на кој се игра меѓународниот ракометен турнир „Струга 2018“

Објавено пред

Со поставување на новата спортска подлога се создадоа одлични услови за игра и тренинг на отворено на игралиштето на „Женската плажа“ во Струга

 

Синоќа во Струга на ракометното игралиште на „Женската плажа“ пред преполни трибини почна 46. меѓународен ракометен турнир „Струга 2018“.

Во првиот натпревар пред свеченото отворање на новата специјална подлога за спортски игралишта донирана од спортските обложувачници „Моцарт“ заиграа домаќинот РК „Струга“ и тимот на РК „Железничар“.

Компанијата „Моцарт“ почна голем проект за обнова на игралиштето на „Женската плажа“, кое од синоќа го носи името на македонскиот ракометен херој Наумче Мојсовски.

DCIM100MEDIADJI_0024.JPG

„Факт е дека со години ни беше проблем обезбедувањето подлога за играње на отворено бидејќи душата на турнирот е да се игра овде покрај езерото, а не и при најмал дожд да трчаме во сала. Благодарен сум што ‘Моцарт’ се вклучи во струшката ракометна приказна и овозможи сето ова да изгледа вака. Подлогата по одигрувањето на турнирот останува на игралиштето, што е неверојатна предност за сите млади ракометари од Струга што тука тренираат“, изјави претседателот на РК „Струга“, Наумче Мојсовски.

Турнирот го прогласи за отворен Васко Илијевски, маркетинг-директорот на спортските обложувачници „Моцарт“.

„Како компанија која е регионален лидер во областа во која работиме, особена чест ни е да бидеме и лидери во грижата за заедницата. Нашата отвореност за соработка ја препознаа во Струга и затоа сме денес тука и овој терен изгледа така како што изгледа. Струга отсекогаш бил град расадник на врвни ракометари. Се надеваме дека подобрите услови за игра ќе придонесат од тука да произлезат уште многу ѕвезди како што е Наумче Мојсовски“, истакна Васко Илијевски на отворањето.

Турнирот трае до 19 август, а на новата подлога ќе играат врвните клубови од европскиот ракомет, како„ Целје“, „Тулуз“, „Бешикташ“, „Железничар“, „Констанца“, „Алингсас“, битолски „Еурофарм“ и домаќинот „Струга“. В сабота во рамките на турнирот се игра македонскиот Супер куп меѓу „Вардар“ и „Металург“.

Дневните билети за натпреварите се продаваат по цена од 50 денари, а сите средства од продажбата на билетите ќе бидат донирани за Центарот за дијализа во Струга. Вклучувајќи се во хуманата акција, компанијата „Моцарт“ откупи дел од билетите што играчите може бесплатно да ги подигнат при уплата на тикет на уплатните места во Струга.

 

Прикажи повеќе...

Најново

Македонија7 часа

Адвокатот на Мијалков: Недозволиво е што тој не беше известен за притворот

Недозволиво е судија на претходна постапка или кривичен совет да не ја извести странката, во случајов Сашо Мијалков, дека за...

Македонија8 часа

(Видео) Мијалков спроведен во затворот во Шуто Оризари

Поранешниот шеф на УБК, Сашо Мијалков, вечерва е спроведен во истражниот затвор во Шуто Оризари поради опасност од бегство, велат...

Македонија9 часа

Владата го одби предлог-законот за амнестија предложен од ВМРО-ДПМНЕ

Владата на денешната владина седница донесе негативно мислење за предлог-законот за амнестија за настаните од 27 април. „Владата донесе негативно...

Uncategorized12 часа

Амнестија во текот на судскиот процес, прекин на постапката за тие што не тепале на 27 април?

Кој ќе се спаси од кривична одговорност за инцидентите од 27 април, најверојатно ќе се утврдува според обвинителниот акт, односно...

Македонија12 часа

Влада: Очекуваме Будимпешта да го предаде Груевски во Македонија

Владата соопшти дека официјално покрај протестната нота доставена вчера за улогата на амбасадите на Унгарија во бегството на Груевски од земјата,...

Бегството на Груевски13 часа

Груевски: Добив азил во Унгарија, продолжувам да ја барам правдата

Поранешниот премиер Никола Груевски, на неговиот „Фејсбук“ профил, ги потврди информациите дека добил политички азил во Унгарија. Тој себе си...

Македонија13 часа

Кривична за директор на јавно претпријатие кој незаконски си зел аванси од над 2 милиона денари

Гевгелиската полиција поднесе кривична пријава против 29-годишен директор од Дојран поради сомнение за сторено кривично дело „проневера во службата“. Како...

Бегството на Груевски14 часа

Министерството за правда го испрати барањето за екстрадиција на Никола Груевски

Министерството за правда го испрати барањето за екстрадиција на Никола Груевски до Министерството за правда на Република Унгарија. „Барањето за...

Македонија16 часа

Сведокот ги препозна двајцата напаѓачи што го претепаа Никола Саздовски

На денешното рочиште за убиството на 20-годишниот навивач на групата „Комити“ повеќе од два часа сведочи сведокот Миле Алексовски, кој...

Свет17 часа

(Видео) Девојка со српско потекло меѓу убиените во Чикаго

Една од трите жртви на пукањето во болницата „Мерси“ во Чикаго е 25-годишна девојка со српско потекло, пишуваат српските медиуми....

Македонија17 часа

При апсењето на Бошкоски пронајдени се пиштол и хрватски пасош

Денешното рочиште за случајот „Тортура“, кој се однесува на апсењето на претседателот на партијата ОМ, Љубе Бошкоски, продолжи со репродуцирање...

Афера „Банки“17 часа

(Видео) Афера „Банки“ – како банката му ја одзеде болницата на доктор Адил Мустафа!?

Приватната болница „Шендети“ во Мала Речица, Тетово, неколку години по отфрлената кривична пријава од Обвинителството, остана со катанец на вратата....

Бегството на Груевски18 часа

(Видео) Дескоска: Ќе бараме екстрадиција на Груевски и да му е доделен азил

Македонија, денеска, или најдоцна утре ќе го достави барањето за екстрадиција на поранешниот премиер Никола Груевски. Министерката за правда, Рената...

Бегството на Груевски18 часа

Груевски добил азил во Унгарија?

Канцеларијата за имиграција и азил во Унгарија донела одлука за барањето на бегалецот Никола Груевски, но оттаму, нема детали дали...

Европа19 часа

(Видео) Избоден полицаец во напад во Брисел, напаѓачот повреден

Во историскиот центар во Брисел утрово непознат напаѓач со нож нападна еден полицаец кој се збоди со повреди. По нападот...

Македонија20 часа

Дисциплинска за полицаец кој употребил сила врз актерката Ирена Ристиќ

Одделот за внатрешна контрола при МВР поведе постапка за дисциплинска одговорност на полицаец од полициската станица Центар, кој пред два...

Македонија20 часа

Вучиќ: Груевски во Србија влезе со важечки документи, прашање е како ја напуштил Македoнија

Претседателот на Србија, Александар Вучиќ изјави синоќа дека поранешниот премиер Никола Груевски со регуларни документи влегол во Србија, дека во...

Македонија1 ден

ДЗС: Спасени четири лица завеани на Пелистер

Подрачното одделение Битола при Дирекцијата за заштита и спасување од СВР Битола доцна синоќа, во 00:30 часот, добило известување дека...

Свет1 ден

Путин: Повлекувањето на САД од договорот не може да остане без наш одговор

Рускиот претседател, Владимир Путин, изјави дека Кремељ ќе има одговор доколку САД се повлечат од договорот за нуклеарните сили со...

Македонија1 ден

„Груевски е ВИП-мигрант на Орбан“ – унгарската опозиција постави транспарент на зградата на парламентот

Унгарската опозиција ги критикуваше потезите на владата на премиерот Виктор Орбан во врска со барањето  азил на поранешниот македонски премиер...

Досие