Спорт
Монпелје по 15 години се врати на европскиот ракометен трон
Монпелје го наследи Вардар на европскиот ракометен трон. Во финалето на завршниот турнир, во Келн, во француското финале, Монпелје го победи Нант со 32:27. Монпелје по 15 години повторно стана европски шампион. Од таа 2003 година во тимот се уште се тр…
Монпелје го наследи Вардар на европскиот ракометен трон. Во финалето на завршниот турнир, во Келн, во француското финале, Монпелје го победи Нант со 32:27. Монпелје по 15 години повторно стана европски шампион. Од таа 2003 година во тимот се уште се тренерот Патрис Канаје и левото крило Мишел Гигу. Кирил Лазаров, не успеа со Нант, да стигне до својата втора титула во Лигата на шампионите. Лазров со шест гола беше најефикасен во својот тим.
Монпелје на патот до титулата ги елиминира Барселона, Фленсбург и Вардар. Во финалето блескаше голманот Жерар, кој само во првото полувреме имаше десет интервенции.
Токму Жерар, му овозможи на својот тим, во првото полувреме да стекне сигурност и со леснотија да ја одржува предноста од две или три гола. Сличен тек имаше и вториот дел, иако Нант преку Лие Хансен успеа да израмни во 35.минута.
Монпелје повторно ја врати предноста од три гола, која ја одржуваше до 53.минута. Нант израмни на 24:24, но Лазаров и тмот, немаа сили да му го зададат завршниот удар на својот противник.
Одговорот на Монпелје беше бритален, за само две минути ги казнни сите технички грешки на противникот и со серија 5:0 го решија прашањето околу конечниот победник.
Монпелје до титулата покрај голманот Жерар го предводеа Фабрегас со шест, односно Ричардсон, Кавтичник и Симоне со по четири гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тешка група за ракометарките на ЕП – Македонија натпреварите ќе ги игра во Дебрецин
Foto/ macedoniahandball.com.mk
Женската ракометна репрезентација на Македонија ги дозна ривалите на Европското првенство во Унгарија, Швајцарија и Австрија.
Во А групата, Македонија ќе игра против една од најсилните светски селекции Шведска, ко-домаќинот Унгарија и Турција. Натпреварите ќе се играат во Дебрецин.
Првенството Македонија ќе го отвори против Шведска на 28.номеври, два дена подоцна противник ќе биде Турција, а на 2.декември ракометарките ќе се сретнат со Унгарија.
Пласман во следната фаза ќе изборат најдобрите две селекции од секоја група.
Група Б (Дебрецен): Црна Гора, Романија, Србија, Чешка
Група Ц (Базел): Франција, Шпанија, Полска, Португалија
Група Д (Базел): Данска, Швајцарија, Хрватска, Фарски Острови
Група Е (Инсбрук): Норвешка, Австрија, Словенија, Словачка
Група Ф (Инсбрук): Холандија, Германија, Исланд, Украина
Европскиот шампионат ќе се одржи од 28.ноември до 15.декември.
𝗧𝗛𝗘 #𝗲𝗵𝗳𝗲𝘂𝗿𝗼𝟮𝟬𝟮𝟰 𝗦𝗧𝗔𝗚𝗘 𝗜𝗦 𝗦𝗘𝗧!🔥 Who will be crowned as European Champions next December in Vienna? 🤩 #catchthespirit pic.twitter.com/VlewEnoqxQ
— EHF EURO (@EHFEURO) April 18, 2024
Спорт
Ембид го прекрши ветувањето што му го дал на претседателот Макрон
Кошаркарот на Филаделфија, Џоел Ембид му ветил на францускиот претседател Емануел Макрон во 2021 година дека ќе игра за Франција. Три години подоцна го прекрши ветувањето.
Ембид, се ремисли и реши на олимписките игри во Париз да го носи дресот на Соединетите Американски Држави.
Ембид имаше можност да игра за Камерун, земјата во која е роден.
„РМЦ Спорт“ го објави писмото Ембид што му го испратиl на претседателот Макрон во 2021 година.
„Откако разговарав со луѓе од Француската кошаркарска федерација, донесов одлука. Сакам да преземам чекори за да станам „натурализиран“ играч и на тој начин да можам да бидам член на „триколорите“. Затоа не сакам да играм за која било друга репрезентација. Никогаш не сум ги носел боите на ниту една репрезентација. За мене би било голема чест да се приклучам на оваа француска репрезентација за да учествувам на следните големи натпреварувања, особено на Олимписките игри во 2024 година“, пишува меѓудугото во писмото на Ембид.
Joel Embiid a envoyé une lettre à Emmanuel Macron en 2021, dans laquelle il a promis de jouer pour l’équipe de France afin d’obtenir la nationalité française, selon @RMCsport.
Extrait de la lettre : « Mon choix est arrêté […] Je ne souhaite jouer pour aucune autre équipe… pic.twitter.com/mVLV7xrhkF
— Benjamin Moubèche (@BenjaminMoubech) April 18, 2024
Инаку, Ембид е на списокот од 12 играчи на САД кои ќе играат во Париз.
Во ростерот на Стив Кер се и Стеф Кари, Тајрис Халибартон, Џру Холидеј, Ентони Едвардс, Девин Букер, Кевин Дурант, Џејсон Тејтум, Ентони Дејвис, Леброн Џејмс, Каваи Ленард и Бем Адебајо.
Спорт
Имобиле ќе го напушти Лацио, замената доаѓа од Џенова
По осум години минати во клубот, капитенот на Лацио, Чиро Имобиле ќе го напушти „Олимпико“, на крајот од сезоната.
Имобиле четири пати беше најдобар стрелец во италијанската Серија А, 34-годишниот се смета за еден од најдобрите напаѓачи во историјата на клубот.
Иако договорот му истекува дури во летото 2026 година, најдобриот стрелец во клупската историја не е во плановите на новиот тренер Игор Тудор, кој веќе најде замена за него.
Како што пишува италијанска „Ла Република“, следното лето Лацио ќе тргне по центарфорот на Џенова, Матео Ретеги, италијанскиот репрезентативец, роден во Аргентина.
Ретеги има 24 години, а оваа сезона за Џенова постигна осум гола на 26 натпревари, а за селекцијата на „аѕурите“ одигра шест натпревари и постигна четири гола.
Џенова за трансферот на Ретеги ќе бара околу 25.000.000 евра.