Спорт
Меси откри во кој клуб ќе ја заврши кариерата

Легендарниот Лео Меси (36) полека ја привршува својата неверојатна кариера, која како што стојат работите ќе заврши во клубот во кој моментално настапува, Интер од Мајами.
Лео ја одработува втората сезона во клубот од Флорида со кој има договор до крајот на 2025 година.
Тој моментално се наоѓа во кампот на репрезентацијата на Аргентина, поточно во Мајами, со кој се подготвува за претстојната Копа Америка која ќе се одржи на американско тло. Тоа ќе биде негово рекордно седмо учество на континенталниот шампионат.
Но, она што денеска привлече најголемо внимание од таборот на „гаучосите“ е неговата изјава дадена за аргентинскиот ЕСПН, чии новинари го посетија кампот на репрезентацијата.
Меси во разговорот со нив меѓу другото откри во кој клуб ќе ја заврши кариерата.
„Не сум подготвен да го напуштам фудбалот, го играм цел живот… Малку се плашам дека сето тоа ќе заврши… Денеска мислам дека Интер Мајами ќе биде мојот последен клуб“, откри Меси.
Lionel Messi opens up about his future in football 😓
(via @ESPNArgentina) pic.twitter.com/BJOmdl6Gd8
— ESPN FC (@ESPNFC) June 12, 2024
За многумина, најдобриот играч во историјата на фудбалот ја напушти Европа по освојувањето на Светското првенство во Катар, од ПСЖ, и му се приклучи на МЛС Мајами, клуб во сопственост на славниот Англичанец Дејвид Бекам.
Таму му се придружија неговите поранешни соиграчи од Барселона, Жорди Алба, Серхио Бускетс и Луис Суарез, со кои се дружат и играат фудбал со полесно темпо.
Мајами минатата сезона не се прослави, дури не се пласираше во плеј-офот, но оваа година е многу подобар и моментално е лидер на својата конференција по 18 кола.
Голема заслуга за тој резултат има Меси, кој на 12 натпревари забележа 12 гола и 12 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Њу Орлеанс и ЛА Клиперс победија во продолжението, Оклахома загуби во Минеаполис

Два од петте натпревари одиграни во НБА лигата, пред Ол-стар паузата, завршија по дополнителни пет минути. Ноќта зад нас ја обележа и поразот на Оклахома во Минеаполис.
Њу Орлеанс Пеликанс по едно продолжение забележаа триумф над Сакраменто 140:133.
Пеликанс славеа 13 пат во сезоната, тие го имаат најлошиот скор на Западот, додека во целата лига полоши од нов се само Вашингтон Визардс.
Си Џеј Меколум со 43 поени го предводеше тимот до победата, а блиску до трипл-дабл беше Треј Марфи со 28 поени, 11 асистенции и девет скока.
Зак Лавин кај Сакраменто забележа 32 поени и 10 асистенции, го следеше Домантас Сабонис со 22 поени и неверојатни 28 скока, со што го израмни рекордот во кариерата.
Подолжение се играше и во Солт Лејк Сити, Клиперси ја победија Јута со 120:116.
Победата на гостите им ја донесе извонредниот Норман Пауел со 41 поен, од кои девет постигна во продолжението, иако последниот кош (за три поени) беше дело на Французинот Николас Батум. Голем придонес имаше и Џејмс Харден со 32 поени, 10 скока и седум асистенции.
Резултати:
Хјустон – Голден Стејт 98:105
/Холидеј 25 – Кари 27/
Далас – Мајами 118:113
/Eксум 27 – Хиро 40/
Минесота – Оклахома 116:101
/Рид 27 – Гиљес Александар 24/
Спорт
Проблем за Рома, се повреди Дибала
Рома успеа да ремизира со играч помалку против Порто во првиот натпревар од плејофот за пласман во осминафиналето на Лигата на Европа, но остана без важен играч.
Пауло Дибала мораше да ја напушти играта во 39. минута во ремито на неговиот тим на „Драгао“ во Порто (1:1).
Причина за ова е потенцијално нова повреда на коленото која Дибала ја заработи во текот на првото полувреме. Тој продолжи да игра по еден дуел, но мораше да побара измена неколку минути подоцна.
Маестро со топката, еден од најголемите таленти на својата генерација, имаше одлична кариера, но честите повреди го спречија да направи нешто многу повеќе. Речиси да нема сезона од 2016 година кога поради разни повреди не пропуштил барем месец-два.
Дибала се пресели од Палермо во Јувентус во 2015 година. Тој одигра седум сезони во црно-белиот дрес, а потоа бесплатно се пресели во Рома.
Дибала и оваа сезона нема лоши бројки. Аргентинецот на 30 натпревари во сите натпреварувања постигна шест гола и додаде три асистенции.
Спорт
Го добивме најмладиот стрелец во историјата на европските натпреварувања

Фудбалерите на Шамрок приредија вистинска сензација со гостинската победа во Молде, во првиот натпревар од плеј-офот за осминафиналето на Конференциската лига.
Иако беше постигнат само еден гол, тој влезе во историјата на натпреварувања под капата на УЕФА.
Имено, стрелецот Мајкл Нунан го реши натпреварот во 57. минута и стана најмладиот стрелец во историјата на меѓународните клупски натпреварувања. Нунан стана рекордер со 16 години и 197 денови.
Интересно ова беше негов деби настап за Шамрок, откако потпиша за ирскиот клуб оваа зима.
За само 21 ден, тој го собори рекордот на Белгиецот Ромелу Лукаку, кој со 16 години и 218 дена постигна два гола за Андерлехт во победата од 3:1 над Ајакс во Лига Европа во 2009 година.